رح نحتاج المكونات التالية :
1) معكرونة ( نوع رومي )
2) طماطم مفرومة ناعم
3) ثوم طازج
4)جبنة موزيريلا مبشورة
5)جبنة رومي او بارميزان مبشورة
6) لحمة مفرومة
7) زيت زيتون
8) ملح و فلفل
الطريقة :
نسلق المعكرونة و طبعا كلكم تعرفون كيف بتنسلق 😉
و بعد هيك منقلي اللحم المفرون على النار مع الثوم المفروم و معلقتين زيت زيتون و ملح و فلفل طبعا لحد ما يتغير لونها للبني و تستوي .
بعد هيك منضيف عليها الطماطم و منضل نقلب لحد ما تتماسك و منتركها على النار حوالي 20 دقيقة لوقت ما قوامها يسمك .
و بهالوقت منقلب المعكرونة مع ملعقتين من الزبدة الذائبة و الجبنة الرومي
نرص المعكرونة بعد هيك بالصينية الدائرية و ندهن اطرافها بالزبدة
بعد ما تتسبك اللحمة و الطماطم نبدا نسكبها فوق المعكرونة و نحاول نحشي كل وحدة بكمية مناسبة
نرش الجبنة على الوش بالآخر و ندخلها الفرن اللي هو سخن من الاول , نتركها من 15 الى 20 دقيقة لحد ما الجبنة تتحمر و نقدمها بعد هيك .
و صحة و هنا على قلبكم و بتمنى تجربوها و تعجبكم و تخبروني 😉
يعطيك العافية ياقمر على النقل
بانتظار جديدك
تسلم ايديك