راح اعطيكم نبذه عن عالم سمنتي
من عرفت نفسي وانا سمينه بس يتغير الشكل حسب المرحله العمريه المهم وكل مره اسوي رجيم اتبعه شهر شهري واتركه
ودخلت الجامعه وكنت اكل بشهيه الله يحفضنا مع اني كنت انقهر من لبس البنات وستايلهم المهم بديت اسوي رجيم مع اول سنه ثالث جامعه وكان وقتها وزني 85.90
المهم قللت برمضان وتركت الحلى بس الرياضه على حسب ونزلت الى 83 بعدها تركت الرجيمم وبديت بدايه فعليه 15/12/1429
لمدة 3 شهور تقريبا" ونزلت فيها 13 كيلو يعني وصلت 70 
بعدها تركت الرجيم وبديت مره ازيد وعلى طول انزله لين جا رمضان وصرت زايده 3.5 حاربت نفسي لين نزلتها بعدها صرت الاحظ وزني وزدت الثلاثه اللي نزلتها وبعد مابديت هالسنه بالكليه انواع الفطور والاكل وكنت ناويه انزل زياده <وصار العكس انتكاسه وزدت 4 كيلو يعني مجموع الزياده صار 7 كيلو المهم بديت الترم هذا وانا كل يوم اقول بكره ويوم اخفف وعشره لا اليين جاني الهدوء والسكينه والالهام <<مدري وش دخلهم هع هع
اني ابدى وبديت اليوم الجمعه 17/4/1431 
وان شاء الله راح استمر الى الوصول الى هدفي اللي هو انزل 17 كيلو وان شاء الله اصبر برنامجي اللي راح اتبعه اخذته من الاخت الاموره شجن الله ينولها مرادها 
وكل يوم راح انزل اليوميات بأذن الله
سبحانك اللهم وبحمدك أستغفرك وأتوب إليك
احس اني لخبطت بالايام
وكان كالتالي
بعد ماصحيت بسعه تقريبا شربت كوبين ماء
الفطور توست شريحتين وقطعة جبن
وكوب شاي
الغداء
توست بخلطة الثوم وقطعه من صدر الدجاج<<المفروض فيه طبق سلطه بدل التوست بس ما اشتهيتها
وشربت كوبين ماء
العشاء
علبة زبادي +2حبة فاكهه
وراح اشرب كوب شاي اخضر <<وباقي اكواب المويه تقريبا"4
وبالتوفيق
سبحانك اللهم وبحمدك أستغفرك وأتوب إليك
اختي الغاالية
شووق الذكرى
أذا تسمحين لي قلبي
امشي معك في تحقيق حلم الرشاقة
أنا بعد بدأت اليوم 17/4/1431
فطوري كان بيضتين مع كوب شاي
الغداء,,,,متأخر شوي صدر دجاج وسلطة
والعشاء زباادي
وزني الحالي 84 ونص
ويااارب يااارب تتحقق احلاامنا يااارب
المرية
منوره
وان شاء الله ربي بيعينا بس اهم شيء العزيمه ولايهمك احد
مشيت ربع ساعه =كيلو و100 م=سرعه متوسطه
سبحانك اللهم وبحمدك أستغفرك وأتوب إليك
كيفك اختى الغالية
انا عمري ١٨ سنه اتزوجت وخرررب جسمي طبعا مع الاكل بشراهه
وصراحة انا كنت متضايقة بسبب بعدي عن اهلى
اجرب رجيم امشي عليه ٣ ٤ ايام واوقف طبعا قبل ماتجي الدورة ووقت الدورة حاله مستعصية انواع الحلويات والشكولاتات
نسيت اقولك اناطولي ١٥٠ ووزنى ٦٠ يعني زايدة ١٥ كيلو تقريبا
والله اني اشوف نفسي بالمرايا واكتئب استغف الله اقول انا اشوف نفسي كدا كيف زوجي اه بس ابغى اشترك معاك اختى بس محتارة بالريجيم?????
وانا احب الرياضة احس انها تخفف ضيقت الريجيم
اممم هههه هاتقبلي اخش معاك ونتساعد لين مانوصل للوزن المثالي وافرح بنفسي يارب متى اشوف نفسي رشيقة
اطيب وشرايك اوريك الرجيم اللي عندي الي راح امشي عليه
وانتي براحتك
ياللله شوي وانزله لك
وحلو كذا عددنا بس ابي حماس
اللحين صرنا ثلاثه
سبحانك اللهم وبحمدك أستغفرك وأتوب إليك
من الطبيعي في حاله البدء باي نظام صحي يزداد الجسم من كيلو الى 3 كيلو في الاسبوعين الاوليين من البدء في النظام وبعدها راح يفقد الجسم الوزن بسهوله .. فلا أحد يتضايق لان إن شاء الله راح توصل كل وحده للوزن المطلوب بشكل صحي وطبيعي
شوق الذكرى : معدل الدهون في جسمج 17%
المطلوب :
1. أخذ القياسات المطلوبة وتسجيلها في الورقه ويتم الاحتفاظ بها لمعرفه التطورات التي تحصل
2. المشي لمده ساعه يوميا ابتداءً بعشر دقايق ومن ثم زياده خمس دقائق كل يوم حتى الوصول لمده ساعه … سواء إذا عندج سير او المشي في الهواء الطلق ويفضل الهواء الطلق
3. شرب كأسين ماء فاتر قبل كل وجبه بنص ساعه على الاقل
3. النظام الغذائي المقترح :
الافطار :
كل يوم يجب شرب كأسين ماء فاتر قبل الافطار بنص ساعه على الأقل
اليوم الاول :2 قطع توست + ملعقتين مربى(جام ) دايت
اليوم الثاني : خمس حبات بسكويت مالح +تفاحه صغيرة + شاي أو قهوة
اليوم الثالث : 2 قطعه توست أسمر + 4 ملاعق متوسطه لبنه
اليوم الرابع : شاي او قهوة + كورن فليكس (ويفضل كلوقز الخالي من الاضافات)
اليوم الخامس: شاي أو قهوة +قطعه ثمرة جريب فروت +قطعه توست+2 ملعقة زبده من غير دسم
اليوم السادس : وجبه مفتوحه
اليوم السابع : 3قطع جبن أبيض + شاي أو قهوة + 5 حبات زيتون +2 قطعه توست
بين الوجبات : أي فاكهه ما عدا الموز /التين /العنب/ المانجو او خضراوات (بين الافطار والغذاء +بين الغذاء والعشاء)
الغذاء :
اليوم الاول :صدر دجاج 2 +سلطه خضراء
اليوم الثاني : 2 بطاطس مشويه + سلطه فتوش +قطعه لحم مشوية
اليوم الثالث :كوب رز مسلوق + روب قليل الدسم +سلطه خضراء
اليوم الرابع : 10 قطع سبرينغ رول + سلطه زيتون
اليوم الخامس: نص صحن باستا
اليوم السادس: وجبة مفتوحة
اليوم السابع : 8 قطع روبيان بالبقسماط +سلطه زيتون
وجبه العشاء : 2 علبة زبادي منزوع الدسم+ 2 فاكهه
ملاحظة : اوقات النظام :
شرب كأسين ماء قبل الافطار بنص ساعه على الاقل
الافطار : الساعه ثمان صباحا
بين الوجبات : الساعه 10 وانص
الغذاء: الساعه 1 وانص
بين الوجبات : الساعه 3 وانص
المشي: الساعة 6
العشاء : الساعة 7 وبعدها ما راح تأكلين شي
وكل اسبوع راح يتغير النظام علشان ما تملين منه
وهذا هو البرنامج اللي اتبعه
وبالتوفيق للكل
سبحانك اللهم وبحمدك أستغفرك وأتوب إليك
هلا وغلا <<وجودكم شرفني
سبحانك اللهم وبحمدك أستغفرك وأتوب إليك