يابنات ارجوكم ساعدوني ..
انا بنت مابعد تزوجت كانو البنات مايسموني الا سندريلا من حلاوة جسمي
وكنت دايم افتخر بهالشي .. لكن يوم عن يوم بدا وزني يزيد وكل ماله ويزيد
لكن ماكنت متوقعة انه وصل كذا ..
اليوم شفت نفسي وتفاجأت بقوووووة من جسمي مافيه تناسق ابد .. سمنة
زايدة في الجزء السفلي .. المؤخرة والارداف مخربة شكل جسمي وفيه شوية
كرشة .. وملكتي راح تكون بالنص من شوال ومستحيل اخليه يشوفني وانا
بهالمنظر ..
وعشان ارادتي مااشاء الله تبارك الله مثل وجهي >> مسكينة . ابيكم تعطوني
حلول سريعة للتنحيف .. خصوصا اني راح اعتمد تخفيف الاكل ..
ارجوووووووكم ساعدوني ببرنامج اتبعه طول هالفترة
مشكورين
:mad2::mad2::mad2::mad2:
وردة الجوري خلينا نشجع بعضنا يمكن نستفيد عن هالاحباط
أختي جوانا فهمت من كلامك أنك مخطوبه
يمكن أنتي من النوع اللي يسمن من التفكيـــر!
فيه ناس كذا لما تكون تفكر بموضوع أو شاغلها شيئ تحط حرتها بالأكل وفيـــه ناس العكس ما تأكل أبددد
وهالشيئ يوضح على وزنهـــا
أتوقع أنتي من النوع الأول
وأنا قابلت ناس كثيييييير كذا
حاولي ما تفكري كثيـــر وقللي الأكل قد مـا تقدري
وأختي وردة الجوري
حاولو دائــــماً تشدو منطقة البطــن عشــان تصغر(y)
أتمنى أكون ساعدتكم ولو بشي بسيط
دمتم نحيفيــــن:wink:
سمعت انو شد البطن يصغره وهذا انا احاول اكون شادة بطني دوم ..
بس المشكلة مو في بطني لانه مش كبير واجد .. المشكلة عندي
بالمؤخرة والارداف ..
اتمنى احد يشوف لنا حل فعلا .. ومشكورة مارا قلبي
لو تروح جان احنا من زمان بخير خخخخخ
المهم، انتي في هالفتره خففي الأكل
وأهم أهم شي تقطعين المشروبات الغازية والنشويات اللي هي المعكرونات والمعجنات والسندويشات بأنواعها
الحلويات بعد خففي منها، وبما ان هالشي صعب في رمضان قرري مثلا انج تاكلين حلويات بس يوم أو يومين في الاسبوع فقط
كثري من شرب الماي والشاي الاخضر اذا قدرتي 3 أكواب في اليوم على الأقل
اكلي تفاح أخضر بعد كل وجبة
حاولي يكون فطورج خفيف وثقلي شوي في السحور بس بشرط مايكون السحور قبل النوم مباشره
وماقصد بالتثقيل ان تاكلين واايد، بس خلي أكلج من النوع اللي يشبع
عشان ماتحسين بالجوع طول اليوم ولما يجي وقت الفطور ماتكونين جوعانه كثير
اييه وبعد قطعي القهوه اذا كنتي تشربينها، لان هي لها دور كبيييير في تكبير المؤخره وتجمع الدهون
والسيلولايت
واذا قدرتي تمارسين رياضة المشي لمدة لا تقل عن الساعه يوميا
واذا ماقدرتي على ساعه امشي نص ساعه يوميا بس مش أقل وبعدين زيديها شوي شوي
وصدقيني ترى هالنظام سهل، واذا مشيتي عليه من الحين للعيد ممكن تنزلين وزن حلو
بس بما ان انتي ماعندج وزن زاايد أو سمنة فمابتنزلين كيلوات وايد، يعني لا تنصدمين وتحبطين
بس بتحسين بتغير ملحووووظ في شكل الجسم ومقاسات الثياب
أنا الشوق
ماشاء الله عليج..
فكرة حلوة…
واهم شي سهلة التطبيق…
ولا تنسي ادعيلي ان الله يحقق الي اتمناه