وعساكم على القوة
صراحه ابي شوية خلطات وياريت تساعدوني فيها لاني بستخدمها بمطعم يعني حياكل منها ألف زبون بأذن الله فلازم يكون الطعم على مستوى..
اول شي ابي:
*خلطة للدجاج على الفحم على مستوى .وهل تنصحون بازالة الجدلد او بقائه؟؟
*خلطة للثوم السائل..مثل ثوم البروست..بس انا تعجبني خلطة الثوم حقت مطعم البستان نفسي أعرفها؟؟
*خلطة للسلطة الحاره الحمراء الي تقدم بالمطاعم.
صراحه اكوون شاكره لكم من القلب لو تساعدوني واتمنى من الاخوات ان يكون قد جربت الخلطه ومتاكده منها هي شخصياً
وبس (: وصح لا تنسون ان لازم التوفير يعني الاشياء الي مالها لزمه لا تذكروها:cool:
مرحبا اختي يعطيج العافيه … انا ما اعرف بخصوص اذا يكون مطع ولا لا.. بس اذا تبين للدجاج المشوي على الفحك ما انصح بازاله الجلد .. وانصح بمنقوع الروب والليمون والملح والفلفل الاسود
وانصح بخلطه ( الطحينيه والفلفل الاسود والليمون )
وعندج خلطات الكاري لو حابه تظيفين نكهه كاري
وعندج بعد خلطه الماسالا تنباع جاهزه بالجمعيات
وبالنسبه للشطه الحاره مافهنت شقصدج .. بس لو قصدج الدرسنج حق السلطه انصحج بالليمون ودبس الرمان والفلفل الاسود والاورجانو والبارميزان انا عن نفسي احبها مع الجرجير والرمان الفرش
انشاء الله افدتج
..
..
ان شاء الله البنات مايقصرو
 |
اقتباس |  |
 |
المشاركة الأساسية كتبها الأبتسامهـ  |
 |
 |
| [CENTER][COLOR=red]
*خلطة للدجاج على الفحم على مستوى .وهل تنصحون بازالة الجدلد او بقائه؟؟ |
||
 |
 |
اهم خلطة للدجاج……..
بالطحانة ………
روب
ليمون وبصل وثوم (قليل من الثوم)
ملح وفلفل اسود و قليل من الخل
ونعناع مجفف فقط لاغير
مع ابقاء الجلد لانه يحمي اللحم من الاحتراق
ولا تنساني بالدعوة
وطامعه بكرمكم معايه زياده
ومن المشرفات بعد ان شاء الله مايقصرون معايه 
والله يوفقها ويسعدها ويسخرلها خلقه اللي ترد
وحااااااااارة عدل ..
ان كنت فهمتك زين ,,,راح أعطيكي طريقتين
الأولى/
طبعاً المقادير مو محدودة ممكن تزيدينها وتنقصين اللي تبين
5 طماطم طازج
ملعقة صغيرة فلفل حار مطحون أو فلفل حار طازج واحد مقطع مفروم
فص أو فصين ثوم
ملعقتين كرفس خضراء مفرومة
عصير ليمونه أو ملعقة خل
ملح حسب الرغبة بس تقريبا هي ملعقة صغيرة غير ممتلئة
تحطينهم بالخلاط وتضيفي شوية ماء
الماي تكثرينه أو تقللينه على حسب كثافة الصلصة اللي تحبينها
الثانية /
صلصة حارة حللوة
6طماطم مقطع
رشة زنجبيل مفروم
كرفس أخضر طازج
2 فص ثوم
رشة ملح
عصير ليمون – نصف كوب – أو خل 3ملاعق
بصلة صغيرة خضراء مفرومة ( اختياري )
1الفلفل الحار الطازج أو ملعقة صغيرة فلفل مطحون يابس
ثلث كوب سكر
ملعقة دبس رمان ( اختياري )
كل المكونات بالخلاط ماعدا السكر
اغلي السكر مع شوية ماي وذوبيه وبعدين ضيفي اليه مكونات الخلاط
ان حبيتي تغليهم شوي او تكفي تضيفينهم عليه مباشرة وتقدمينه
الصلصة الحارة السهلة باختصار تطحني الطماطم وتقطعي الفلفل
صغار عليه وشوية ملح وماي
والباقي منكهات حسب رغبتك
انتي وذوقك تسوين صلصة خاصة فيكي
ملاحظة الطماطم قشريه قبل الطحن أفضل
تجيبي راس ثوم كامل
ربع كوب زيت ذره عافية ( مقدار تقريبي )
رشة ملح حسب الرغبة
وعصير ليمونة
بياض بيضة ( البياض فقط )
جهزي الخلاط وحطي الثوم بعد ماتقشرينه وتدقينه شوي بالهاون
أسهل والملح
أثناء الخلاط يخلط
صبي الزيت تدريجياً ملعقة ملعقة شوي شوي وحدة وحدة
بالتناوب مع عصير الليمونة
وبياض البيض
لازم تدريجي علشان تضبط 100%
ووقت اللي تشوفين الخليط صار كثيف وسهل الخلط
وقفي الزيت لاتضيفينه كله خلاص
والليمونة حسبرغبتك بالحموضة تحبينه كثير أو قليل
والملح بعد
ّّّّّ
هني وعافية
ّّّّ
واطمع با المزيد (y)