اختي انا برايي تشترين صندوق خشب كبير شوي يكون من فوق كله
شرايط ساتان احمر و قلوب و شفايف و تقولين للمحل يحفرون عليه اسمك و اسم زوجك و يمهم رقم عشره
و بعدين حطي بداخله دهن عود او قلم محفور عليه اسم زوجك و قدميها
انا سويت جذي لزوجي بفترة خطبتي وايد عجبته الهديه
الله يديمها عليكم عِشره يارب وتحتفلون بالميه.. ويخليكم لبعض ويسعدكم امين..
حبيبتي..
في فكره امي مسويتها لزواجهم ال 25 مجسم مثل الاعمده الرومانيه بالقوس بحجم البرواز وطبعا الاعمده بارزه ومجسمه وبالداخل كلتبه بيت شعر هو كان كاتبها لها..
ومزينه المجسم بأوراق شجر وورد صغير..
ممكن تسوين نفس الفكره وتحطين بيت شعر يعبر عن العشره اللي بينكم.. وتحطيها له بالمدخل تعلقينها أو تحطينها على طاوله وحطي حوالينها شموع وطفي الانوار واول ما يدخل يشوفها..
اتمنى تعجبك الفكره..
مشكؤره اختي علي المرور فكره حلوه الله يديم السعاده لنا ولكم يا رب
دلوعة حبيبي ماقصرتي مشكوره فكره حلوه اهو طلب مني انه هو يسوي الفكره لكن انا رفضت قلت انا بسويها اهو قال فكرته مجسم كبير يكون واقف في الغرفه بس قلت ماله داعي كل ها الكبر فكرتك حلوه ببرواز ينحط فوق اي مكان لو تعرفين محل متميز اكون شاكره لكم ولو حصل بيت شعر اكون ممنونه الله يسعدكم يا بنات المنتدى
انت من وين حبيبتي وانا ادلك على المكان..؟؟
وبحاول اجيب لك شكل البرواز بس كلمات الشعر اللي مكتوبه ما اظن اقدر لأنها خاصه فيها..
بس بشوف لو قدرت اجيب لك غيرها..