انا كنت اعاني من تشققات في شفايفي و جفاف مو طبيعي لدرجة اني مرات لما اضحك ينزل دم من شفايفي
وفي يوم من الايام و انا اتصفح النت دخلت ع موقع أجنبي ولقيت فيه طريقة صنع مرطب الشفايف في البيت واخذت الطريقة وطيران ع المطبخ اطبقهااا خصوصا انه مقاديرها حلوه وايد وانا بيني وبينكم تعبت من مرطبات الصيدليات وماشي فايده المهم رحت وطبقت المرطب واستعملته والنتائج كانت فتّاكه والله من ثاني يووووم الجفاف خف ومنظر شفايفي صار حلو والقشور راحت … والحين صار لي تقريبا اسبوع او اقل بس الحمدلله راضيه عن شفايفي وايد المهم ما بطول و إليكم الطريقة سهله جدا جدا 
المقادير :::
2 ملعقه صغيره فازلين
1/8 ملعقة صغيره زيت فيتامين E
1 ملعقة صغيرة شمع النحل ( ينباع ف الصيدليات ع شكل قطع شمع صغيره)
1 ملعقة صغيره من خلاصة الفانيلااا
1 ملعقة صغيره عسل
و أخيرا علبة بلاستيكية صغيره
الطريقة:::
أولا : نحط الفازلين مع شمع النحل وندخله المايكروويف لين ما يذوبوا مع بعض ولازم بين فترة وفتره نقلبهم ( أقصى مدة 5 دقايق بس يعتمد ع نوع المايكروويف)
ثانيا: نطلع السائل الى تكون معانا ونخليه يبرد لمدة تتراوح بين 5 الى 10 دقايق
ثالثا: او ما يبدا يبرد ويتجمد نضيف له العسل وفيتامين E والفانيليا ونخلطهم لين ما يتكون عندنا مادة كريمية قريبه لقوام الفازلين
رابعا و اخيرا: نضع الخليط في العلبه ونستخدمه وهو بيكون صالح لمدة تتراوح بين 4 الى 6 اسابيع فقط
المرطب يا بنات واااااااااااايد روعة ريحته تهبل وطعمه عجييييييب واظني شفتوا مكوناته مفيده … و أختي الكبيرة كيّفت عليه وصارت تحطه بعد ع ويهاااا قبل ما تنام … وتقول انه مرطب مره رهييبه وانه بعد شد لها المنطقة اللي تحت عينهااااا (y)(y)….
ملاحظة: انا عن نفسي استخدمت شمع طاااازه ههههه من الخليه يعني بس اذا مب متوفر عادي تقدرون تشتروونه من الصيدليه
اتمنى تجربون وتردون عليه ودعواتكم لي يا بنات والسموحه منكم
مشكووووووووووورة يا قمر سهل جدااااااااا
بس انا ابغى استخدم شمع الخلية
بس الشمع بيكون فيه عسل ومابيرضى يذوب معايا كيف انتي ذوبتيه؟
اختي ينفع اذوبه في الفرن العادي ….. ومشكووووره
 |
اقتباس |  |
 |
المشاركة الأساسية كتبها $$امواج الذكرى$$  |
 |
 |
| يسلمووووووووووووو بس انا ابغى استخدم شمع الخلية بس الشمع بيكون فيه عسل ومابيرضى يذوب معايا كيف انتي ذوبتيه؟ |
||
 |
 |
حاول تستخدمين شاش عشان تفصلي الشمع عن العسل وهو ما بيكون ناشف تماما بس حاولي ع قد ما تقدري تنشفي الشمع من العسل ودخليه المايكرو ويف ويا الفازلين وان شاء الله بيذووووب … او ممكن تتركين شمع العسل كم من ييوم بالشاش لين ما ينشف وبعدها تقدرين تستخدمينه
|
اقتباس | |
|
المشاركة الأساسية كتبها zh88 |
|
|
| اختي ينفع اذوبه في الفرن العادي ….. ومشكووووره | ||
|
|
والله اختي انا ما جربت لكن اذا ما تحبين تذوبين بالمايكروويف … ممكن تستخدمين الحمام المائي الساخن وطريقة كالآتي:::
ضيفي ماء ساخن في وعاء وحطيه ع النار ( كمية الماء بتكون واصله لربع الوعاء) وبعدين من فوق حطي عليه طاسه زجاج بس لا تخلينها تلمس الماي الحار وفي هالطاسه حطي الفازلين ويا الشمع ومع التلقليب بيذوب بس بتاخذ وقت طويل شوي … انا اخترت المايكروويف عشانه أسهل و أسرع خلال ثواني او دقائق بيكونوا ذابوا
تحياتي لكم