السلام عليكم ورحمة { الله
راح أطرح لكم طريقتي في جعل شعري الكيرلي
منبسط وناعم بشكل حلو
نوعية شعري
جاف وكيرلي
وقبل كل شيء … بنزل لكم روابط سابقة في العناية بالشعر
من طرقي المجربة والي جابت فائدة ونتائج مبهرة لي
{ للشعر الجاف + المتقصف .. تجربتي مع شامبـو Palmolive egg …..~
{ تجربتي مع رغوة الشامبو وخلطة حمام زيت فاشكول الجديدة..~
___________
الحين بكتب لكم طريقتي في جعل شعري المموج
يبان منسق وكأنه مستشور
أو وكأني قمت بتسريحه في صالون
بدون اضرار للشعر ولا سبب في تقصفه
الأدوات الي راح تحتاجونها
1 زيت 555 (اصغر علي) القديم
2 كريم صانسيلك (حلو إنه يكون خفيف ع الشعر ويعطي رائحة منعشة) اختاري النوع الي يناسبك وتحبيه من مجموعة صانسيلك مو شرط حق البيض هذا
3 سيريوم لوريال البرتقالي ضد الخشونة
__________________
بعد ماتغسلين شعرك وتحطي حمام الزيت
بنفس الطريقة الي ذكرتها في الروابط اعلى الموضوع
نشفي شعرك دقيقتين بمجفف الشعر الكهربائي
ع حرارة خفيفة
{ اولاً ..~
حطي السيريوم ع شعرك (ثلاث ضغطات منه)
وركزي ع الاطراف وع خصل شعرك الامامية
{ ثانياً ..~
حطي قطرات من زيت 555 ع راحة اليد
ووزعي ع شعرك كامل من داخل وع الاطراف والخصل وكل جوانب الشعر
بالي تحبيه ويناسبك
(اذا شعرك دهني لاتكثري اذا مو حابة شعرك يدهن)
{ ثالثاً ..~
خذي مسحة من اي كريم صانسيلك (من المجموعة الجديدة) بالي يناسبك
وادهني فيها شعرك
وبعدين جيبي المشط اللي اسنانه خشبية
ومشطي شعرك عدل
اذا تاكدي من ان شعرك تمشط عدل
جيبي مشط اسنانه ضييييييقة
بكل رقة ونعومة ع الخفيف (علشان لاتقطعي شعرك)
ومشطيه زين .. كامل الشعر حتى الخصل
ردي كل شعرك لوراء
وبعدين اللوي شعرك
وامسكيه بشباصه
مثل هذي ……
وأتركيها طول اليوم حتى يجف شعرك تماماً
{ وقت النوم ..~
أربطي شعرك بربطة شعر ناعمة ماتكون قوية كثير علشان لاتقطعه اذا بتنزعينها
مثل هذي …..
لماتقومين من النوم راح تلقين شعرك منبسط
لان جف الشعر من الموية وهو ممشوط وناعم
وبعدين بكل سهولة
مشطي شعرك ع السريع
وزيدي السيريوم البرتقالي
وبعدها لفي شعرك من وراء
وامسكيه بشباصة
واما خصلك تقدرين تستشوريها او تستخدمي مكواة السراميك
لان شعرك من ورا مايحتاج
حلوو ومرتب وكانه شغل صالون
هالحركة كثيييييييييييييير تعجبني
واسويها بكل مرة ويبان شعري وكانه مستشور
مايحتاج اعدل الا خصلي عالخفيف من قدام
اممممممممممم
{ أضافة …~
اذا حابين يكون الشعر كيرلي
بطريقة ناعمة وحلوة
ممكن وشعركم بعد ماجف
توزعون اللفافات بكل خصلة
لما يجف الشعر اطلقي اللفافات
راح تحصلين تسريحة كيرلي منسقة بشكل جدا جميل :thumbs_up:
وووووو بس !
هذا مافي جعبتي لليوم
ههههه
{ أتمنى أشوف الردود والتفاعل..~
F:
…………
وآآآآآآآو ماشاء الله تبارك الله موضوع رووووعة%
سلــــمت انامـــلك عزيزتي..
تقبـــلي مروري…^^
تسلموووون لي حبيباتي
طيب اختي هو الزيت الي من اصغر علي للشعر ولا معطر
ماعندنا بالكويت اصغر علي
بس اقدر اوصي حد يجيبه لي
مشكوووووووووره علي ذكر تجربتك
هههههه يعني ماظن له دخل بمحل اصغر علي
بس مكتوب بروز ع الزجاجة
اصغر علي
لكن هو ينقال عنه 555 او بونخلة
وتميل ريحته الى ماء الورد
بس ترووح لما يجف الشعر لان انا حقيقة ماحب اشم موية الورد ههه