أريد أخذ مشورتكم في هذا المشروع التجاري اللي راح ابتديه من البيت لأني متردده فيه وأحس انه في مخاطرة وتعب في نفس الوقت وما راح احصل زباين كثر
مع ضغوطات العمل الوحدة ما تقدر اتجهز كل شي لوحدها وبعد كبر البيت والأسرة يحتم على الوحدة اتنوع كل يوم وبالاضافة انه الخدم ما يظبطون الحلويات
وبما اني شاطرة في الحلويات والبسكويت والكيك بأنواعه حبيت اني افتح هالمشروع .. يعني أستقبل الطلبات للعزايم والمناسبات اليومية وأقوم بتجهيزها وارسالها في صحون فخمة ويعاد تسليمها لي بعد انتهاء العزيمة
خواتي .. اللي عندها فكرة أو نصيحة تقدر تفيدني بالمعلومات لا تتردد
و ما يحتاج اقولك ان طريقة التزيين و الترتيب و الشغل النظيف يزيد من رصيدك عند الناس
انصحك تحطي اشهارات لك في الاماكن الي يشتغلوا فيها النساء كثير كالمدارس موفقه اختي
وزوري المواقع الاجنبية حق الطبخ فيها كثير افكار حلوة
الإعلان ..
حرصي على تقديم نفسج في مناسبات التجمعات النسائية (a)
والمدارس والمعارض ..
قدمي لهم أطباق لو صغيرة .. بس تكون حلوة ومزينة ..
وسوي لج ستيكر والا بزنس كاردفيه اسمج ورقم تلفونج (t) .. ولصقيه عليها
وبيني للي حوالينج أهمية العمل اللي تقومين به (i)
حتى يزيدون من تشجيعهم لج ودعمج (وهاي طريقة وايد أستخدمها أنا)
مع إني ولله الحمد لاقية التشجيع والدعم بفضل من رب العالمين
والله يكتب لج التوفيق وين ما خطيتي (g)(f)
هلا بك أختي
مشروعك ما شاء الله حلو…بس يحتاج منك تخطيط…
يعني عندك نوعين من الإستثمار في هذه الناحية…إمّا تفتحي محل صغير…أو تعملي من المنزل
في الأول لازم يكون عندك قاعدة عريضة من الزباين…وين ما تروحي خذي معاكي عينات من شغلك…إشتركي في نوادي سيدات أو جمعات لهم …
بعدين شويه شويه إبدأي مثلا إعملي قائمة بالطعام مع سعره…و وزعيها مع إسمك و رقم تيليفونك…
و شوفي لو عندك سواق يقدر يوصل لك الطلبات…
بس أهم شيء الدعاية لنفسك…يعني دايما حاولي تفكري في وسائل دعاية تعرّف الناس عنّك…
لكن تواجهك مشكلة و هي الناس اللي بتطلب منك…و تظلي تشتغلي على طلبهم بعدين ما يستلموه…
في هذه الحالة ممكن تطلبي دفع نص المبلغ مقدما عن طريق الأنصاري مثلا…و النص الثاني عند التسليم…
و لو حسّيتي نفسك صارت لك قاعدة عرويضة من الزباين و زاد الطلب بإذن الله…ممكن تفكري بموضوع فتح المحل…بيكون أريح لك أكيد…
الله يوفقك يا رب
مشروعك ماشاء الله راااااااااااااائع…والوالدة منفذته ومن البيت بس هي تسوي مخللات وطراشي وتعتيمات
للمناسبات…البداية كانت صعبه ومتعبه..بس بالدعايه والشغل النظيف والاسعار المعقوله…ماشاء الله لا إله الا ا
لله مشروعها كبر ولله الحمد…اهم شيء انك ما تتكاسلي
انا انصحك تبدين من البيت
واصلا البيت يعطي انطباع احسن ان الشغل بيد اخت مشرفه عليه مب عمال
ويعطي العمل خصوصيه
وما اخفيك اني اشتغل في نفس المجال وهو اكبر مجال عليه طلب
بس نصيحه الصواني خلي سعرها مضاف لسعر الحلويات لان احتمال ماتنرد لج عقب
وتقدرين تخلين الزباين هم يجبون لج الصواني مالتهم او انتي توفرينها بسعر معين