شحالكم جمعيا ؟؟ إن شاء الله بخير وصحة وعافية
أكيد من العنوان عرفتوا إني بغيت مساعدتكم .. فأرجو إنكم ما تتجاهلوني .. وخصوصاً إن هذي المشكلة أعاني منها من سنين …
ألا وهي جفاف وشحوب البشرة..
وبيني وبينكم ….
من فترة .. كان ريلي يعايرني من شحوب البشرة .. لدرجة إنه قالي (شو فيج مستوية وحدة عيوز) الصراحة انصدمت يوم قالي جذي .. خصوصاً إن ريلي مو من النوع إلي يعلق أو يلاحظ وايد ..
وخصوصاً لما أحط المكياج يطلع ويهي شاحب وايد (وهذا الشي يخليني أتضايق وأقول يا ريتني ما حطيت مكياج وساعات أغسل ويهي على طول)
فلو تساعدوني وتقولولي شو آخذ من المكياج لأني ما عندي خبرة في هذي الأشياء .. وأنا أبغي أسوي new Look حق ريلي..
وعلى فكرة أنا عندي هالماركات (ديور.. غيرلاين.. جيفينشي.. وكلينيك) وقبل كنت أستخدم مكياج من بودي شوب … (مع العلم عندي جفاف على الأنف وحولين الشفايف .. لدرجة اسودت المنطقة إلى على أطراف الشفايف)
فلو تنصحوني بماركة مكياج تنفع بشرتي ولوني (حنطي)
وأشبه وايد ريم المحمودي .. وإلي ما يعرفها هذي صورتها
[IMG][/IMG]
وعلى فكرة لون شعري نفس لون شعرها حاليا (صابغتنه يديد) بس أطول من شعرها طبعا (مو وايد يعني لين نص الظهرتقريباً)
فيا ريت يا عرايس ما تنسوني وتردون علي (وتقولولي شو أستخدم من مرطبات قبل المكياج)
لأني إن شاء الله بروح على الويك إند أتشرى
لا تتأخرون علي دخيلكم …
مع خالص حبي
مدام إنفينيتي
في اشياء اهم من المكياج
اهتمي ببشرتج
يعني لو البشره باهته وتعبانه مابيطلع عليها اي شي حلو
اول شي سوي فيشيال على يد واحده متخصصه، انا اروح باريس جالري … استعمل لبشرتي منتجات كلينيك واسوي عندهم فيشيال كلينيك
ودايما اهتمي بشرب الكثير من الماء والفواكه.. يعني كلي فواكه قبل الغدا بساعه كل يوم (تفاح، عنب، موز، او اي فواكه تحبينها، وبعد خذي دايما الصبح ماء مذاب فيه ملعقة عسل وبعدين لبن مع كم حبه تمر
واهتمي بالماسكات، وقسم العنايه بالبشره وايد في وصفات ماشالله البنات ماقصروا
واهتمي بعد انج تغسلين ويهج قبل النوم، طبعا غير الوضوء خمس مرات في اليوم
اهتمي بعد بترطيب بشرتج
هذي نصيحتي لج والله يوفقج
انصحج بكريمات الترطيب والتغذية من كلينك او كلارينس…
أما بخصوص المكياج فأنصح بماركة ماك ألوانها تعطي اشراق ونضارة للوجه …
وبعد ماركة مكياجي ونوبا ألوانها فيها حياة …
انصحج بكريمات الترطيب والتغذية من كلينك او كلارينس…
أما بخصوص المكياج فأنصح بماركة ماك ألوانها تعطي اشراق ونضارة للوجه …
وبعد ماركة مكياجي ونوبا ألوانها فيها حياة …:shy:
وبالنسبة للفيشل عيزت وأنا أدور حد أرتاح للفيشل مالهم .. لكني عيزت وأنا أدور ماشي فايدة
إذا حد يعرف صالون في دبي شاطر في هذي السوالف فيقولي PLZ
وبالنسبة للأكل (مرات أسويها بس.. مو دايما) أبا حد يذكرني أو ييبلي
وبالنسبة للماسكات العرايس ما قصروا والله وخلطاتهم روعة (وأنا من فترة بديت مع خلطات بنت عذاري .. الله يحفظها ويوفقها يا رب.. .. بس المشكلة إني ما أكمل (أمل بسرعة)
أما بالليل أغسل ويهي وأحط كبسولة فيتامين E كل ليلة (حتي بنتي تقولي إنتي شو تسوين كل يوم بالليل.. ليش تحطين هالشي)
أشكرج على مرورج الكريم على موضوعي الغالية..
بالنسبة للمرطبات في شي معين عندهم عشان أروح وأطلبه على طول وإلا أقولهم كريم مرطب والسلام…
وأنا كنت أفكر بين ماك ومكياجي فعلاً بس نوبا ما يا على بالي
شكلي باخذ من الاثنين وأفك عمري
بس عزيزتي في شي محدد من عندهم
يعني لو تذكريلي أرقامهم
لأني رحت مرة ماك واحتست عندهم من الزحمة وطلعت من عندهم إيد ورا وإيد جدام ولا عرفة شو آخذ
إسمحيلي اختي إذا كثرت من الأسئلة
خليني انصحج بالمكيب..
دايما اختاري لون اساس مايل للوردي او بودره مايله للوردي عشان اتوردلج ويهج واتخفف من الشحوب البشره وتقدرين تستخدمين بيس قبل المكياج وهذا بعد يعطي نظاره حق البشره
بالإضافه إلى انه يعمل كحمايه للبشره ضد المكياج ويرطب البشره ويساعد على بقاء المكياج لفترة اطول ف هو يعطي نظاره للويه وتقدرين تستخدمين بيس من ماركة ميكب فور ايفر او كريلون انا استخدم كريلون ومنه عدة ألوان البنفسجي هو اللي يعطي نظاره للبشره يغطي الاصفرار والشحوب..
اتمنى اني افدتج 
حبيبتي غالبا ماتكون البشره تعبانه ومرهقه من تاثير السهر وقله النوم وقله اكل
الخضروات والفواكه والفيتامينات والحليب ومشتاقته 0
فاكثري من الفواكه والخضروات والمااااااااااااااااااااااااااااااااااء اهم شي الماء عزيزتي 0
وعليج بكريمات مغذيه للبشره فيتامينات E مهمه جدا للبشره 0
واذا بشرتج جافه اخذي كريم فيه نسبه كبيره من الترطيب انا بشرتي جافه فاخذيت كريم من فور ايفر روووعه ناسبني جدا 0
لي عوده باذن الله
ادعيلي بتفريج الهممممممممممممممممممممممممممممممممممم