بس الحين انا في حالة خطر
انا قرب عرسي وللاسف المنطقه فيها سواد غير طبيعي
غير الرؤوس السوداء اللي برجولي عزكم الله
غير مشكلات الشعر والاظافر والاماكن الاخرى
بس انا حيل حيل مضايقني السواد
وابي حل بسيط اقدر اسويه
ويعطي الف الف عافيه للي تساعدني
لعلاج السواد::
مافي أروع من غسول للمنطقة الحساسة تشتريه من الصيدلية (سواء أولويز او سيتيل ..) + وصفة بنت عذاري اللي هي علبة بخاخ فاضية تحطين فيها فنجان خل تفاح مع فنجانين ماء ورد .. وتستعمليه كل يوم برش رشات على المنطقة الحساسة <<< له تأثير ومفعول سحري فظييييييع في التفتيح وأيضاً يحارب أي فطريات أو جراثيم أو حكة .. شي مو طبيعي ،،
وشي مهم جداً عشان تمنعي اسوداد المنطقة وهو إنك دايماً تحافظين على جفافها لأن الرطوبة هي أساس البكتيريا والسواد::
*نشفي المنطقة بعد كل حمام (الله يكرمك)
* غيري ملابسك الداخلية باستمرار
* ممكن إنك تستعملي فوط صحية خاصة بالأيام العادية (لإفرازات المهبل اليومية) تلاقيها بأي صيدلية عندك شركة أولويز ممتازة ،،
وبالنسبة لحبوب الساق عندك أحلا وأضمن وأفضل شي هو طريقة البيكنغ صودا لـ بنت عذاري
بس لازم تزيدين عدد مشاركاتك لـ 15 عشان تدخلين قسم بنت عذاري وتشوفي موضوع عن السواد ،،
انا مجربتها والنتيجة خيـــــــــال والكل جربها وحتدعيلهــــا صدقيني ،،
قبـــلاتــــي،
شوفي انا من صرت استخدم الجليسرين الاحمر+اليمون+زيت الوز<<الخاص بالبشره+واحط معاه شويت جليسرين سائل فتحت عندي المنطقة الحمدلله
<<<وبالنسبه للكريمات انا مااحب استخدم اي كريم<<<اخاف انه مضررررر
وواذا كنتي تستخدمين الموس لا تستخدمين اي موس استخدمي الموس الخاص للنساء من عند الصيدليه
والله يوفقج ويسعدج دنيا وآخره
والله يتمم لج على خير ان شاء الله
وبعدين حطي جلسرين مخلوط مع ليمون
وكل ما تحممتي حطي الجلسرين مع الليمون وخليها شي اساسي من نظامج وبعد فترة شوفي البياض والترطيب والريحة الحلوة
وممكن اذا ماعندج جلسرين اي زيت يمشي حاله زيت زيتون /لوز / خروع / بابونج هم اوكيه وعن تجربة
وبعدين اذا انتي سمينة ممكن من السمنة او عندج لخبطة بالهرمونات كل هذا يؤثر
وبالتوفيق اختي والله يتمم عليج
-أستخدم السكينول بالليمون وفي البابايا وفي منه سادة تلقونهم في ستي سنتر هذا رووووووووعة فتح لي المناطق السودة .
-أنا أشيل بالحلاوة قبل كنت أشيل بالنير أو الموس وألحين صار لي 5 شهور أشيل بالحلاوة وساهم هذا في تفتيح المنطقة
-ملابسي الداخلية (الكلوت) فخذ ممتاااااااااااز في فترة معالجة هذه المنطقة من السواد
-أثناء ما أخذ شور أقشر هذه المنطقة بسنفرة ملح الحليب تلاقينه في الحواج رووووووووعة تساعد على التفتيح
-ولما أنام استخدم كريم أسمه أهاسيد 15% تلاقينه في مجمع النقرة الشمالي عند المركز الفرنسي للعطور هذا الكريم يستخدم من عند الرقبة وإلي تحت لا يستخدم للوجه أبدا هذا الكريم طق مطااااقه عليه لأن كلمة روووووعة شويه عليه
وهذي تجربتي أتمنى إني فدتج تحياتي
والله يوفقج
والكل يعاني من هالمشكلة بس بدرجات
المشاكل اللي تسبب سواد المنطقة؟
الأندر وير النايلون أو أي نوع قماش يكون عازل للهواء وفي هالحالة يفضل إستخدام القطن وبس
إسوداد الأفخاذ مشكلتها الإحتكاك (والحل لبس الاندر وير الشورت القطن)
الحين إنيي لطريقتي واللي جربتها ومفعولها سريع إذا داومتي عليها
الإستحمام كل يوم ضروري جدا جدا مع تغيير الأندر وير وتجفيف المنطقة بعد كل دخول للحمام
في الحمام عز الله السامع تغسلين المنطقة بصابونة جونسون للأطفال لأنها ناعمة وما فيها مواد كيماوية وبعدها أمسح المنطقة باسكينول ليمون ومع هالطريقة إستخدمت طريقة وحده في المنتدى كانت تسوي خلطة عبارة عن نعناع وليمون (طبعا تاخذين كوبين ماء وتحطين معاه غصنين نعناع وليمونه خضراء صغيره بالقشر طبعا وتخلينه يفوح ليما يتغير لون الماء للأخضر وتطفين عليه وتستخدمينه كغسول بعد كل دخله للحمام).
وبس عاد أهم شي تداومين عليها حتى بعد ما تفتح المنطقة.