مجموعة برود من النيل بولش

مرااااااااااااااااااااحب حبيبات قلبي وحشتوووووووووووووووووني صارلي فترة مانزلت مواضيع خفت تنسوني جان أحط موضوع خصوصا إنه الأزمة الإقتصادية شكلها وصلت القسم ماصرنا انشوف مواضيع شرات أول حتى التفاعل قل والبارحة جفت كذا موضوع يديد لحبيباتي العرايس جان أقول يالله ويا الخيل ياشقرا:groupwave:

كنت بنزل موضوع عن لوك:icon9: عقب قلت خلني أنزل الكوليكشن اللي عندي من ألوان النيل بوليش خصوووصا أنا من عشاااااااق المنيكير وأحس إنه الجمال الخارجي مايكتمل إللى بأظافر حلوة ولون ناااااايس :21_88:

بسني هذرة وخلني أراويكم مجموعتي الصغنووونه وع فكرة مجموعتي صغنووونه لأني أحب أسوي أظافري في نيلز في الشهر مرتين فها المجموعة أخذتها بعد ماشفت مواضيعكم قلت حشر مع الناس عيد أنا بعد باخذ:BOUNCE8: والصراحة استفدت منهم أوقات أحطهم لما أكون مستعيلة ع عزيمة أو حفلة أو لمة بنات وماعندي الوقت أسير نيلز

قولو بنات ماشاء الله العين حق وترى مو من حلات ظوافري قاصتهم في الويك اند

هذي السلة اللي أحط فيها كنزي الجمالي

نبدا أول شي مع كريمات العناية الصراحة مرتاحة عليهم وقبل كان عندي من ميشا بريحة الفراولة بس خلص وتعايزت أشتري غيره

مجموعة العناية المقراضة والمبرد ومنيكير خاص لتقوية الأظافر الضعبفة ومزيل المنكير وفرشاة

مجموعة برجوا ألونهم ثابته ومن أول حطة يبين اللون وينشف ع طول
الألوان من اليمين
لحمي رقمه 1 بيبي بينك رقم 7 ماروني رقم22

مجموعة ماكس فاكتور بنت عرب ماتتخير عن برجوا
الألوان من اليمين
وردي ع لحمي رقمة 732 بنفسجي فاتح مادري ليش لونه جي في الصورة رقمه 710 فوشي يجنن رقمة 703

مجموعة ميك أب فور لايف ياخذ وقت لغاية ماينشف ويحتاج لطبقتين
من اليمين
أصفر رقمه 62 وردي ع أورنج 11 بينك فاتح 34 بينك غامج بلمعة خفييييييفة 04 هاللون اممم ماعرف عندي مشكلة مع الألوان 23

مجموعة NyX ألوانهم حلوة واتبين
هذا اللون الفضي أحب أمجة مع اللمعة يطلع واااااو
وأرقامهم 84 و 67

هاللونين بني فاااااااااااتح رقمه88 والذهبي لمعة أستخدمها فوق اللون الذهبي اللي راح اتشوفونه عقب ورقمه62

مجموعة مختلفة من اليمين هايدراشون لونه رهييييييييييب أخذته من صيدلية وفيه فيتامين الثاني انجلوت روعة رووووعة لونه بنفسجي غاااااااامق بلمعة ناعمة انغرمت فيه ورقمه177 والأخير برستيج ذهبي واااااااااااو خاصة مع اللمعة الذهبية طبعا الفلاش لاعب لعوبة وظالم الألوان

مجموعة مكياج هالألوان رووووووعة طبقة وحدة وشوفي كيف اللون بس ياخذ اشوية وقت ع ماينشف
من اليمين بنفسجي يجننن ورقمه 21 والثاني كركمي رقمه 26 والأحمر الدمي الواااااااااو رقمه 1 وهو فعلا 1

كوليكشن essie هالماركة ماتلاقينها إللى في صوالين نيلز بس للأسف الألوان ماتنباع مجرد كل فترة ينزلو كوليكشن للي يبى بس أحسن نيل بوليش لون وثبات وكل شي حلو في هالماركة بتلاقينه البرتقالي ع اليمين اسمه Clam Bake والعنابي شالين الإستكر بس تخيلو هذي طبقة وحدة فمابالكم لو طبقتين بيطلع غاااااااامق وروعه

تراراااااااااااااااااااااا خلص موضوعي أتمنى إنه مجموعتي الصغيرونه حبيتوها مثل ما أنا حبيتها :eyelove:

تحياتي لكم كللللكم واللى تدخل وماتقيمني راح أزعل منها ====>> غصب :poster_dots::sa36:
ودمتم بجمال:21_140:

يعطيك العافيه حلووووووين

حلوين كثير
بالعافيه

مجموعه حلوه وألوان هادية وناعمة اللهم صلي على محمد وال محمد
عليج بألف عافية

عجبني الي من NYX الفضي وواووووو طالع يهبل

حلوووووووووووووة اللوان حلووة
تستاهلين التميز و التقييم ياحبيبتي

ياااي كيوووت..

أنآ غرآمي المنآكير ^.^

حبيييت الوشي مال ماكس فاكتور.. انا عندي بنفسجي بس شوي خفيف لأن فيه لمعة يبيله أكثر من طبقة

فور لايف اممم وايد أشوف ردود البنات مختلفة عليهم؟؟

انا ماحتاج اكثر من طبقة وتقريبا يجفون بسرعة الا اذا كنت حاطة طبقة كثيفة

اللون الأحمر منهم أظن رقمه 6 يجنن

شرايج بالوردي الفاتح؟؟ واللي عقبه؟؟

انا ماخذه وردي المفروض فوشي بس طلع فااااااااااقع مستحيل تحطينه بروحه على كامل الظفر.. يمكن تنقطين به او تسوين حركة..

وان واي إكس واايد رووعة.. عني سلفر وفوشي ولون وردي على لمعة يجنن

بورجوا بعد مناكيرهم فنآن.. اللي غطاه طويل عنده منه وردي هادئ عجيب خاةص فرشاته ويجف بسرعة.. ومايتكتل لو حطيتي طبقة ثانية

والنوع الثاني بعد كان عندي الأحمر والفوشي ايام كانوا يبيعونهم مع بعض الاثنين رووعة الوانهم وااضحة وطبقة تكفي

وبس جني هذرت وايد؟؟

مشكوورة يا عسل الموضوع ^.^

ما شاء الله الوان المناكير رهييييييييبه بس حبيت على يدج الالوان اللحميه وايد طالعه مناسبه ليدج ولايقه وايد عليج

ما شاء الله كل لون عندج احلى عن الثاني

انغرمت فيهم كلهم

تتهنين فيهم يارب

بررود…

حبيبتي الالوان والاغراض حلوووين تتهني فيهم يارب

كذا لون لفت نظري وحبيتهم وشكلي بجرب انجلوت هالمرة وكذا ماركة
وفعلا كلامك عن ميكاب فور لايف كريمي ويحتاج طبيقتين ااانا احط توب فوقه
وينشف بس لسة يحتاج شوي لغاية ما ينشف

اشكرك بعنف على الموضوع الجميل!!

وتستاهلين التميز + التقييم

صح .. على ماركة essie
هالماركة مرة كنت في صالون فاتح عندنا متخصص في النليز
بس مو نيلز ههه واحد ثاني غثني بصراحة في وحده اجنبية كنا جالسات انا وهي ننشف الصبغه فقالت هذه من افضل الصبغات ومن اشهرهم بانجلترا وانصحك تاخذي منهم كل المشاهير يستخدموهم
فقالت الماركة تحصليه هنا وفي محلات معينة لو تلاحظي وناوية ادور لون كذا نادر او اشوف لون ناقصني واجربها

تسلمين واسفة على الاطالة :ss: