:confused:بنات أنا مشكلتي مشكلة ولدي من ولدته حتى الحين عمره شهرين و نص و الغازات ملعوزتنه و خذيت حق دكاترة الأطفال ما يعطونه غير ها الأنفاكول و لا ياب معاه أي نتيجة أحس يوم أرضعه بطنه تتناقع من الغازات كنها مفرقعات و بعدين جربت له ماي غريب و اليانسون و النعناع و لا شي فاد أرجو اللي جربت شي ثاني تسعفني و الله يجزيها ألف خير
اختي اني اعطي ابني دواء بونيسان عطاني وياه دكتور اطفال
أختي حاولي يكون اكلك متوازن وقللي البصل والبهارات في أكلك و حاولي اي شي انت تاكلي تكوني متأكدة انوا ما ينفخ البطن ……جربي شاي الاطفال طبعا في موجود اشياء كثيره وتكون مناسبةللي في عمره جربيه وجربي الميرامية كتيييييييييييييييير ممتازة بس تكون خفيفة و اذا تقدري اعملي خلطة من المرامية والنعناع وشاي الاطفال وماء دافي و خليهم في كوب وغطيه باي شي علشان ما يتطاير منه الاشياء المفيدة وبس يبرد اعطيه واختي يمكن يضل على الحالة للأربع او الخمس شهور وبعدين تروح ما عليه الا العافية ………طمنينا عليك وعليه ………تحياتي
أختى جربي بونسيان،،أنا ماقط جربته بس الكل يمدح فيه،، هذا من منتجات هملايا….
أعملي له تدليك خفيف على بكنه بزيت الزيتون…
أعملي له تدليك خفيف على بكنه بزيت الزيتون…
وبخصوص أكلك إبتعدي عن البقوليات والبهارات،، أنا مابهدل ولدي أتذكر الا أكل البقوليات….
[FRAME="2 70"]هلا قمورة مايشوف شر البيبي بس مثل ماقالوا الصبايا ابتعدي عن اكل البقوليات ولاشياء الخضرة لانها تجيب غازات واجد والحليب والمشروبات الغازية استخدمي ليها على طول ماي الحلوة وفي دواء اعشاب من الحواج اسمه الطبيخة وووواجد زينة انا بنت الحين بتكمل السادس وللحين معاها غازات استخدم ليها هالدواء احسة زين
تحياتي للجميع
ام زهاري[/FRAME]
أختي العزيزه انا صارلي 27يوم والده ولا اكل شي في غازات ولا بهارات وبنتي كله تبجي من الغازات وعطيتها البونسيان اللي قالت عنه الاخت رانيا البحرينيه ولا في فايده وجربت معاها ماي غريب هم مانفع والكل يقولي يبقى الياهل لي 4 او 5 شهور الله يعيني ويعينج حبوبة ومايشوف شر البيبي
مشكورريين خواتي ما تقصروون و جزاكن الله ألف خير
مثل حالة ولدي لما يرضع اسمع اصوات ببطنه
نصيحه بخصوص دواء بونيسان انا استخدمته لولدي وصار يرجع بشكل مو طبيعي وارتفعت حرارته
مارجع لطبيعته الا بعد ماتركت الدواء بثلاث ايام واذا تعطينه حليب صناعي غيريه انا غيرت من ابتاميل لنان 1 وخفت الغازات الحمد لله
حبيبتي انتي من الامارات ؟؟؟ اذا تعرفين دواء شعبي اسمه مكافح الارياح اللي لونه اخضر انا تعبت ويا بنتي نفس الشي … ماخليت شي ماجربته مافي فايده . يوم استخدمته ارتحت. .. افرك بطنها بزيت الزيتون واحط نقطتين على بطنها ماشي من احطه تسكت وترضع احسن من قبل… جربيه..
عباره عن شو مكافح الارياح هل هو سائل او اعشاب ومن وين احصله وكيف طريقته ؟؟؟؟؟؟؟؟