اشحالكم خواتي
قريت اخت من الاخوات بالمنتدى وكانت متحية بخصوص هل مصانع عجمان تقلد برومود والا نكست والا غيرها والا هم ياخذون من اهناك
انا بقولج الحقيقة والكل يعرفها بس الاغلبية يتجاهلها ليش ؟؟؟
انا بقول …
علشان لمت العيد واقعد وسط اهلي وبنات الخاله والعم واقول هذا من برمود بالسنتر الفلاني وهذا من نكست من المكان الفلاني والسعر الخيالي
بس الحقيقة يا اخواتي ان هذي المابس ما تجي من بره هذي الملابس تتصنع في بلادنا وكلنا نعرف مصانع عجمان اهي اللي تصنع هذي الملابس ومن بعدها ياخذونا هذي المحلات المعروفة واللهم بس يحطون شعار نكست او برمود موظف في المصانع حلف لي لما كنت رايحه اشتري ملابس النوم من المصانع وقال لي هذي قطعة راح تنزل في سبلاس ماركة نكست بعد اسبوع وانا انصدمت وعلى بالي يتغشمر بس حلفت واشتريته ب 30 وبعد اسبوع رحت سبلاس وشفت نفس القطعة والقماش نفسه بس الماركة مختلفة لان اللي عندي ما عليها ماركة بس تخيلوااا السعر بجم ؟؟؟؟؟
ب 90 ثلاث ضعاف المبلغ الاصلي وروحو هذي المحلات وقت التنزيلات يخسفون بالسعر لين النص ومع ذلك اهم هم الربحانين لانهم ما يبيعوون بخسارة
ففكروا معاي لين متى نحن بنتم بهذي الذاجة او بالاصح نهتم بالماركات مع ان مجود اخوه بالسوق وبنص التكلفة
كبروا عقولكم والنعمة زواله
وشكرا على قرايتكم لموضوعي بس شي كنت محتره منه
السمــــــــــــــــــــــــــــــــــــــــــــــ ــــــــــوحة
على عموم ممكن اعرف وين يصير مصانع عجمان هل موجودة بعجمان والله باي منطقة انا رايحة بعد العيد وفكرت ازور هذا المصنع اذا تقدرين تساعديني وين موجود بكون شاكرة لج حبيبتي
ياريت تردين على باسرع وقت ممكن
تحياتي
ونتشرف بزيارتج حبيبتي
مشكوره اختي و صحيح هذي الماركات كلها مقلده و يزيدون السعر ثلاث اضعاااااااااف و الاكيد على كذا انهم يعملو تخفيض لاكثر من نصف السعر و كمان يعتبرو رابحين
وبعد مرة انا قاعده اشتري من ماركة معرووفة جدا للاطفال جلس زوجي والمحاسب في الماركة يتكلمون وبحكم عمل زوجي كمحامي قام يسئل المحاسب عن البضاعة جاوبة بعض الاسئلة ويقولة حنا 90% بضاعتنا صناعة سورية نستوردها وبعدين نحطها في المستودع ونضع عليها شعارات الماركة
ممكن اعرف تفسير بسيط ليش يسوون كذا …!!!!!
أول مره اسمع هالخبريه
يعطيكي العافيه اختي على المعلومه
حتى زارا مصنعهم في عجمان… بس عجمان ما يطلعون البضاعة مالت زارا ….
أغلب المحلات الموجودة عندنا بضاعتهم من جبل علي أو سوريا أو تركيا أو أندونيسيا أو الصين أو الهند…. يعني يشترون برخص التراب … بس من حقهم ياخذون فايده بس في حدود المعقول … مثلا محل بيبي فاشن أو أي محل من هالمحلات الكبيرة اللي عندهم بضاعة للأطفال… يقولون من إيطاليا مستحيييييييييييييل من ايطاليا … بس والله شفت ربيعتي اشترت من سوريا لبس حق بنتها من ماركة موناليزا على 40 درهم وشفناه في بيبي فاشن ونفس الماركة على 700 شوفو الفرق……….. قالتلي اللي يبيع في المحل اللي في سوريا قال احنا نصنع ونحط اسم الماركة اللي طالبينها المحل اللي بيشتري من عندنا………..واسم المحل الططري أو شي من هالقبيل في الزبداني أو بلودان في سوريا
ومشكوره اختي على هالموضوع