طبعا اختراااع اللحظة :shy:
الحمدلله طلع حلو
اول شي تهيأة البشرة كالعادة
وبعدها استخدام سيروم العين
+ بريب اند برايم للبشرة من ماك
بعد ما اترك البشرة تاخذ راحتها مع البرايمر
احط الكونسيلر
البودرة السائبة "الحرة" على الجفن السفلي
صورة للألوان اللي استخدمتها
أول خطوة كانت توزيع الكحل الكريمي هانتينغ على الجفن المتحرك كأساس وأرسم خط تحت العين بعد منه
ألوان الجفن المتحرك
للزاوية الداخلية كان رقم (1)
الزاوية الخارجية رقم (4)
بينهم حطيت اللون رقم (2) وحاولت اخلي الدمج نظيف بين الـ 3 ألوان
فرشاة الدمج رقم (224)
القوس في الجفن الثابت كان باللون رقم (3)
باستخدام الفرشاة رقم (213)
وتحت العين رسمت فوق الاي لاينر الكريمي بالبيغمنت البنفسجي رقم (5) في الصورة
باستخدام الفرشاة رقم (219)
عشان الخط يكون شوي عريض والزاوية الخارجيه للعين من الأسفل رسمت عليها شوي بالبنفسجي الداكن رقم (4)
بس بفرشاة اللاينر عشان الخط يكون ضعيف ويبيبن من تحته البنفسجي الفاتح
تحت الحاجب للاضاءة كان اللون رقم (6)
بالفرشاة رقم (228)
والكحل الأسود من ماك داخل العين
رسمت خط على حدود الرموش العليا باللون البنفسجي الداكن رقم (4)
وممكن لاظهار اللون اكثر تستخدمون اي لاينر كريمي أسود وتحطون فوقه من البنفسجي
بعد هالخطوات نظفت تحت العين باستخدام البودرة الحرة مره ثانية
ووزعت الستديو فيكس على وجهي بالفرشاة رقم (187)
وحطيت بلاشر وردي
وبعده اللمعة شامبين من ماك
ورشيت فيكس +
"ملاحظة : لزيادة الثبات احيانا ارش فيكس بعد ما اخلص رسم العين وتوزيع الألوان وقبل البودرة .. وبعد مره بعد البودرة والبلاشر"
بعد ما يجف الفيكس
استخدمت الماسكارا .. لان الفيكس لو انرش ع المسكارا يسيحها ويخترب الشغل كله :qaq:
الروج اللي استخدمته من ماك
Blankety
والمحدد Oak
ولونه بيج طبيعي .. ما حبيت استخدم وردي مع اللوك عشان ما يطلع المظهر مبالغ فيه ومو حلو 
شرايكم
"اسمحو لي مافي صورة للوك .. ما أقدر احط صورة عيوني ع النت "
يعطيج العافيه ما قصرتي
شكرا على مرورج
ألف شكر لج حبيبتي وبانتظار المزيد من لوكاتج الحلوة ,,
لوك حلو وااايد والوانه رايقه
(f)
وألوان أحلـــى ،، والبنفسجي على العـيون
يعطي جاذبيــة ومظهـر مميز،،
مشــكورة إختــي ،، ولا حــرمنــا إطلالتـــج،،
يعطيج العافيه