هلا وغلا فيكم
اليوم جبت لكم طبق خفيف
للي يحبون التغيير….
قطع الدجاج الذهبية
المقادير:
500 جرام صدور دجاج <<<أستخدم رضوى
مقطعة الى قطع متوسطة عشوائية (بالشكل اللي تحبيه)
المنقوع:
فص ثوم مهروس
قطعة زنجبيل مهروسة
ملعقة طعام خل
ملعقة طعام ليمون
ملعقتي طعام (كاتشب)
ملعقتي طعام سوس <<<أي سوس مفضل
ملح-فلفل اسود-فلفل احمر
الطريقة:
ننقع قطع الدجاج في المنقوع <<<كلما زادت المدة أفضل
وهذي بعد النقع…….
عند التحضير نحتاج:
طحين به فلفل احمر وملح
بيضتين فيهم شوي خل وفلفل اسود <<<<الخل يزيل الرائحة
وبقسماط مع ملح فلفل احمر<<<<<<اطحني اي روتي في الطحانة
والآن:
نضع الدجاج قطعة قطعة
في الطحين
ثم البيض
ثم البقسماط
حتى تنتهي الكمية
ويفضل وضعها بالثلاجة حتى تتماسك<<<<<مب ضروري
بعدين نحمرها في زيت خفيف على الجانبين….
ونقدمها ذهبيه …..اتهبل!!!وتذوب في الفم……
وانا قدمت معاها شوربة الخضار بالكريمة
وقوارب البطاطا بالجبنه….
ويمكن تجميد القطع في الفريزر لمدة شهور
وبتكون احلى من النجتس….والاطفال بيحبونها……
وعلى الاقل عارفة شنو فيها؟؟؟؟
وبالهنا والشفا….
ها اشقلتوا؟؟؟؟حلوة؟؟؟؟
يمي يمي شكلها روعه
يعطيج العافية يااختي
حبيبتي اسفة والله نسيت احط وصفة التميز
و الحين بثبت الموضوع ان شاء الله
يعطيك العافيه طبق روووووعه
عجبني القوارب اكتبيلنا الطريقه 
ومن خافه قلت مخافته,, ومن عرفه تمت معرفته }….
•
بالنسبة لقوارب البطاطا
تختارين حبات بطاطا صغيرة مع قشورها
وتغسلينها بفرشاة الخضار عدل…
وبعدين تسلقينها وبعد ربع ساعة اغرسي فيها شوكه
اذا طلعت بسهولة شيلي البطاطا من النار
في مقلاة ضعي قطعة زبدة وفوقها بصله
صغيرة مفرومة ناعم…وفص ثوم مهروس
بعد ذبولهم ضعي الحاجات اللي تحبينها:::
فلفل اخضر بارد او حار
مشروم علب مقطع
نعناع جاف< شبت<بقدونس
وملح وفلفل
لما تنشف المكونات شليها من النار
وضعي عليها جبنة كرافت مبشورة
واذا حبيتي قشطة او بشامل…
نقطع البطاطا انصاف ونرصها في الصينية
ونضع فوقها الحشوة
وندخلها الفرن من فوق…..
وبس ادعي لي اذا عجبتك…….
تسلم يمناج وربي يعطيج العافيه
ألف شكر لج عزيزتي على الطريقة الحلوة.. وأكيد لذيييذة
وتسلمين يارب
وتعليقاتكم الاحلى!!!