بدخل في الموضوع مباشرة بدون مقدمات
آنه مشكلتي مع الغازات مشكلة .. بطني دووووم فيها غازات
والله أغلب الوقت ما أتهنى بصلاتي ولا بقعدتي مع الأهل
أتوضأ للصلاة وخلاص خلصت وصكيت الحنفية .. يصير في بطني غازات
أنقهر وأضغط على عمري وأطلع من الحمام ( وانتو بكرامة )
وأصلي أحياناً وآنه متضايقة
خلق الله يصلون علشان يحسون بالراحة والطمأنينة وآنه أصلي وآنه متضايقة
والله صرت أتكاسل من كثر الوضوء أستغفر الله العظيم خصوصاً في الشتا
وأحياناً أتكاسل من الصلاة .. آنه الحمد لله أحاول قد ما أقدر أصلي صلاتي بوقتها
خصوصاً إذا كنت على وضوء بسرعة أروح أصلي لكن لما ما أكون على وضوء
أتكاسل أحياناً أتوضأ وأصلي .. أستغفر الله العظيم بس
مع إني قبل ماكنت جذي .. كنت أتم على وضوء فرضين أو ثلاث فروض
ألحين أصلي الفرض ومباشرة أنقض الوضوء
و ولا أرتاح بالقعدة مع الأهل .. أقعد شوي وأقوم فجأة علشان لا أتعرض لموقف محرج
والله من كثر مو الموضوع شاغل بالي مرة حلمت إني تعرضت لموقف محرج .. والله العظيم
فأبي من صاحبات الخبرة علاج أكيد ومجرب سواء أعشاب أو بذور
بحيث لون إني أشربها من الصبح مثلاً تطرد كل الغازات وتخليني مرتاحة طول اليوم
أفضل حبوب لأن الأعشاب غالباً ماتكون طعمها مر وإذا كان لابد من الأعشاب
آخذها أمري لله .. أهم شي أتم مرتاحة
ولكم جزيل الشكر مقدماً وجزاكم الله خير
أختي أنا سمعت عن الزعتر والينسون وايد زين حق الغازات , ونصيحة أمتنعي عن شرب المشروبات الغازية وشربي عصير أحسن وسمعت بعد أن الحليب السائل (البارد) يفيد للغازات بس هذا يعتمد على فصيلة الدم لأن في مأكولات تسبب الغازات خصوصا لفصيلة الدم O+ : الأرز والخبز والحليب الساخن والعدس وتقريبا أغلب البقوليات ف أمتنعي وإن شاء الله البنات يفيدونج
شكراً جزيل الشكر
آنه ما أشرب مشروبات غازية كلش
أما الحليب ماحبه وإن شاء الله بجرب الينسون
وأنطر مساعدة الأخوات بشي مجرب وأكيد
وإذا ممكن الطريقة بالضبط
الثاني انتبهي على اكلك واتئكدي منه اي شي يسويلك غزات ابعدي عنه
بالتوفيق ان شاء الله ,,
روحي الصيدليه وخذي حبوب الفحم وراح ترتاحين كثيررررر …
جربيهم
وابتعدي عن الغازات وسوي رياضه ولا تخلطين الاكل مع بعض انا من سويتها ارتحت صراحه
يعني لا تخلطين النشويات مع البروتينات
وان شالله بنزل موضوع عن هالشي هاليومين
والله يشافيج يارب
احس ماقدر بموت من الغازات