مسافرة دبي 15 ذو الحجة اريد فنادق سعرها مناسب واريد اعرف الاماكن السياحية الا ماتتفوت بحثت ووجدت اماكن عديدة بس ودي بالاماكن المميزات وكم يوم تستاهل دبي نقعد فيها 7 او 8 او 10 طبعا دبي ماينمل منها لو شهر…..
– حلو تسيرين دبي مول .. يديد و كبير و حلو .. وفيه استمتاع للعايلة كاملة لأنه في حوض سمك كبير والتصوير يظهر فيه رووعه
– امارات مول .. بعد محلات متنوعه .. وفيه قاعه ثلجية كبيرة .. تجربة روعه للعايلة كاملة .. والتصوير ولا احلى
– فندق اتلانتس .. يديد فاتح في دبي في جزيرة النخله .. تحفه معمارية و من داخل روعه بعد .. فيه حوض سمك كبيير و مطاعم شوية غالية بس حلوة …
– في عندج مجموعة من المولات الثانية لو انتي حابه مثل : ميركاتو – سيتي سنتر – برجمان .. وغيرها
اذا انتي تدورين على مكان معين او شي معين ممكن اساعدج اكثر 
وحياج الله في دبي ان ما شالتج الارض تشيلج العين *__*
حبيت اسأل عن الفنادق اريد سعر جيد مو غالي وفندق محترم لامراقص ولاملاهي ليلية ولاخربطة
واكون قريب من الاماكن الترفيهية والمجمعات وشكرا
ابحثي فالنت و قارني بين الاسعار ..
عندك فندق بانوراما ديره بس للاسف فيه مرقص تحت بس انتى مري من عندهم مرور الكرام وعلى طول للغرفتك مالك خص فيهم ميزه هالفندق موقعه روووووووعه بشاارع الرقه<< معروف ومشهور وقدامه مول متى ماطفشتى من الفندق المول على رجلينك بينك وبينه شاارع بس ويصير كذا الكفيات والسينما قريب للحد الفندق
اذا تبين صور موقع الفندق والغرفه بلغيني عالخااااص ورحله ممتعه
لالالالالالالالا لامرور الكرام ولامرور الكرام
اني ماحب هالاماكن والله يغنيني عنهم ادور على فندق ثاني احسن وافضل ليش اروح مكان الملائكة ماتنزل فيه….
عندج فندق كمبنسكي وايد حلو وهو فندق لمركز مول الامارات يعني مرررررره لاصق فيه وترومين من الفندق شي مدخل للمركز حلو يعني مايحتاي تظهرين برع وكل شي بيكون حذالج في محلات حلوه ومال التزلج وكارفور بعد .
وعندج بعد فندق كروان بلازا هو نفس الشي لاصق في مركز فيستسفال ستي وهو مركز كبير وفيه محلات حلوه بعد وفيه بعد ايكيا بتستانسون فيه.
ان شالله اكون افدتج واي خدمه انا حااضر