حبيت بس ادردش معكم شوي بموضوع لطيف ..
من من عيالك هاديء ؟؟ ومن هو عصبي ؟؟؟ ومن من ورث العصبية او الهدوء؟؟؟
ابنك مواليد اي شهر ؟؟؟ هل تغير سلوكه بتغير عمره ؟؟
كيف تتعاملي مع الحالتين اذا تواجدت عندك في البيت ؟؟؟
ابني الحمد لله هاديء .. طباعه حلوة .. ويسمع الكلام بسرعة …
يمكن علشان استخدم مع اساليب هادئة وبعيدة عن الضرب … ومن يوم اتولد الحمد لله هادي
بس لا يعني انا ما تطلع بعض العصبية والشيطنة بعض الاوقات …
ومن من ورث الهدوء؟؟ الله اعلم لان البيت كله عصبي .. بس الحمد لله ابدا ما نتصايح قدامه ولا نتضارب وموفرين له جو وبيئة جيدة .. اتعامل مع عصبيته بالتجاهل وعدم الرد اخليه يبكي ويكمل .. والحمد لله جايبة نتيجة ..
ابني مواليد شهر سبتمبر ..
موضوع حلووو
اني عبااادي عصبي
وورثة هالشي من العائلتين عائلتي وعائلة زوجي
هو مواليد شهر 7
وخصوصا هالايام صاير وايد عصبي ووايد يمد يده
من قبل حاولت اتركة هالشي اني اتجاهلة لما يعصب ونفع معاه
بس هالايام صاير عصبي بطريقة غير طبيعيه ووايد يضرب
الله يعيني عليه
مشكورة ع الموضوع بنتي الكبيرة هادئة جدا ام الوسطى والصغيرة عصبيتان يمكن لاني دائما عصبية
اني ولدي صدوقي مواليد شهر 7 سنة 2024 وهو ولدي الوحيد
وهو واجد هااادئ ما شاء الله عليه يعني مو حركي واجد
وخجووووول جدددددددا واذا في احد ويبي يتكلم يتكلم بصووت منخفض كلشش حتى لو كانو المتواجدين من الاهل
لكن واجد يتطلب وكل شي في يد غيره يحبه حتى لو كاان شي بسيط
وزعوووووووول جدددددا وحساس ورضاه عسيرر يعني ما يرضى بسهولة
وجبان اشووي ومو اجتماعي رغم اني حسيت تغير اشووي يوم دخل الروضة واذا يلعب مع الاطفال ويصير هواش بينهم كلش ما يدافع عن نفسه واقل شي يصيح
جني واجد هدرررررررت مساامحة بس لانة الموضوع عجبني
تسلمين على الموضوع الحلو
انا حمودي هالايام صاير عصبي خاصة اذا يبي شي ما يحصله يصارخ ويضرب بس لما اتجاهله يصيح الدموع اربع اربع وعقب ينسى ويسكت وترى ورى هالعصبيه كلها اهو خوييييييف حده
وهي ماشاء الله عليها ,,, عصبيه بكل معنى الكلمه…
على طول تصارخ وتعصب وتقعد تهااااوش بكلام ماينفهم…خخخخخخخ…
وهاليومين متعلمه الدح,,, كل تضرب واذا جيت اغير لها تصيح وتعصب وتقعد تضرب على راسها…
هو المفروض اني مااستغرب لاني انا وابوها وعيلتي كللللللللللللها عصببيت…..
وهي من مواليد شهر 3,, يعني برج الحمل..
ومعروووووف برج الحمل بالعصبيه والعناد والفضووووووووول…
شحال وسام؟؟
ياطويله العمر ولدي من مواليد شهر 2
ومزاجي درجه اولى وعصبي
والعناد لاتسالين عنه راكب راسه ولاحد قده:mad2:
خخخخخخخخخ:dd:
دلووووع
انا ولدي الكبير هادئ وعصبي في نفس الوقت وهو من مواليد شهر مارس
ولدي الثاني عصبي لاقصى درجة من مواليد شهر يناير
مشكورات حبيباتي على التفاعل واتمنى يكون الموضوع عجبكم ..
وفي انتظار باقي الامهات ..