مبارك عليكم الشهر والله يعديه عليكم بالخير والصحه والعافيه .
بصراحه شديده انا كنت أدش المنتدي وأشوف المشاكل أللي عايشينها البنات وأحاول أساعدهم بحل بسيط وأكون مؤمنه بالكلام أللي أقوله ويمكن أذا عرضت مشكله تكون مشكله بالعمل ومشاكل المعامله مع البنات وكنت أستغرب من البنات أللي يحطون مشاكلهم وشكواهم من تأخر نصيبهم بالزواج ودايما أقول ياربي هالبنات مايدرون أن الله أللي يرزق ولانفس تموت ألا أستوفت رزقها بالدنيا يعني بيتزوجون أن شاء الله لكن صارلي هالفتره كم موقف خلاني أعذرهم بس أنا مشكلتي غريبه عنهم أنا بنت والحمدالله علي قدر من الجمال والأدب أستغربت في الفتره الأخيره بنات أعرفهم والله لاجمال ولاأخلاق ولاأدب ويغتابون ولايتركون أحد بحاله ومع هذا تزوجوا والله والله موقصدي حاسدتهم أو اعتراض علي حكمة الله بس هالدنيا صاير تشوف أشياء غريبه البنات المحترمات الجميلات لازواج ولاشي والعكس البنات أللي لاجمال ولاأدب هي من تتزوج يمكن بتقولون أسلوبها غريب هالمره ورود لكن والله انا موحاسده أحد يعلم الله أنه عندي هموم ومشاكل لايعلمها الا الله سبحانه تعالي قاعده أكتب هالموضوع ودموع تنزل علي خدي أبي أحد يفهمني الدنيا هي الدنيا ولاالناس تغيرت الناس شصاير لها قاموا يدورون البنت أللي عندها أخوان وعزوه ولايهمهم سمعتها …
فيدووووووووووووووووووووووني أفكار قامت تدور براسي الله يعيني ويعينكم بالخير..
والله يرزقني ويرزق بنات الحلال والمسلمين بالازواج الصالحين الفالحين أللي يخافون الله عاجلا غير اجلا..
انتي بنفسج قلتيها كل شي قسمه ونصييب…اكثري من الاستغفار والله بيرزقج وبيرزقني امييين..
واهم من الزواااج ان يكون الريال ذو اخلااق عاليه ودين..بس لاتيئسين من رحمة ربيج كووني واثقه من ربج انه بيرزقج ولد الحلال الزيين…..يمكن الله يختبرج الحين…وهالبنات الله عطاهم على قد نياتهم صدقيني..
أعرف وحده من كثر ماكانو يرمسون فيها انها مب زينه ومستحيل حد يخطبها الا اذا واحد صايع بس سبحان الله هداها واتحجبت وقامت اتصلي وتستغفر وعقب ب 6 شهور خطبها ريال اخلاق ودين ومال وحسب والكل انصدم
اكيد يوم تمت تستغفر الله غفر ذنوبها وزوجها وعوضها خير…وهي تستاهل لأن قلبها طيييب وصافي
انا بعد يتلي فترة اقول هالكلام
لاني لاحظت هالشي!!!!
بس يمكن الله حاب يستر عليهم ويهديهم عن طريق الزواج العاجل
والله يستر علينا وعلى جميع بنات المسلمين
عاجلا غير اجلا
رائعتي … الدنيا هي الدنيا لم تتغير … ولكن نفوسنا التي تغيرت يقول الإمام الشافعي
نعيب زماننا والعيـب فينـا ************ وما لزماننا عيـب سوانـا
ونهجوا ذا الزمان بغير ذنبٍ ************ ولو نطق الزمان لنا هجانـا
وليس الذئب يأكل لحم ذئبٍ ************ ويأكل بعضنا بعضا عيانـا
وكل شيء قسمة ونصيب … رائعتي لا تدرين عل البنات اللواتي لم يتزوجن … رحمهن
الله بعدم الزواج فمن الممكن ان يكون زواجهن عذاب أو هلاك … فكل شي يصيبنا من الله
خير ان شاء المولى
العتب
وانشاءالله ربي يرزقكي ولد الحلال
وينسيكي حزنك وهمك
عندي بنت عمتي اختها اللي اصغر منها اتزوجت وعندها بنت وصابره
(ان الله مع الصابرين)
بس لا تشغلى بالك بهذي الامور
وخلى ايمانك بالله قوى
ولا تنسي الاستغفار
وانشاءالله ربي يسهلك امورك ويريح بالك عاجلا غير اجلا
اللهم امــــــــــــين
"ربي لا تذرني فردا وأنت خير الوارثين
ربي هب لي من لدنك ذرية طيبة إنك سميع الدعاء "
وردت علىَ أختى وقالت : لا تدرى ماذا مخبىء لتلك البنات ال..، ربنا العادل لن يظلم،
من يفعل الحسنة سينال ومن يفعل السيئة ولم يتوب أيضاً سينال ..ولو بعد حين .
وذكرتنى بأن الدنيا إن كانت غالية ما أعطاها الله للكفار ، وإنما هى لا تسوى عند الله جناح بعوضة يعطيها لمن يشاء ولا يعطى فى الدنيا على حسب الأعمال وإنما الأجر فى النهاية يوم الحساب .
وأكدت لى أن ما يحصلوا عليه هؤلاء الفئة هو فى النهاية لهو ولعب لن يعود عليهم بالفائدة
وإنما الفائدة ستعود على كل من تشيث بتعاليم الدين وطاعة الرحمن والإقتداء برسولنا الأمين عليه أفضل الصلاة والسلام.
فى النهاية ..إستوعبت أن حسن الظن بالله والصبر على الإبتلاء وطاعته سيقتادونى إلى النجاح وراحة البال بالدنيا والآخرة .
أختى:
لا تتركى عقلك للشيطان أكثرى من الإستغفار والدعاء بقيام الليل لكِ ولبنات المسلمين وتذكرى ان من يعمل مثقال ذرة خير يرى ومن كان يعمل مثقال ذرة شر يرى فاعملى الخير وادعى ربك يتقبل وستؤجرى بإذن الله ولا تبالى بمن حولك إلا بالدعاء لهم..
فرج الله كربك وكل مكروب مسلم
الله يصلح حالك وبالك ويرزقك الزوج الصالح عاجلا غير اجل..
اخبارك اختي ولا تنقهرين يمكن هم تزوجوا بس انتي منتي داريه ايش راح يكون لهم بعد هذا الزواج واقتنعي ان كل تاخيره فيها خيره و اكيد ان الله راح يعوضك بالشخص اللي يناسبك و يحترمك ويقدرك ولو بعد 10 سنين لا تقولين راحت علي لان الله اذا قال كن فيكونو خليك دائما متفائله بالله وبما لديه
اختي حطي في بالك انك لك نصيب مكتوب وانتي في بطن امك يعني روقي لاتتضايقين من تاخر زواجك او ان الي مايستاهلون تزوجو وانتي لا لانه فيك فيك النصيب ولاتتعبين نفسيتك وتنا ضرين لغيرك ترا تتعبين حتى لو ما نا ضرتيهم بحسد اذكر قريبتي ملكه جمال لدرجه ان صديقاتها يقولون لها اني ما يحتاج تتضايقين مضمون نصيبك بيجي بسرعه وتجلس الين صار عمرها 62 او 27 يعني كل صديقاتها تزوجو خلفو وهي ما تزوجت والحمد لله الحين تزوجت لانه جاها نصيبها المكتوب لها لذالك لا تشيلين هم مالك الى المكتوب ياقلبي والله يرزقك الزوج الصالح يارب