اليوم سويتلكن كيكة الصفوف المعروفه وهيه نوع من انواع الحلويات الشرقيه وانا دوم كنت اخذها من المخبز في رمضان
وهالمره قلت اسويها بنفسي عشان يوم اشتهيها اسويها بروحي
وقلت اعلم العرايس عليها لانها حلوه وطعمها حلوووو
مقاديرها:
5 أكواب طحين
3 اكواب سكر
5 ملاعق حليب بودره
كوب زيت
كوبين ماي
ملعقه صغيره كركم
ملعقه صغيره ينسون مطحون
ملعقه صغيره محلب
3 ملاعق صغار بيكنج بودر
واللي ماتعرف المحلب هذي صورته وبتحصلنه عند الخاجه واي محل عشاب
الطريقه
نخلط كل المكونات الجافه ..الطحين +السكر+حليب البودره+الينسون+الكركم+المحلب+البيكنج بودر
بعدها نضيف الماي شوي شوي ونبدا في خلط المكونات وعقب نضيف الزيت ونخلط لين تتكون عجينه غليظة القوام
ونييب صينيه وندهنا بالطحينيه
وهذي الطحينيه للي ماتعرفها
وهذي الصينيه بعد دهنها بالطحينيه
وبعدها صبينا العجينه في الصينيه وهذا شكلها
ونزينها بصنوبر وسمسم
وندخلها الفرن حتى تنضج وتحمر من فوق شوي
وهنيه بعد ماطلعتها
وهذي بعد التقطيع
وصوره اقرب للتشويق :encore:
على فكره مفروض اسويها في صينيتين كل صينيه 25 سم عمقها عشان ماتطلع ثقيله
بس انا تعايزت وسويتها في صينيه كبيره ههههه
للي تحب انها ماتطلع كثيفه وقطع كبار مثل ماسويتها توزع العجينه في صينيتين
واتمنى انها تنال اعجابكن
وباين عليها لذيييييييذ وهشة ماشاء الله
جزاكي اللله خيررررر
بس مشكوره على الطريقه ..