يالله يامن لك مقاليد الامور ……….. تفكّها الليله مع امّ العيال
للخير تهديها وتسمح بالعبور …….. بروح رياضيه ومن دون اقتتال
ياام العيال انتي حياتي والزهور …. وحبي الاوّل وما مثلك مثال
أريد ترتاحي وتهني بالسرور …….. فقلت اتزوّج واترك لك مجال
تعاونك بالبيت ماقصدي غرور ……. وتحت امرك كل حاجه وامتثال
تهتم بأطفالك وتصليح الامور ……. والقصد ترتاحي وما القصد احتيال
ردت عليه الزوجه :
حركات معروفه وتصريفة مرور …… فهمت مقصودك وهذا شي محال
وكيف تنساني وتجرح بالشعور …….. وكيف تنسى عهدنا يوم الوصال
أفا عليك ويش التنكر والفجور ………. العيب والنكران من طبع الرجال
الزوج:
مايعلم الا الله ماتخفي الصدور …….. وهل يضر الشمس ان يأتي هلال ؟
القصد ترتاحي وفي احسن قصور ……. لاتزعلي منّي وخلي الانفعال
لايمكن انساكي على مرّ العصور ……… وعود اقطعها وماهي احتمال
والقصد ترتاحي وماقصدي فتو ر… مالك نظير بالحسن او باقي الخصال
وامسيت اراودها والغيت الكسور ….. حبيبتي ليش الحزن والدمع سال
ردت عليه الزوجه :
لايمكن اقناعي ولو تجلس شهور …… اعذار تصريفه ولو تضرب مثال
العيش اهون لي مع اهل القبور ……. يشهد على قولي الهي ذي الجلال
الزوج
مادام ذا قولك فهاتي بالعطور ……… الامر أصبح جد ماهو بالهزال
وزيّني بيتي وزيديها بخور ………… بكره أنا وعدي مع بنت الحلال
الحب لك باقي وفي قلبي يمور ……… الى هنا اختم وهل باقي سؤال ؟
لك وعد منّي ماتشوفي من قصور ………. أو ميل منّي قد يسبب إنشغال
والعدل واجب ماأفكّر بالمهور …………. بالعدل اوصى ربّنا في كل حال
أبني اخوه بينكن واربط جسور ………… ممنوع شامخ مايزلزل كالجبال
الزوجه الاولى لها حبي ونور ……. ماعاش من ينوي على قطع الوصال
ردت عليه الزوجه وهي راضيه :
مادام قد جدّيت راقب رب غفور …. نفسي تكون البنت في احسن خصال
مبروك ياممنوع وتم الله سرور ………. مني هدية ورد , شمّاغه وشال
لكن احذّر ان يصير لك حد سور ……… او تبتعد عني ومالي بك منال
والختم صلى الله عدد نوح الطيور …….على محمد قدوتي صاحب بلال
وسلا متكـــم ..
مآفي الامر حيله رضت بآمر الوواقع مسكينه اكسرت خاطري زين وهو قالها
خخخخخخخخخخخخخخخخخخ حلووووووووووووووووووووة
يعطيك العافية
مشكووره يالغلا
ْْاللهم إني أسألك الأنس بقربكْْْ
هلا وغلا نورتو حبايب قلبي بوجودكم وطلتكم البهيه
مشكورة ملوكة الله يعطيكي الف عافية بس ها لاتكثرين من هلمواضيع ههههههههههههههه
اسعدني مروركم وتواجدكم بصفحاتي
يعطيكم ربي الف عافيه
يعطيج ألف عافيه
تحياتي العطرره
عنود الشوق
مسوي انه يجيب الحل وكمل الناقص
يجيب لها خدامه تساعدها مو زوجه
تهتم بأطفالك وتصليح الامور ……. والقصد ترتاحي وما القصد احتيال
طيب يا رجال جيب لها خدامة ليش تتزوج عليها ههههههههههههههه