اليكم الكشري المصري من مطبخي ويارب يعجبكم
بالنسبه للمقادير هي علي حسب الافراد فتعالوا نقول الطريقه بالصور علي طول
اول حاجه بجيب العدس ابو جبه زي ما بنقول عنه في مصر وهو العدس البني الغامق وبنقيه ونغسله كويس وبحط عليه ميه وبنسلقه نص سلقه بس لانه هيكمل سواه مع الرز
وبعدين نجيب البصل وكميه كبيره للتقليه ونحطه في الكبه يتقطع شرائح رفيعه جدا عشان يكون مقرمش وجميل
هنحطه علي النار مع شويه زيت
ونحمره اوووي يعني لونه يكون بني غامق
هنا طلعته علي ورق المطبخ ليمتص باقي الزيت منه معلش الصور غامقه بس هو مش محروق
علي طول مكانه وفي نفس الزيت نحط الشعريه شويه صغيرين ونحمرهم
وبعد الشعريه ما تتحمر انا غسلت الرز وصفيته كويس وحطيته عليه وكمان العدس المسلوق نص سلقه
هنا حطيت الميه زي ما بنسوي الرز العادي بالظبط وحطيت الملح وسبته لغايه ما ميته نشفت وهديت عليه النار خالص عشان يستوي كله مع بعضه
المكرونه بنسلقها عادي خالص زي اي مكرونه في ميه وملح ومعلقه زيت انا بعمل مكرونه صغيره اوي بتاعت الكشري ومعاها شويه اسباجيتي
هنا صفيتها ورجعتها الحله تاني
نيجي للصلصه
فرمت التوم ناعم اووي وكميه كويسه عشان نصها للصلصه ونصها للدقه او الكمونيه زي ما بتحبوا تسموها
حطيتها علي النار مع شويه زيت
ولما اتحمرت حطيت الطماطم المضروبه في الخلاط
وحطيت عليها الملح والفلفل الاسود والشطه وبسيبها تتسبك براحتها وتتقل
وكنت ناقعه الحمص في ميه وبعدين حطيته علي النار يتسلق
نيجي للدقه او الكمونيه
بجيب التوم في طبق عادي وبحط عليه ملح وفلفل وكمون مطحون وكسبره مطحونه ناعم وشويه خل وازود ميه وادوق لغايه الطعم ما يتظبط
وياسلام لو تتفضي في زجاجه زي المحلات بتكون روعه (نسيت اصور دي وهي في الزجاجه)
خلاص كده خلصنا كله هنغرف بقا الرز بالعدس الاول وبعدين عليها المكرونه والحمص والصلصه ونحط التقليه او البصل عليه وبالف هنا وشفا
تسلم ايديك يا شوشو شكله يفتح النفس
•••••بــكــيـت•••••
بـكـيـت وهـل بـكـاء القـلـب يـجـدي••فـراق احـبتي وحـنين وجـدي
فٓما معني الحـياة اذا افـترقنا••وهـل يـجدي النـحيب فلـست ادري، ..
فلا التذكاريرحمني فـانسي••ولا الاشـواق تتـركني لنـومي
فراق احبتي قد هـزا وجـدي••وحـتي لـقائهم ساظل ابكي
•••••ســاظـل ابــكــي•••••
تسلم الايادى يا قمر
يــــــارب أحـــمـــى مـــصـــر
( يارب أحمى زوجى وهون عليه سفره وأجمعنى بيه عن قريب يااااارب العالمين ووسع رزقه يا أرحم الراحمين )
 |
اقتباس |  |
 |
المشاركة الأساسية كتبها Dr.Flowers  |
 |
 |
| تسلم ايييييييييدك | ||
 |
 |
|
اقتباس | |
|
المشاركة الأساسية كتبها لحظةحب |
|
|
| تسلم ايديك يا شوشو شكله يفتح النفس | ||
|
|
|
اقتباس | |
|
المشاركة الأساسية كتبها emy89 |
|
|
| تسلم الايادى يا قمر | ||
|
|
تسلمو يا حبايبي ربنا يخليكم
شكرا لمروركم
مشكوووورة على ألذ طبق عندي في الدنيا .. يمي يمي يمي .. 
شكل الطبق حلو اوي
حلو
شكرا لك
قبل ما تقلي البصل حطي عليه شوية دقيق زي السمك المقلي بالظبط بس مش دقيق كتييييييير والله هتدعيلي والكمونيه حطي عليها شوية ليمون لغاية ما تظبطي الطعم احلي من الخل لوحده