محتاجتكم اخواتي العزيزات 2024.

السلام عليكم ورحمة الله وبركاته ….
حابه مساعدتكم في موضوع خاص فيني انا وزوجي …………….
دايما أحس انا زوجي ما يحبني وصار لنا متزوجين أكثر من سنه ونص … ما يحب الكلام الحلو لا مني ولا منه ويقول عنه خرابيط ………. ما يحب الحركات الرومنسية في غرفة النوم مثل الشموع الورد ……. أسمع البنات شلون يسولفون عن ازواجهم وكيف يرغبون فيهم ويتوددون لهم وانا في قلبي نار لانه ما يسوي ربع الاشياء اللي اسمعه … وهو كثير القعده على النت متأكدة انه يغازل بس دائما استغبي ابي احافظ على بيتي … واذا واجهته يتوتر ويحلف انه ما يسوي شي غلط … بليز ساعدوني كيف احل مشكلتي معاه

الله يصبرج ان شا الله اختي

بس انا اشوف سالفة الرومانسية مب مشكلة ترا كل ريال يعبر عن رومانسيته بطريقته مب ضروري الشموع و الورد هي الرومانسية

ما لي لج غير الدعاء

الله يصلح حالكم ان شا الله

مين قالك ان الرجاله بتحب الرومانسيه انا جوزى لا بتفرق معاه ورود والا ماسيجات والا حركات وبتطلع منه كلمه بحبك كل فين وفين ويعنى لما يقولى وحشتينى بيكون عندى عيد الرجاله بيفكروا بالمنطق واحنا بنفكر بالقلب
ابعدى الشيطان عنك وادعى ربنا يحنن قلبه عليكى ويهديهولك

الله يعينج ..
وثرى مش كل الرجاجيل بحبون الرومنسيه وعندهم انها مصاخه ومالها داعي..
عليج بالدعاء

خلينا من سالفة الرومنسيه بعض الرجال ماتفرق عندهم ولاهي مهمه بالنسبه لهم اهم شي انه يحبك واماسالفة انك تشكين فيه انه يغازل هينا لازم تتأكدين شسوي زوجك اذا جلس عالنت وانا اقول لاتخلينه يجلس عليه بروحه جلسي انتي معه وخشي معه ع المنتديات وتسلي معه عشان يبطل اذا كان يلعب ولاتخلين له مجال يقولك لاتجلسين معي شوفيلك حل يعني السالفه فيها انا 00ومعليش ادري اني قاعده اوسوس فيك على زووجك بس صج الي مثل زوجك ما تخلينه لحاله والله يصلح حاله00آمممممممممممممممين

الله يعينج ويصلح حالكم

اختي الله يصلح بينك وبين زوجك اختي الرجال مش كثير رومانسين بس انتي اهتمي مع العذر بعلاقتك الخاصة الحميمية معاه اكثر خليه كل مرة يشتاق لك اكثر……

الله يعينك بس ترى كثير الرجال مايهتمون بالامور هذي
الله يوفقك يالغلا

مش لزم تتفننين بالشموع تفنني في الحركات الدلع والباس المغري ونسيهـ النت وابو النت (واسفه على الكلام الجريء)

انا اشوف انك تركزين اكثر في العلاقة الحميميه تكونين اقرب لزوجك اتقربي منه اكثر.