كيفكم حلوات الله يعطيكم العافيه جميعا
موضوع اليوم حول خبراتك في الصالونات الكويتيه …يعني كل وحده تحط لنا ماهي الصالونات المجربه والتى مرت عليها من صالون اعجبها وصالون فشلت في التعامل معه وخصوصي صالونات دوله الكويت ….. ماريكم
انا الى جربتهم وعجبني شغلهم الدار البيضا في الرقعي هذا عجيب المكياج عندهم بس التسريحات مو شىء وكريم الجسم ممتاز جدا والحف والصبغ حلو بعد
لمسه فن الرقعي : ماعجبني بالمرة صحيح هوه رسمات العيون تطلع باصدفه وعلى ناس وناس حلو وكريم الجسم على ماتوصلين للصاله ولا رايحه بالعباه كله
لمسه فن ابوحليفه : مافي شىء سنع عندهم كلش حتى الحف يسون حاجب وحاجب يختلف عن بعض وتجربه شخصيه 
اما المكياج صفر على الشمال سويت عندهم لبناني مو شىء
عالم البدور : الرقعي حلو شغلهم بس حق حفلات بسيطه
الايطالي : الرقعي ماانصح احد فيه
صالون جمعيه الصباحيه والله شىء بس ماجربت المكياج كنت عندهم السبت شكله شغلهم روعه بس غالين نااااااااااااار بصبغ على عرس اخوي وشعري قصير قالو 40 والصبغه زيتي على خصل ابيض
بس الحف والاستشوار والتسريحات شىء مو طبيعي روعه ويقلون المكياج بعد حلو وفيه خبيرات تجميل
يالله على مااتذكر بعد ابي رايكم بالصالونات علشان عرس اخوي بالصيف وابي اطلع غير شكل وابي نصائحكم بس لاتقلون لي حنان دشتي والاء والسفير وساس ابي شىء راقي وحلو جديد على الساحه
ساس مكياج الوصيفات مو شىء يعني لازم عروس وكنتلنتل مدري شنو عاجبهم بالون الازرق كل البنات ازرق الظل حقهم
ودمتم بود
النونه
وبيفيدني إن شاء الله
لأني جريب بكون عندكم بالكويت ( إدعولي إنتوا بس :shy: لأني أعشق الكويت وأموت فيها )
بس إن شاء الله لما أدخل الكويت ماأطلع منها أبد إلا زيارات :shy: 😮
وموضوع حلووو
ماتقصرون خواتي
دمتم بود
النونه
انا خبرتي طبعا محدوده بس بقول اللي اعرفه
صالون جمعية الصباحيه حلو بس لازم تقوليلهم مايكثرون لان ساعات يكون اوفر بس عموما شغلهم حلو حلو حلو
لمسة البدو بالمنقف او ابو حليفه مكياج حلو بس مشكلتهم التاخيرررررررررر يعطلونج وايد يعني تروحين 3 مثلا تطلع 8 بالليل
سهام ماجيك حلو للمكياج بس مايعرفون شعر بالمرررررررره
ساس ماحبه احس دايما مكياجه غامج
ميرفت اللي كانت بكونتننتال مكياجها روووووووعه وثقه تحطين وانتي مغمضه سمعت انها فتحت صالون بمجمع شيخه وانها تروح للمنازل وانه شغلها تحسن بعد ماخسرت بس ياريت لو وحده تعرف رقمها ترسله لي ضروري
حنان دشتي شفت بس عروسه وحده مويه عندها من بعيد حلو بس من قريب احسها مسخ حتى اهي تقول ويهي يابس ماقدر ابتسم
باقي كونتننتال احسهم بحالات حسب النفسيه يا يطلعون العروس ملكه يا اما تخرع
وشكرا
نردها لج بالافراح يالله بنتظار تجارب البنات بعد
دمتم النونه
لدرجة ان كل من في الصالون والعرس كانوا يسألون عن مكياجي