مشكلتي الي ماقدرت اوصل لحل الى الان يمكن كتبت اكثر من موضوع بخصوص هذه المشكله ولا لقيت حل
مشكلتي في الاساس انا تجيني زباين كثيره بس يكون عيبي في الاساس مايثبت مده طويله يعني بعد ساعه اوساعتين كانه يفصل او يتغير لونه
وجربت ماركااااات كثيره
والشي الثاني الي بشرتها تكون فيها مسمات واسعه تضل نتبين مع لكريم الاساس شل حل
الله يخليكم ساعدوني
ابي يضل كريم الاساس وضل العين اطول مده مايتغير
واللي مساماتها مفتوحه إستخدمي لها ماء الورد المثلج ومسحي على وجهها بقطنه
وإستخدمي كريم أساس الستيك اللي يجي مثل الروج لأنه يكون مركز أكثر وجامد فسيلانه راح يكون أقل
وإستخدمي البودرة من بن ناي بصراحة إبداع بشره طبيعية وأساس ثابت وحتى بدون الكريم أساس (هي كيك يعني تستخدم مع الماي)
وإبتعدي عن بودره ماك بصراحة كنت أروح لماكييرة تستخدم مكياج ماك بصراحة كلها ساعتين ووجهي متسلخ والمكياج يتحرك من مكانه والوجه يصير كأني عجوز (ما أدري إذا فهمتي علي) بس إذا تستخدمي ماك غيريه على طول.
وحتى ممكن تستخدمي بودره سمر كيك الحمره هذي بعد كويسة
وممكن تستخدمي مثبت مكياج في نوع قبل وفي نوع لبعد المكياج
وإن شاء الله بعد البنات يفيدونك أكثر
اقدر استخدم بدل اساس الي مثل الروج بالكنسيلر؟
واحط فوقه اساس ثاني؟
وقبل لا تشترين الاساس جربيه على بشرتج وخليه ليما تردين البيت وشوفيه ثابت او لا
انا احيانا للمناسبات احط اول شي الكيك فاونديشن من بن ناي اول طبقه بالماي والثانيه بالفكس من ماك وفوقه احط اساس ديور الاكستريم وير يطلع حلو وطبيعي وثابت
وممكن تستخدمين الفكس من ماك قبل وبعد المكياج عشان يثبته لج
وبالنسبه للمسامات الواسعه جربي البيس او البرايمر قبل الاساس في انواع مخصصه لملء المسامات
يمدحون برايمر سماش بوكس تلقينه بوجوه او سيفورا
وبالنسبه لظل العيون في بيس تحطينه قبل الشدو عشان يثبته ويبرز لونه .. جربي ماك
يعني اكيد فيه شي غلط ليش انا بس الي يصير لي كذا نفس الخطوات الي يسونها الصالونات الكبيره انا اسويها
يعني امس كانت عندي مناسبه وانا الي عدلت تقريبا نص العيله تقريبا بعد فتره فصل الاساس عن البشره وصار منقط
وباقي الناس اساسهم ثابت وماتغير وكل ماسألت قالو لي اشياء عاديه
يعني مشكلتي مانحلت ابد
ابي اساس ثابت مايتغير حتى مع الاضائه القويه يضل ثاااابت والله تعبت وانا ابحث