بعد التفاعل مع قناع معجزة الأفوكادو حبيت أفيدكم
أكثر وأكثر وأعرفكم على قناع ثاني فادني وااايد بس هاي الجل
كلش غير عن قناع الأفوكادوا لعدة أسباب الا وهي
أولا هو عباره عن جل >> بس مو جلي رمضان << حاسبوا خخخ
ثانيا شفاف
ثالثا هذا ما يقشر مثل الأفوكادوا ولكن يزيل الخلايا الميته اللي على سطح البشرة
بقولكم اشلون آنه إستخدمته
طبعا بما أن الخلطة جهنمية
(بطيخ أصفر + خيار + جنسنج) تشهدت قبل لا أخليه على ويهي >>> أمزح
خطوات البناء
1 ويهي نظيف بعد ما استخدمت قناع الأفوكاوا
الوجه جاف تماما تماما >>مهم<<
لأن إذا خليتي فيه ماي رح يخرب ولا بتستفيدين يالحلوة
2آستخدم نفس البروش تبع الأفوكادوا >> عن الخساير << موكل مرة بروش يديد خخخ (البروش ناشف)
3 هذا بس استخدمه على منطقة الوجه
>>>> واايد عفسه إذا إستخدمتيه على اليد <<<<
على العموم …
4 إخذي بالبروش الخاص من الصحن الخاص وخلي منه من طبقة > لاتصيرين بخيلة < البخل مو هالحزه
وإبتدي فيه من الجبهة وحاسبي لا تحطين على قذلتج ولا على حواجبج ترى بيروحون فيها وبتمين بدون حواجب ولا قذلة >>> أمزح الجل حده أليف مو مفترس<<<
5 وزعيه من الجبهة إلى الذقن وإذا حبيتي وصليه للرقبة بيكون أحسن
6 الجل راح ينشف تماما لحاله لمدة 20 دقيقة طبعا حاولي هال20 دقيقة يكونون دقائق صمت >> لغة الإشارة << عشان الجل ما يتعفس
7 بس بعد ما ينشف الجل وتحسينه مشدوووود شيليه مبتدئه من منطقة الذقن وصولا إلى الجبهة
وإدعيلي على النعومة والنضارة
ملاحظة
لاتحطينه على الشفايف ولا تتركين فراغات
إستخدميه كل إسبوع مرة
:shy: (f) :shy: (f)
يلا خلاص إنتهى العرض
إلى اللقاء مع باقي الاسرار
يسلموووووو
بس كيف شكله وماركته
وينفع للبشرة الحساسةوالمختلطه بنفس الوقت
بس كيف شكله وماركته
وينفع للبشرة الحساسةوالمختلطه بنفس الوقت
(f)
وهذه المعلومااااااااات المفيده…
شكرا على الافادة (f)
أتمنى انك تجمعى كل منتجات الفريمان فى موضوع واحد
للافاده الشامله بمنتجات هذى الماركه
وتجربتك معاها
وفى حفظ الله ورعايته
أختي صلصوحه انصحج تشترينه لأنه وايد زين وعجبني خصوصا ان خلطة الفواكه الي فيه مميزه
أختي أزهار المدينه اذا كانت بشرتج حساسه ما انصحج تستتخدمين شي على وجهك إلا بعد استشارة طبيب الجلد أضمن لحالتك
أما الأخت بنت عذاري فأنا ما اأستخدمت الا هذا الجل وكريم الافوكادو من freeman وكريماتي الباقيه بتكون من ماراكات ثانيه 🙂
سلااااام
ممكن تصورينا الفرشة الي تستخدمينها للويه… واذا ما ترومين… قوليي من وين خذيته عسب اسير واتشرا شراته