شخباركم واخبار اطفالكم وتربيتهم؟ عساكم بخير..
بنات عندي مشكله ويا توأمي -لين و ليان- الحين عمرهم شهر
والطامه الكبرى انهم تعلموا على الحمال – الايادي- والدلع
كل الوقت يبوني احملهم او يبون اي احد ولا يفزعون الدنيا صراخ.. اول مره ليان هي اللي لاحظت عليها هالشي قبل اسبوعين!! 😮 ادري بتنصدمون.. بس هذاك اليوم سمعتها تصررررررررررخ والله فكرت فيها شي لدرجه اني فصختها كل شي وسبحتها وجيت اطرحها وهي بعدها تصرخ
واكتشفت اني لما حملتها تسكت
لين كانت ماتسوي هالحركات بس لها اربع ايام اشوفها بدت الدلع نفسه.. يصرخون كأن احد مسوي فيهم شي ويبون بس احد يحملهم ويسكتون
المشكله من امي وابوي واختي الله يهديهم ومرت اخوي نفس الشي
من يصيحون شوي قاموا يحملونهم ومن غير سالفه بعد يحملونهم
مع العلم اني هددتهم مره ومرتين وثلاث ان مابيكم تحملون البنات لاني مابيهم يتعودون ع الحمال!
المشكله اني موظفه ومابي وقت ما ارجع الدوام يسوون لي هالحركه يعني طول الليل يصيحون وبس ماعندي وظيفه غير اني احملهم .. كذا انا راح اتعب كثير!!
شنو الحل وايش اسوي!! المشكله اليوم حاولت اني اخليهم يسكتون لحالهم بس قلبي عورني
صج والله حسيت ان ليان بعد عمري راح تموت من كثر ماكانت تصرخ تبي احد يشيلها!!
افيدوني الله يوفقكم دنيا واخره!!!!!!
والله بناتج مثل ولدي بالضبط
يوم كنت في البيت من اصيح يركضون يشيلونه لين ماتعود على الحضن
والله اني تعبانه بعد وياااه وااااجد حتى ابوه صاير ما يسكت عنده
لازم اني آخذه عشان يسكت
صدق التربيه صعبه .. ماتوقعت جدي ..
والله يعينج انتي توأم عندج تشيلين من وتخلين من
قلبي متلثمه.. ساعات صج يكون فيهم مغص.. بس اغلب الوقت يكون دلع وهذا اللي ماني مستحملته..
حبيبتي عروس.. شسوي ياقلبي من اهلي من فرحتهم كل ماشافوهم شالوهم وكاني ميته تعب معاهم
المشكله ابوهم الحين طالع لي بطلعه غير لما يصيحون يقعد يهز سريرهم وهذا بعد اخس من الحمال!! الله يعين!
حبيبتي حبي الغالي.. صج التربيه صعبه وصج من الاله وفرحتهم بالاطفال يسوون هالشي بس هالشي ينقلب ضدنا 
الحين قاعده افكر شبسوي بعدين هذا وهم نتاتيف الحين يسوون جذي
الله يعيننا ع التربيه!
حبيبتي انتي لازم تتاكدين انه ما عندهم مغص لان لمن تشلين الطفل يهدى المغص عنده
فانتي عطيهم اعشاب تطلع الغازات و يكونوا شبعانين و ما عندهم حجة وخليهم يبكون مرة مرتين و راح يتعودون ترى كل ما كبروا يوم كلما تصعب المسالة عليك
بالتوفيق
المشكله اني صرت ما استحمل اسمعهم يصيحو من غير سبب!!
هذا بالضبط الاسلوب اللي اتبعه معاهم وعشان كذا اكتشفت انهم جالسين يتدلعون!!
 |
اقتباس |  |
 |
المشاركة الأساسية كتبها ابرار الجنة  |
 |
 |
| حبيبتي انتي لازم تتاكدين انه ما عندهم مغص لان لمن تشلين الطفل يهدى المغص عنده
فانتي عطيهم اعشاب تطلع الغازات و يكونوا شبعانين و ما عندهم حجة وخليهم يبكون مرة مرتين و راح يتعودون ترى كل ما كبروا يوم كلما تصعب المسالة عليك بالتوفيق |
||
 |
 |
حبيبتي هالة لازم تحطين حد للمسألة لان إنتي الان بيت اهلك ماعندك الا مسؤليتهم بس واهلك متكفلين بكل شئ وتتضايقين كيف لو رحتي لشقتك ووراك دوام انا اقول اذا انتي مطمنه انهم شبعانين ومغيره لهم تركيهم حتى لو صاحوا بالتدريج بيتعبون من الصياح وبينامون انا عيالي كذا
صج بيعورك قلبك بس لازم تضغطين على اعصابك والافضل تركيهم بغرفه ظلمة وبسريرهم بس طلي عليهم وبيتعودون ينامون وبينسون الحمال