أخواتي حبيت أخبركم عن مشكلة يمكن يعاني منها أعيالنا وهي المشي في النوم
الصراحة أنا مت من الخوف يوم لاحظت بنتي (6 سنوات) تدخل عليه الحجرة الساعة 12او1 وتم تدور تمسح على اليدار والصبح طبعا ناسيه كل شي ،ومرات أفتح عيني ألقاها واقفه عند راسي أطالعني :confused:، أنا قلت ها البنت فيها شي (6)، لا و في ليلة العيد ناشه تقول حمدة (أختها ) تتلبس ويوم سرت الحجرة لقيتها في سابع نومه. وها الأيام قامت توعى أكثر من مرة وتحاول تفتح باب الممر واضطريت أرقدها عندي :mad:.
الصراحة ما أعرف شو الحل ؟! وأخاف توعى وأتسوي شي يضرها أو يضر غيرها.
من فترة سمعت في التلفزيون دكتور نفساني قول أن هذا شي عادي عند الاطفال لين 8 سنوات بس لو أستمر أكثر لازم يتعالج
أن شاء الله تتحسن مع الوقت، وياليت اذا حد مر بها التجربة يفيدنا.
بصراحة ما اقدر افيدك لانة ما عندي فكرة
اتمنى باقي البنات يفيدونك
وحاوللي تقفللي باب الشقة بالمفتاح وكمان الحمامات والمطبخ حتى ما تتأذى بعيد الشر
ويارب يكون هالشي طبيعي ولا تخافي ربي يطمنك عليها
خيوو عندي بنت خاله مثل بنتج تخيلي مره قامت من النوم وراحت فتحت باب الشقه وراحت تمشي في الشارع ووصلت الى الاشارات توقعي الساعه 3 الصبح ياهله تمشي بروحها في الشارع وعمرها 6 سنين شافتها مره تعرف جدتي ويابتها بيت جدتي وهي تصيح بعد ما اوتعت طبعا وهي ما تدري بالدنيا قمنا نتصل في امها وابوها ومحد يرد نايمين ولا يدرون بالدنيا لان هذي اول مره تسويها وعقب قعدت امها الصبح وما شافتها في سريرها ولا يفوتج قفلت باب الشقه على امها واخذت المفتاح, الحين امها قامت تقفل كل شي وتقفل باب الشقه وتشيل المفتاح
الامر فعلا مخيف، خصوصا لوكنت راقدة او غافلة ومرة وحدة تشوفيها جدامك واقفة…
اتذكر ابن اختي بنفس عمر بنتك وصابه مثل الشيء… وابوه خاف جداً لدرجة انه حجر له عند عيادة استشاري طبيب امراض نفسية ( بالسر طبعا عشان ما يتبهدل الولد ) ولما كلمه الدكتور .. قالهم بس خلاص… شيلوا الاتاري ( البلي ستيشن ) وما بيقوم لكم.. وفعلا بس شالوها خلاص الولد اعتدل ولا قام بالليل…
بعدين صاروا اختي وزوجها ما يخلونه يلعب الا فترة بسيطة جداً ويحاولون بأي طريقة انه ما يطول، ولما بدت المدرسة والدراسة تخلصوا من هالمشكلة لأن وقت لعبه قل…
فانتي شوفي اذا تلعب العاب، او حتى تشاهد في التلفزيون مال قتال ومصارعة والذي منه، يمكن يكون يسبب في نومها المتقلقل…
والله يكون بعونج تخيلت عمري مكانج والله اخترعت
يمممممة الوضع فعلا مخيف
لو أني والله أخاف حتى من بنتي لا سمح الله 