اللي زوجها بيسافر عنها .. او تعبان بدوامه .. او طلعتله شغله ضروريه لعدة ايام او حتى شهر وراح يكون مشغول عنها ..
تسوي اللي بقولكم ياه
أولا .. علبة الدواء ..
1. علبه دوواء فاضيه من اللي عندج بالبيت .. والأفضل تكون شوي كبيره
2. جلاد ابيض .. ربع متر
3. اوراق ملونه
4. ورق ابيض مقوى
5. ستكرات على شكل قلوب .. سمايل فيس .. نجوم .. او اي شي تشوفينه مناسب
6. مقص
7. عطر
8. اوراق بيضه (قص ولصق) بس اللي تدخل بالطابعه (بتحصلينها في المكتبات)
9. صوره لشعار الصيدلي المعروف (هلال وكاس وثعبان) واذا تبونه ادخلوا موقع وزارة الصحه
10. كرتونه علب الدواء (لازم تكون مناسبه لعلبة الدواء لأنج بتحطين العلبه داخلها)
الطريقه:
بنبتدي بالعلبه.. نظفي علبه الدواء زييييين وغسليها ونشفيها عدددددددل .. رشي داخلها شوية عطر وسكري ويبي كلينكس وتمي امسحيه بالعلباء على اساس تتوزع الريحه داخلها وسكري العلبه وخليها على جنب ..
قصي الورق الملون على عدد الأيام اللي بيغيب فيا زوجج ..وكتبي بكل ورقه نكته .. اغنيه .. كلمات حب .. بوسات .. واذا حطيتي كلمة (حاول مرة أخرى) زيدي عدد الأوراق عن الأيام بيوم واحد .. لأنه بيسحب ورقتين في هذاك اليوم..
وبعدين لفيهم وحطيهم داخل العلبه.. وبيكونون عباره عن الدواء :rolleyes:
وبعدين صممي ليبل صغير على الكمبيوتر .. مثل الليبل اللي يكون موجود على الأدويه .. حطي شعار وزارة الصحة .. وكتبي اسم المستشفى مثلا اذا كان اسمج مريم حطي (مستشفى ميمي الخاص) .. وكتبي تقريبا نفس الكلام المكتوب على علب الأدويه بس بدلي بعض الكلمات بكلام حب .. مثلا (محتويات الدوا حب 8ملغم شوق 7ملغم عشق 5ملغم) وحطي تاريخ الاستخدام وتاريخ الانتهاء وحطي جملة يترك بعيدا عن متناول يد الأطفال .. وكتبي (انتاج شركة ميمي الدوائيه) .. وانشاء الله بحاول ارفق لكم نموذج .. وطبعيه على الورقة البضاء (قص ولصق)
وبعدين يبي الجلاد الأبيض قصي على طول الليبل المحطاي على العلبه اصلا .. يعني بختصار جلدي عليه علشان ما يبين الليبل الأصلي ..
وعقب حطي عليه الليبل اللي من تصميمج .. بجذي بنكون مخلصين من العلبه
انيي عن الكرتونه اللي بتحطين فيه العلبه .. افتحي الكرتونه الأصليه وحطيه على الورق المقوى ورسميه وقصيه وسوي نفس الكرتونه الأصليه .. وشوفي شو مكتوب على الكرتونه الأصليه وصمميه بالكمبيوتر مع تغيير بعض الكلمات بكلام حب (مثل الفكره اللي فوق للعلبه) وطبعيه على القص ولصق ولصقيه على العلبه..
اذا كان بالدوله اللي انتي ساكنه فيها .. شي صيدليه اسمها على اسمج .. سيري خذي الكيس من عندهم .. واذا لا فسوي معاي هالخطوات
المطلوب:
1. كيس صغير يناسب العلبه بس يكون ساده
2. ورق ابيض قص ولصق
3. مقص
4. كيس صيدليه اصلي
5. شعار الصيدليات (هو نفسه القبلي)
سوي الأشاء اللي على الكيس الأصلي بالكمبيوتر من تصميمج وخلي اسم الصيدليه باسمج او الاسم المحبب عند زوجج..
وطبعيه على القص ولصق ولصقيه على الكيس ..
وبجي بيكون عندج كيس صيدليه خاص فيج .. 
جي بتكونين دكتوره لزوجج .. وصدقيني ترى النتيجة راااااااااااااااااائعه .. وبيحس صدق انج مهتمه فيه ..
جربي …
وادعيلي ..
احبكم :shy:
الأخت عروس دبا.. هذي أول مشاركة لي.. أحب من خلالها أن أبدي إعجابي للفكرة اللي طرحتيها.. وللروح المرحة اللي عندج واللي تظهر من خلال أفكارج.. الله يوفقج…
بس مابي اتفاول عليه بالشر :pain:
مشكورا:shy:
لا مانقدر عليها عروس دبا
فكرتك عجبتني
بس للأسف ما أقدر انفذها
لأنو بعدي ما تزوجت ولا انخطبت
بس بجد والله فكرتك بالمررررة عجبتني
:shy: 7looooooooah
allah ya3teeek al3afyaa
الفكرة عجبــــــــــــــتني كثيييير…….
مو معقووووووووووووولة …..رهييييييييييبة جدا …….
:flower: :flower:
بصراحة وايد حلوة احس انه مفعولها قوي
انا عن نفسي طبعتها وصفتها للملف اللي عندي والله وايد استفتدت من هالمنتدى والله يخليكم بنات
تحياتي
(*)