بنات،،، بغيت شوركم في موضوع اعتقد انه بيكون مفيد للجميع،،، وياريت كل البنات يتجاوبون ويعرضون معلوماتهم وتجاربهم ومساعدتهم بخصوص الموضوع عشان تعم الفايدة،،، سؤالي هو: عند ذهابنا للجمعية او سوق الخضروات والفواكهه،،،او سوق السمك واللحوم،،، كيف يمكننا التعرف على اجود الانواع وبأي طريقة خصوصا اذا كان ذلك غير واضح للعيان،،، مثال:
كيف يمكنني معرفة اذا كانت البطيخية او اليحة ناضجة تماما وطيبة وليست رديئة.
عني انا:
سؤالي بخصوص السمك،،، الاحظ على المشترين يوم يشترون السمك يطلبون من البائع الكشف عن خياشيمها،،، كيف يتم اختيار او معرفة الافضل؟!!! هل عن طريق درجة اللون؟!!! وكيف لازم تكون؟!!!
بالنسبة للحوم،،، انا مرة خذت لحم غنم "المفروض انه طازج" على كلام البائع من كارفور،،، وكان جاهز في الصحن "مش المجمد"،،، يعني ما قطعه جدامي لا كان معروض في صحن،،، لما رحت البيت وطبخته وكلته سبب لي مغص قوي،،، السؤال كيف ممكن اختار افضل الانواع،، هل لازم اخليه يقطعه جدامي؟!!!
يالله بنات رودوا وعطونا تجاربكم في جميع الانواع،،،
مرحبا أختى الفاضلة
ولا يهمك سوف ارد على هذا الموضوع في وقت لاحق
موضوع جميل جداً
ساعدوا اختكم في الموضوع،،،، ترا والله بصيح ها 🙁 😥 😥 😥
اخت نور الهدى شكرا على الرد وبانتظار افادتج
اختي اوركيد
انا الي اسمعه ان لازم يكون لونها وردي فاتح .الغامج يكون غير صالح للاستعمال الانساني
التفاعل من ربات البيوت …
بالنسبة للحوم الطازجة اذا ضغطنا عليها تكون مرنة نوعا ما ولونها يكون
زاهي وما فيها ريحة …
واذا لقيتي ان جوانب اللحم جافة او لونه داكن او فيه ريحة غير مستحبة
فاعرفي ان اللحم فاسد …هذا بالنسبة للحم…
بالنسبة للسمك فمعلوماتي عنه قليلة بس اللي اعرفه ان الخياشيم
تكون حمراء في السمك الجيد ….
بالنسبة للفواكه والخضروات فباللمس وعلى التجربة بتعرفين تشترينها
يعني ماتكون مثل المضروبة او متغير لونها …
بعطيج بعض الأمثلة
مثلا الفراولة كلما كانت اغمج كانت افضل…
بالنسبة للموز الأفضل شراء اللي يكون نوعا ما مائل للأخضر يعني بعده
ما استوى وايد عشان يطول عندنا …
بالنسبة للبقدونس الأفضل شراء الحزم اللي تكون اوراقها صغيرة ولونها
طبعا اخضر…والأنواع الغير صالحة تكون ذابلة او مائلة للون الأسود…
بالنسبة للخس لازم تلاحظين حوافه او اطرافه تكون خالية من اي بقع
بنية …
الخيار الجيد لما تمسكينه يكون صلب نوعا ما ولونه اخضر غامج….
نفس الشيء بالنسبة للطماطم لازم تكون متماسكة نوعا ما وتلاحظين انها
خالية من اي شقوق او بقع والأفضل انج تشترينها بالكيلو مب بالكرتون
لأنه الواجهة بالكرتون تكون زينه بس لما تجلبين الطماطة تحصلينها لينة
او مهروسة…
بالنسبة للبطاطا فأفضل الأنواع اللي تكون ملساء وما فيها تشققات
ولما تضغطين عليها تحصلينها يابسة وكل ما كانت قشرتها نظيفة
يعني انها خالية من المواد الكيماوية…..
هذا اللي قدرت اتذكره الحين من خبرتي البسيطة وان
شاء الله تستفيدينتسلمين وايد على الافادة بس بالنسبة لخياشيم السمك،،، اكيد بتكون حمراء بس قصدي لونها غامق ام فاتح،،، مثل ما تفضلت الاخت "ماما زمنها جيه" قالت انها فاتحة وانها اللي سمعته ومب متأكدة منه انه كذلك،،، بس بعد يرد البايع ويقول حتى الاحمر الداكن زين،،، شي طبيعي بيقول جيه يبا يبيع،،،،،
وما خبرتيني عن اليحة والبطيخة كذلك،،، وشكرا على الافادة بالنسبة للحم