أولشي عندي مناسبة قريبة وابي احط كريم اضاءة بس عشان يخلي ويهي منور ومشرق وفيه روح بشنو تنصحووني ؟
انه بحط الاشياء الي افكر فيهم لاني ما ابي احط مكياج بس شي يعطيني اشراقة وحيوية انه بشرتي لونها حنطية:
Skinlight من ريفلون.
Diomond Cream من فور ايفر بس فيه كذا لون على نصيحة الغالية مجد الوردي او اللؤلؤي
Strobe Cream من ماك.
او مثبت ماك البخاخ لانه يحتوي على فيتامينات مغذية تعطي حيوية واشراقة للبشرة.
شرايكم انتوا اخذ اي واحد افضل ؟؟ ولو كان الدايموند كريم انصحوني اي لوون ؟؟؟
حبيت أسألكم عن مزيل مكياج العيون شرط أن ما يكون فيه زيت شرايج في لوريال أو كلارنس مزيل المكياج الخفيف الى العادي أو عندج شي أفضل ؟
شي ثاني أبي أسألكم عن منتجات بنفت شنو تنصحوني أخذ من عندهم ؟؟؟
وشنو أفضل مسكرا أبيها تطول وتكثف الرموش بصورة حلوة بشرط أن ما تخليهم يلصقون في بعض يعني ما تتكتل وتنشال بسرعة عند إزالة المكياج وما تسبب تساقط الرموش يا ريت تعطيني اسم الماركة واسم المسكرا نفسها لان فيه مسكرات تسبب تساقط الرموش وتكون صعبة وايد عند الازالة !!!
أبي كريم أساس حق الايام العادية وكريم اساس حق السهرات ونفس الشي بالنسبة للبودرة ممكن تنصحوني بالاسماء انه بشرتي حنطية نوعا ما مختلطة ؟
شنو المنتجات الضرورية تبع المكياج الي تنصحون فيها العروس بشكل عام لان ما شاء الله خبرتكم واسعة .
ومشكورين والله يعطيكم الف عافية :9_33:
بالنسبة لكريم الاضاءة اتوقع لكل اضاءة ذكرتيها له نسبة اضاءة معينة بس ممكن تروحي لفورايفر احلى اضائتهم من ريفلون
في ماركة بنفت بيس واضاءة جربيها في المحل
وولاختيار الدرجة على حسب درجات مكياج يعني اذا مو برونز لؤلؤي اختاري احلىى واشيك او وردي وهنا تكون بالتجربه المباشرة بالمحل !!
بالنسبة لبخاخ ماك انصحك فيه ما في حد ذمه بالعكس رووعه وانتي جاوبتي على نفسك لانه فعلا يثبت
بالنسبة لمزيل المكياج :
– عندج خيارات كثيرة رويال الكريمي والزيتي حلوووين
– كلارنس حلووو
– نيفا
– جونسون
اختي بالنسبة لسؤالك لماركة بنفت :
– بنفت الحلوو فيها بلاشراتها في المات بدون لمعه وفي الي بلمعه هذا الي بالصورة درجتين فيه نسبة اضاءة
– الروجات حلوووة خاصة هالكوليكشن لانه يشبه كوليكشن نزل بماك هو روجي غلووسي
وعندج مقشر الشفايف هذا عن تجربة رووعه
ايضا الكحل الي مثل الصورة اسود فاحم ورووعه عن تجربة بعد
عندج مزيل المكياج والبلاشراات والاضاءات الروجات افضل تروحين تستكشفين الماركة بنفسج
بالنسبة للمسكرا
شفت استي لادور عليها مدح وهيبنوز من لانكوم وعندج في بينفت بعد ماسكرا
اختاري بعد كلينك السودا الجديدة الي من جانبين حلوووة بالنسبة لالتصاق الرموض اكييد تحطين من فوق وتحت وهذا ممكن تتفاديه بطريقة تحطي فوق وبعدين بمسط للرموش تشيلين الزاويد الي بالرموش الفوقيه وتمشطيها للتحت وما راح يلتصقون
الاساسات العادية كثيرة
بس على حسب نوعيه بشرتك
جيرلاين
كانيبو
استي لادور
الموسي بلانكوم ومابلين
كلينك
للمكياج يحتاج تقرئين اكثر في المنتدى وخاصة ملف للعروس الي حطته الاخت مجد
روووعه بكل المعاني وبالصور
موووفقة وعسى قدرت افيدج
والمااسكار انا استخدم ايف سان لوران الذهبيه الصراحه روعه تطول وتكثف والكل يسالني عنها ..
ان شالله فدتج حبيبتي..
استي لادور
:yes::yes::yes:
عن تجربه والله رهييييييييييبه
أنا كنت أستخدم لانكوم سنييييييييييييييييييين
بس لمن شفت استي لاودر طلقت لانكوم
وبالنسبه لازالة الماسكرا لازم بتعبك
ولمن تروحين لماركة استي لاودر اسأليهم عن الجديده
وخليهم يشرحون لك طريقة استخدامها
أنا عن نفسي أحط مرتين من فوق ووحد من تحت (أقصد طريقتي في الروموش العليا)
بالتوفيق
لا تنسينا من صالح دعاؤك