اليوم عندي لكم سؤال واتمنى تجاوبوني من واقع تجاربكم
لو تقدملك شخصين ,,
اي واحد فيهم بتختارين ؟؟؟ وليش ؟؟؟
الاول
حياته كلها شغل فشغل ,, يحب السفر,,حنون,,طيب,,فاهم الدنيا,,يمكن الاعتماد عليه يعني يعرف يتعامل مع مشاكل الدنيا,,دمه خفيف ويحب المزح,,معتمد على نفسه فكل شي,,وبيحط لك بيت او شقة بروحج
بيتوتي ومايحب الطلعات ((بس انتي تحبين الطلعات)),,غيور نوعا ما,, يحب يركز على كل شي,, يعني يدقق فالصغيرة والكبيرة,,
الثاني
بعد طيب,, وقلبه صافي,,كريم,,سهل التعامل معاه,,و بعد دمه خفيف,, يحب الطلعات والوناسة,,تحسين انه من اللي سمعتيه عنه يناسب اهتماماتج وهواياتج,,بتسكنين مع هله
ابوه يأثر فقراراته,,ماتحسين انه ممكن تعتمدين عليه فشي,,يعني ناقصه النضج,,
^^^^^
الحين ابي منكم تردون علي وهالشي ضروري لان في شخصين متقدمين لأختي وهم من اقاربنا يعني نعرفهم زين ونعرف اطباعهم وكل واحد فيه الزين والشين مثل ماوصفتلكم فووووق ,, واختي بعد ماقصرت سألت عن اطباعهم من خواتهم لاننا متربين مع بعض وعادي تقدر تسأل اللي تبيه ,,,
يالله بأنتظار ارائكم…
او اشياء انت حكمتي عليه انها موجوده فيه وهي عكس ذلك
لكن انا شخصيا انصحك باللي يخاف الله
اذا اتاكم من ترضون دينه وخلقه فزوجوه
والله ياعزيزتي محاتنفعك الفلوس ولا السفرات ولا الطلعات
اللي حينفعك زوج طيب خلوق يحترمك مايهينك ويقدرك
وياقلبي لاتنسين الاستخارة قبل كل شئ
والله يختار لك مافيه الخير
لو أنا آخذ الأول
طبعه رجولي أكثر ويعتمد عليه
وصدقيني أختي الزوج يكسب زوجته بإحساسها أنه يعتمد عليه وإلا شعرت أنها أم له هو الآخر وهنا تبدأ المشاكل لأنها تبدأ في توبيخه باستمرار ونصحه، ثم يبدأ هو في الملل منها لأنها أصبحت تشبه أمه
وفي النهاية في الاستخارة حل للحيرة إن شاء الله تعالى
ومثلما قالت اسيل2 لو هناك من يخاف الله تعالى أكثر من الآخر فهو اولى إن شاء الله.
وحبيت اقول ان الاثنين اخلاقهم ماشالله حلوة … ويخافون الله ويصلون ويصومون …
بعد طيب,, وقلبه صافي,,كريم,,سهل التعامل معاه,,و بعد دمه خفيف,, يحب الطلعات والوناسة,,تحسين انه من اللي سمعتيه عنه يناسب اهتماماتج وهواياتج,,بتسكنين مع هله
ابوه يأثر فقراراته,,ماتحسين انه ممكن تعتمدين عليه فشي,,يعني ناقصه النضج,,
تدرين ليش اخترت هذا.. لأن الغيره ساعات تهدم بيوت وتنكد على الحرمه ..وبعدين الثاني اللي ابوه يتحكم فى قراراته ..طبعآ الأب دايمآ قراراته صائبه ويريد الخير دائمآ لأبنه والسكن إذا كان واسع ومريح مافي مشكله الصحبه حلوه فى أول الحياه الزوجيه..
وبالتوفيق..
وآسفه لو ازعجتك بس الصراحة راحة ونقول مبروك مقدمًا يكتبلها اللي فيه الخير :flower:
احب الزوج اللي يهتم بزوجته وتكون له كلمته اهو كلمة رجل ولا يلجأ للاخرين ويعتمد على ابوه في اتخاذ قراراته
واكون في منزل لوحدي استقلاليه حلوه
وانتي قلتي انه يحب السفر خلاص اسافر معاه وبالبيت اسوي له جو احلى جو اذا مايحب يطلع
دمتم سالمين
اختكم شريفة
يـــــــــاحياتي " نور عيونه "
طمني اختك انها ماراح تاخذ إلا الي كاتبه الله لها و لا تشغلين بالك و بالها لأن لا بد ما يكون فيه واحد منهم تلقى في نفسها ميل له لا تقعد تقارن بينهم راح تتعب لأن كل منهم له حسناته و سيئاته
المفروض من الغالية اختك انها تتخذ القرار بذهن صافي يعني لا تسمع كلام احد حتى يكون اختيارها سليم بعيد عن الضغوطات و المفروض يهيء لها جو مناسب لإتخاذ مثل هذا القرار الصعب و المصيري ,,
ماراح اقولك خليها تختار ذا أو ذاك
على العموم كل الكلام اللي انقال مارح يكون له تأثير
غير الإستخارة ,,, الإستخارة وبس وهذا الكلام من تجربة الحمد لله مااستخرت في شي وندمت عليهاتمنى قريب " إن شاء الله " اقرأ خبر اختيار اختك الغالية ,,
نقول " مبـــــــــــــــــــــــــــــــــــــارك " مقدماً
ولكن قبل كل شيئ الاستخارة
وفي النهاية حتى لو سألتي الزوج ماحتنعرف طبيعته الا بعد الزواج والعشرة
يعني ممكن ماتكون كلها مطابقة للمواصفات اللي انتي بتقوليها
لان بين الرجل وزوجته امور مايعرفها الناس
والله يخترلها اللي فيه الخير والصالح