المهم انا مابي اطول السالفه عليكم بس حابه بداية تواجد المتزوجات والمخطوبات لان الموضوع يخصهم ويفيدهم ابي اسأل كل متزوجه ومخطوبه عن :
1-طريقة امتصاصها لغضب زوجها
2-كيف تصحي زوجها من النوم
3-في بداية الزواج كيف كلمتي زوجك عن المصروف الشخصي الي ينزلها لكي كل شهر (طبعا هدا السؤال للمتزوجات ويستفيدو منه المخطوبات)
4-ايش الشي الي يعجب زوجك فيكي او شي لاحظتي ان الرجال عموما يحبوه في المراءه
5-ايش الحركه الرومنسيه الي سويتيها سواء بتواجده بجانبك او حركه سويتيها على الموبايل وانبسط منها
5-كيف تشعرينه بالدنب ادا غلط بحقك
6-ايش الشي الي كان مو عاجبك فيه وقدرتي تغيرينه فيه يعني صفه كانت مو عاجبتك فيه وغيرتيها بشطارتك
وطبعا الهدف من هده الاسئله كل وحده تستفيد من خبرات الاخرى ونتبادل الافكار في طريقة تعاملنا مع ازواجنا عشان نغير من روتين الحياه الممله والرتيبه الي احيانا نحس فيها
وتقبلو خالص حبي وتقديري انتظر ردودكم
سعوديه جنــــــــــــــان
1-طريقة امتصاصها لغضب زوجها؟ طريقتي طبعا لما يزعل احيانا وهو يكلمني من موضوع ما اقوله حبيبي صلي على النبي ومافيه شي يستاهل تكدر خاطرك عشانه وانا اعتدر انا غلطت بس ادا انت ماسامحتني وغمرتني بحنانك منو يسامحني ويتحملني حتلاحظي بغضون ثواني ناسي الموضوع وجربو وحتشوفو وانتبهو يابنات لاتقولو هو الي مزعلني الرجل بطبعه مايحب احد يغلطه وهو غلطان انتو سوو الطريقه وبعد مايروق فهميه الموضوع بهداوه حأيعرف غلطه وحينطق لكي كلمة اسف الي نادرا ماينطقها الرجل لانه يعتبرها نقص لرجولته لانه شاف انك غلطتي نفسك عشان تهديه وماتكدري خاطره
2-كيف تصحي زوجها من النوم
3-في بداية الزواج كيف كلمتي زوجك عن المصروف الشخصي الي ينزلها لكي كل شهر (طبعا هدا السؤال للمتزوجات ويستفيدو منه المخطوبات
4-ايش الشي الي يعجب زوجك فيكي او شي لاحظتي ان الرجال عموما يحبوه في المراءه انا اكثر شي يعجبها فيني نعومتي وهداوتي وضحكتي ولاحظت انه الرجل يموت على شي اسمه نعومه في المراءه و يحب انها تظهر رومنسيتها بالشكل المعقول
5-ايش الحركه الرومنسيه الي سويتيها سواء بتواجده بجانبك او حركه سويتيها على الموبايل وانبسط منها؟ انا بالنسبه لي سويت حركه على وقت العيد كان يكلمني وانا جالسه اكل حلى قال وش جالسه تأكلين قلت احلي قال تصدقين امنيتي احلي من يدك المهم بعد ماقفلنا طرت علي فكرة اني اصور يدي شايله حلاو طبعا كنت مسويه بدكير ومنكير ليدي وطالع شكلها يجنن وصورت يدي كانت بقمة النعومه وبكدا ضربت عصفورين بحجر حققت له امنيته وخليته طول الوقت يفكر فيني فاتح الجوال ويناظر بنعومة يدي وانبسط بالحيل من الحركه جلس طول الوقت يدق وهو مهووس بالحركه ومشتاق لشوفتي بس طبعا الظروف ماساعدته لانه بمنطقه غير منطقتي وسويت كدا حركه بعد انجن عليها بس اكتفي بهالموقف (شرايكم فيني انا كدا(y)صح هههه )عطوني ارائكم بالحركه لانها من ابداعي ماأخدتها من مكان وطبقتها وسويت حركات من ابداعاتي كثير واعجبته حيل
5-كيف تشعرينه بالدنب ادا غلط بحقك؟ انا بالنسبه لي انزل كم دمعه دلع طبعا واقول انا ماتوقعتها منك لاني اشوفك توزن الامور وحكيم بتصرفاتك ولما زعلتني بهالطريقه حسيت انك شايف هالعقاب مناسب لي ويجلس وقتها مغتر بحاله انه حكيم ويوزن الامور وزعلني ويعتدر ويقول والله كنت تعبان من الشغل وتفكيري ونفسيتي تعبانه اعدريني وانشاءالله ماتكرر بس لازم تزبطين الدلع بهالامور ولا تخربين الدنيا على نفسك
6-ايش الشي الي كان مو عاجبك فيه وقدرتي تغيرينه فيه يعني صفه كانت مو عاجبتك فيه وغيرتيها بشطارتك؟ انا غيرته كانت زايده وغيرتها خليته صار يوزن الامور ويضبط نفسه امثر من اول بس طبعا غرست الثقه فيه من ناحيتي
وطبعا الهدف من هده الاسئله كل وحده تستفيد من خبرات الاخرى ونتبادل الافكار في طريقة تعاملنا مع ازواجنا عشان نغير من روتين الحياه الممله والرتيبه الي احيانا نحس فيها
وتقبلو خالص حبي وتقديري انتظر ردودكم
سعوديه جنــــــــــــــان
تسلمين اختي سعودية على هالموضوع الحلوو..
ويسعدني اني اكون اول وحده ارد على موضوعج ..
1-طريقة امتصاصها لغضب زوجها..
ما ارد عليه اذا عصب ولا اشوفه حتى باي نظره ممكن تزعجه.. وبعدين القى منه كلمة تقدير على تصرفي..
(f)
2-كيف تصحي زوجها من النوم
اصحية احيانا ببوسة او احط يدي على خده .. انايده باسمه او حبيبي او عمري ..
(f)
3-في بداية الزواج كيف كلمتي زوجك عن المصروف الشخصي الي ينزلها لكي كل شهر
بصراحة ماكلمته .. بس هو من نفسه مايقصر بشي .. ومقدر اني استحي اطلب منه ههههههه
(f)
4-ايش الشي الي يعجب زوجك فيكي او شي لاحظتي ان الرجال عموما يحبوه في المراءه
اللي يعجبه فيني على كلامه يعني 😮 ان عقلي اكبر من عمري ..وبنفس الوقت يحب طفولتي :tongue: والرجال يحب المرأه اللي تسوي له كل اللي يحبه ان كان من اكل او تصرفات او اي شي هو يحبه..
(f)
5– ايش الحركه الرومنسيه الي سويتيها سواء بتواجده بجانبك او حركه سويتيها على الموبايل وانبسط منها
كل الاشياء اللي سويتها له تعجبه وهو يحب اني دايما اغير بالحركات الرومانسية .. وصار يترقب في كل مناسبه وش بسوي له ..
(f)
6_كيف تشعرينه بالدنب ادا غلط بحقك
هو يحس من غير ماقوله 😮
(f)
7-ايش الشي الي كان مو عاجبك فيه وقدرتي تغيرينه فيه يعني صفه كانت مو عاجبتك فيه وغيرتيها بشطارتك
امممممممم مو عاجبني فيه عصبيته بس للحين ماقدرت اغير منها ههههههههههههه
(f)
وموفقين جميعا يابنااااااااات ومتزوجات..
سبحانك اني ظلمت نفسي فاغفر لي فانه لايغفر الذنوب الا انت (f)[/SIZE]
وحلو الشي يكون وليد اللحظه ويسعدك مع زوجك
الله يتمم عليكم السعادة يااااااارب..
سبحانك اني ظلمت نفسي فاغفر لي فانه لايغفر الذنوب الا انت (f)
1هلا فيج عزيزتي وتسلمين عالموضوع الجنان مثلج 
-طريقة امتصاصها لغضب زوجها
أهم شي السكوت وإذا بترد أترد بهدوء لأنها إذا عصبت وقامت تتضارب وياه ( بتزيد النار إشتعالا ) وبعد فتره بعد ما يهدى زوجها أتسير تتناقش وياه عن المشكله اللي أستوت بهدوء وتفاهم :flower:
2-كيف تصحي زوجها من النوم
بغاية اللطف والرقه والكلام الحلو وإن ما نش هني ترفع كمها وأتقوله يلا نششش من الرقاد :mad2: متى بتنش إن شاء الله خخخخخخ
هني يتأدب وعلطوووول بيقوم :21_162: خخخخخ أتمسخر وياج
3-في بداية الزواج كيف كلمتي زوجك عن المصروف الشخصي الي ينزلها لكي كل شهر (طبعا هدا السؤال للمتزوجات ويستفيدو منه المخطوبات)
صراحه في بداية الزواج كنت مستحييييييه منه أحس أنه بعده شخص غريب لين ما اتعودت عليه الحين عادي أطلب منه وقت ما أباه بس طبعا بحدود يعني لا تخلصين معاشه في نص الشهر لازم أتخلون مبلغ ولو بسيط للتوفير
( القرش الابيض لليوم الاسود ) :B_wink:
4-ايش الشي الي يعجب زوجك فيكي او شي لاحظتي ان الرجال عموما يحبوه في المراءه
كل شي مهم يعني أهتمي بنظافة البيت وخليه دايما ريحته عطره وأهتمي بجمالج وشياكتج وأحسني تربية عيالج وحسن التعامل مع أهله وحسن ضيافتهم هم و الربع وأهم من هذا كله لا تنسين أتكونين حبيبته أمطريه بكلام الحب والعزل وأتفنني في تدليعه وتغير روتين الحياه بين فتره وفتره وإذا هو ما يعرف شي عن الرومانسيه علميه بطريقه غير مباشره وسويله اللي عمره ما حلم فيه بيتتخبل عليج :87457:
5-ايش الحركه الرومنسيه الي سويتيها سواء بتواجده بجانبك او حركه سويتيها على الموبايل وانبسط منها
ناديه بصوت ناعم ورقيق حبيبي يا عمري حياتي امدحي فيه أي شي يعجبج وأدعيله من قلبج جدامه أن الله يوفقه في ……. أنت أختاري
5-كيف تشعرينه بالدنب ادا غلط بحقك
صيحي وسوي عمرج مجرووووحه بس في السنه كمن مره لان الريال ما يحب الحرمه اللي اتصيح وايد
( دموع التماسيح ) ههههههههه
6-ايش الشي الي كان مو عاجبك فيه وقدرتي تغيرينه فيه يعني صفه كانت مو عاجبتك فيه وغيرتيها بشطارتك
وطبعا الهدف من هده الاسئله كل وحده تستفيد من خبرات الاخرى ونتبادل الافكار في طريقة تعاملنا مع ازواجنا عشان نغير من روتين الحياه الممله والرتيبه الي احيانا نحس فيها
كل شي تقدرين أتغيرينه فيه بس أهم شي أتكون عندج الرغبه في تغيره هذا واحد ثاني شي التغير بالتشجيع والمديح والاسلوب الحسن أحسسسسسسن بمية مره من التغير بالضرابه
ووبالتوفيييييييق عزيزتي
هلا ومسهله ,,البدايه مشكووره غناتي ع الموضوع الغاوي اللي كله فواايد ^^
برد علييييج باللي اقدر عليه وان شاء الله افيييد حد (لاتتفلسفييين واايد ,الزبده
)
1-طريقة امتصاصها لغضب زوجها
انا الصراااحه اموووت اترووع ارووح فيها يوم يعصب لانه من النووع اللي ما يعصب بس يوم يعصب
اوووف يززاعج (يصارخ) وما في شي ما يقوله يعني اللي يغث اسمعه اللي يبا يعكر مزاجه حيا الله يسمعه بيذبحني اذا سمعني انا شو اسووي ماشي اكون هااديه اقوله اذكر الله ماعليه هد اعصابك فديتك كله ولا صحتك انا ماعندي غيرك وريلي من النوع اللي يحب اني ادلعه شرا اليهال سواء كان امعصب ولا مضايق اقوله اي كلمه حلووه دلوعي يسمع الكلام صح عسب جيه الحين بيهدي عشان نعرف نرمس صح (سبحان الله يهدي ويسكت شوي طبعا عرفت هذا عقب طلعة الروح يعني كل الوحده فينا المفروض يكون بالها طوويل ليين ما تعرف اسرار ريلها )
2-كيف تصحي زوجها من النوم
اهمس له ف اذنه لاني سمعت ولا قريت ما احيد انا الحاسه الوحيده اللي تكون نشطه هي السمع ..كل صبح اهمس له حياتي نش يعني من هالكلام وامسح راسه والا العب بشعره وينش ابسرعه بس الحين وهو بعييد متوهق بالتلفوون والله :confused:
3-في بداية الزواج كيف كلمتي زوجك عن المصروف الشخصي الي ينزلها لكي كل شهر (طبعا هدا السؤال للمتزوجات ويستفيدو منه المخطوبات)
ما رمسته هو من نفسه ف فتره الملجه كان يرمسني بهالامور ,كيف نصرف وشو الي نسويه
انا من النوع المبذره الصراحه عوديني ع اسلووبنا اليديد عقب الزواج والحمدلله مرتاحه ما يقصر الله يطوول بعمره
4-ايش الشي الي يعجب زوجك فيكي او شي لاحظتي ان الرجال عموما يحبوه في المراءه
طويل العمر يقوول ان اللي يعجبه فيني الحنان اني حنونه وااايد عليه حتى وهو غلطان وتحملج
ودلعي لدرجه انه يقول لي مينونه انتي مينونة راشد (وانا عاده ارد امصدق عمرك انت ويضحك ما يقول شي خخخخ)
5-ايش الحركه الرومنسيه الي سويتيها سواء بتواجده بجانبك او حركه سويتيها على الموبايل وانبسط منها
امممممم وووااايد والله ما يحضرني شي بس بالعاده الافكار من عنده اكثر لانه منالنوع الرومانسي
وشاعر ,,هو معودني كل صبح انش اشوف قصيده(مسج ف موبايلي) اذا سويت شي قصيده اي شي حلو..
حتى اذا غلطت يكتب قصيده يحسسني بالذنب (وانا ينقص علي ابسرعه واحس بابو الذنب مش الذنب نفسه):confused:
5-كيف تشعرينه بالدنب ادا غلط بحقك
ارمسه عادي مثل ما انا بس اسوي عمري مضايجه وامشي حالي اغرف له الغدا اقول له مثلا
حياتي الغدا جاهز تعال كل عسب تريح (يستغرب طويل العمر الحين انا هازبها وتدلعني) والله مراات مش مضايقه امثل عليه عسب ما يكررها ويتعود المهم اتغدا وياه ارمسه بس مش مثل قبل يسألني مضايجه اقول لا,, يتغدا اعطيه اللي يبا عقب ادخل (الله يكرمكم الحمام) اطول اوني اصيح
اغسل ويهي واظهر واهني ع باله اني كنت اصيح(مراات اصيح صدق والله لاتقولون عني ممثله:wink: )اهني عاده يرمس ويراضيني …بيت القصيد الريال ما يحب الحرمه اللي دووم تحسسه بالغلط
يطفر منها واللي تقول له انت سويت وانت سويت يعااند ازياده
اانا والله مراات اقول له شو ما بتراضيني والله انه يموووت من الضحك يقول انا اول مره اشوف وحده
تطلب المراضاه بهالاسلوب شو السالفه غصييبه
6-ايش الشي الي كان مو عاجبك فيه وقدرتي تغيرينه فيه يعني صفه كانت مو عاجبتك فيه وغيرتيها بشطارتك
ما ابا امدح عمري بس هله الكل يقول انتي غيرتيييه واااايد وهو بنفسه يقول هالشي
ريلي كان مثل باقي الشباب مأخذ الدنيا لعب لدرجه انه ما كان يشتغل يوم عرفته المهم الاحوال تبدلت قام يفكر بالمشااريع وبالمستقبل
صلاته وو وايد امور لدرجة اخته مرات تسألني كيف تتحمليينه انتي رغم انه تغير
الحمدلله ع كل حال
السموحه طولت عليكم
مشكووره حياتي ع الموضوع مره ثانيه ,,,حلووو وااايد
الله يهنيج ياااااااارب مع زوجج ويرزقكم الذريه الصالحه باذنه تعالى…
سبحانك اني ظلمت نفسي فاغفر لي فانه لايغفر الذنوب الا انت (f)
 |
اقتباس |  |
 |
المشاركة الأساسية كتبها im poem  |
 |
 |
| (f)سماااااري طلعتي مب هينه يام السوالف ههههههههههه
الله يهنيج ياااااااارب مع زوجج ويرزقكم الذريه الصالحه باذنه تعالى… سبحانك اني ظلمت نفسي فاغفر لي فانه لايغفر الذنوب الا انت (f) |
||
 |
 |
هههههههه
ههههههه فديتج والله… هاي ما يسمونها ضرورات المهنه لا هاي تتسمى ضرورات الحياه الزوجيه
التمثيييل بعد ضروري ^__^
الله يسمع منج مشكوره حياتي ع الدعاوي الطييبه شراتج
الطيبون للطيبات <<<<شدخل خخخخخخ
سماري جنا قلبنا موضوع المره حق سوالفنا هههههههه
تعالي نروح ميلسنا يلا هههههههههههههههه