ما هي مشاعرك الحقيقية تجاه ؟؟؟؟؟ 2024.

كيف حالكم يا أعزائي .. أتمنى لكم دوام الصحة و العافية ..

موضوعي اليومي .. أتمنى يلاقي تجاوب منكم و تفاعل و ردود صادقة و حقيقية

مع ذكر المبرر الي دفعكم لمشاعركم هذه تجاه الشخص الي رح أسئلكم عن

مشاعركم الحقيقية تجاهه ..

قبل السؤال .. أحب أقولكم إننا للأسف ما عدنا نفرق بين المجاملة في

التعامل .. و بين الصدق فيها .. أصبحت العلاقات الإنسانية أشبه بهالة

يحيطها القليل من الحب و الإحترام .. و الكثير من الزيف و النفاق ..

و دائماً أحاول إيجاد مبرر للنفاق ؟؟

سؤالي يا أعزائي هو :

ماهي مشاعرك الحقيقية تجاه أهل زوجك ؟ ( إذا كنتي متزوجة – متزوج )

ماهي مشاعرك الحقيقة تجاه زوجة أخوكي ؟ ( إذا كنتي عزباء )

طبعاً .. مهما كانت إجابتك أتمنى ذكر السبب الذي دفعك للحب أو الكره

لو سمحتم :shy:

و أتمنى أعرف ليش دائماً يصور الناس صورة الحماة ( أم الزوج ) بأنها

شريرة و مخربة و غيورة .. :pain: و صفات بايخة و سيئة ..

مع إني أشوف غير كذا بعد ما تزوجت ..

وجهة نظري في حماتي .. عظيمة .. فهي الي رعت زوجي الى أن كبر و تعبت

في حمله و ولادته و دراسته و ما إلى ذلك .. حتى تقدمه لي هدية في

نهاية المطاف ..

ليش دائماً الصورة عن أم الزوج و أخوات الزوج غلط :s2 ؟؟

أتمنى أن أجد منكم التفاعل و أن يثمر هذا النقاش بيننا بنتائج ..

و الله يسعدكم و يديم حال السعادة و الحب بينكم و بين زوجة أخوكي :clap:

أما بالنسبة لزوجة عمك للأسف :down: ما أدري وش تستفيد بتفريقها

للعايلة .. الظاهر نست إن الرجل الي خذته ينتمي لهذه العائلة قبل ياخذها

بس زي ما يقول المثل ……….. كما تدين تدان ………..

ماهي مشاعرك الحقيقية تجاه أهل زوجك ؟ ( إذا كنتي متزوجة – متزوج )

أهل زوجي ما في منهم .. ماشاء الله محسودة عليهم طيبييييين لأعلى درجة ما تتصورين إلى أي درجة اهم طيبين ومتدينين الله يحفظهم ويخليهم.. يحبوني كثير أنا أحبهم ولله الحمد ويحبون زوجي أكثر من الولد الثاني اقصد أخو زوجي لأنه ما يحترمهم ولا شي..

ماهي مشاعرك الحقيقة تجاه زوجة أخوكي ؟ ( إذا كنتي عزباء )

أما بالنسبة عن زوجة أخوي.. فما أدري وش بتكون لأن أخوي مو خاطب ولا متزوج…

بس أحنا أنا وأهل زوجي نعاني من مشكلة إلا وهي ( زوجة ولدهم ) اللي ما يحترمهم..

راح أذكر لك مقتطفات من حياتها وتصرفاتها واحكمي..

1. من البداية لمن راحوا أهل زوجي عشان يخطبونها كانت عادي بس لمن جا موعد التعادل أو المواسا( يعني يتفق الأهل على المهر والمصاريف ) قالت لأخوها ناد لي فلان إلا هو زوجها وراح لها جان تقول له أخوك (زوجي) كم خذت مرته مهر قال لها قالت له أبي مثلها.. وبعدين حطوا الأكل لضيافة إلا يقول خالهم لا اول نتفق قالوا ليه لا أنته تاكل وبس :eek2: مسكين انحرج يعني شنو تاكل وبس والعروس تتفق مع المعرس وزعل عليهم.

2. قالت لحماي إلا هو زوجها أبي نفس الاستيديو إلا راحت له زوجة أخوك.. وابي نفس الصالة والصالون جان أموت من القهر..
أنا طبعي ما أحب أحد يقلد على..

3. مرة من المرات كانوا بجون لي ضيوف جهزت المكان و طلعت ولا رديت غلا كارتون فيه( خضرة مختربة، قشور بطيخ، فواكة خايسه) على بابي جتني الغبنه بس ما شلته خليته قلت عشان يشوف زوجي فعايل مرت أخوه وبعدين اهو شاله ..

4. كانوا أهل زوجي بيسافرون فقالوا لأخو زوجي يبون اغراض قالت لا ما تاخدون زوجي يخدمكم.. وإذا تبونه تعالوا نظفوا بيتي بجوني ضيوف شوا الوقاحة شفوا هل الحالة.. ولمن راح جان زعلت وما رضت تتغدى في بيتهم قامت عمتي وخذت ليها الغداء بنفسها وبعد ما رضت .. :down:

5.اهل زوجي سافروا كلهم ظل البيت فاضي وكنت كل فترة امر أشوف البيت .. ولمن قربت ردتهم رحت عشان انظف .. :eek2: تفاجأت تخيلوا وش شفت : زوجها مسوي له شباك صيد سمك في الصالة والوساخة مالية المكان .. ( حبال مقطع، قطع سيم في كل مكان ما تقدرين تدوسين على الأرض، سكاكين ) يعني ما يقدر يسوي في الحوش ..

شفت كيس فيه بقايا (عيش ولحم ) والريحة اوووو كريهة..

رحت جنب الغسالة الا فيه (حفاطة) تكرمون وش هل الوساخة..

الماي ما في خلصوا غراش الماي..

خلاص ارتفع الضغط على واشمئزيت من الوضع .. نظفت المكان وانا مذهولة من الوساخة وما توقعتهم كذا ..!!!!!!!

6. لمن وصلوا أهل زوجي كانت الساعة 4 الفجر.. خذيناهم للبيت وجت اهي مع زوجها وخلت بنتها عمرها 3 شهور وراحوا :eek2: مساكين تعابا يبون يسبحون ويصلون وينامون يا الله..

7. أمي قالت لي هي بتطبخ غدا ليهم وما له داعي نسوي أو نشتري..

انا قلت اكيد ألحين هي وياهم وتدري إن الوالدة بتطبخ .. بس تفاجات لمن كملنا الغداء إلا تقول جا أمك جت؟؟؟!! ..( كانت مسافرة وردت قبل اسبوع) بطلت عيني وي ما تدري إذا اهم تعابا وناموا من طبخ الغدا غير امي وكان سمك يعني لا تقولين جاهز .. أكتشفت إنها جت وقت الغداء عشان تاكل وهي ما ساعدتهم ولا شي ومعتمدة عليهم ولا ساعدتنا ولا شي قامت وغسلت إيدها ومشت …….يا الله احس نفس بمووووت من القهر راسي يعورني ..

8. أم زوجي عمتي قالت للولد الثاني جيث ثياب الشغل اغسلهم صراحة يفشلوون ( طلعت ما تغسل ولا شي يجي اهم ويغسل ثيابه) ومن جدي ما ينظفهم عدل..

الله يديم عليك الوفاق و السعادة مع أهل زوجك دايم يا رب ..

أما بالنسبة لزوجة أخو زوجك .. لا تخافين يقول المثل :" مصيرك يا زوجة

ولدي تصيرين أم زوج " :cool2:

بكرة بتجرب نفس ما سوت .. و كل شي يطلع منها من تصرفات راجع

للتربية و الله و السنع في بيت الأهل قبل بيت الزوج ..

و لا تخافين لا يبيلي حبة بنادول و لا شي لأن زوجات أخواني الثنتين فجئة

أنقلبوا من حال لحال .. اتاريهم من أول تمثيل محبة .. كله نفاق في نفاق

علشان ما كان عندهم خدم و أمي ترسل لهم الشغلات ينظفون و يسنعون..

و يمسكون عيالهم و هم كل يوم مطاعم و عزايم .. و الله و أمي ما تشتكي

تقول عادي أحفادي ..

لكن يوم نقلوا أهلي من البلد نفسها و صاروا يجون ضيوف ببيوت أخواني

تعالي تفرجي .. طوال الوقت زوجة أخوي هواش مع أخوي + كلمة أوف أ

أساسية طبعاً+ ما تصحى إلا الساعة أربع و نص العصر قبل رجعة أخوي

من العمل بنص ساعة فقط + لقافة يعني تبي تعرف تحركات أهلي كلها ..

وين راحوا وش اشتروا …………………………..إلخ

هذا غير إذا اجتمعوا الثنتين " زوجات أخواني " طبعاً محور الحديث الرئيسئ

أهل الزوج .. و تفرجي على القيل و القال و الكذب و النفاق .. حسبي الله

و نعم الوكيل فيهم .. " في الوجه مرايا و في القفا يسلونك زي السكين"

و الي يقهر أمي و أبوي ساكتين يقولون ما يهمنا غير ولدنا .. هي بكرة

تجرب شر أعمالها ..