السلام عليكم جماعة بدخل في الموضوع اني متحيرة عندي بنت الله يخليها لكن اني ادرس الحين الصبح وابغي اكمل العصر الصبح اوديها الروضة لكن ما عندي احد يجودها الي العصر ولة احب اكلف على احد ؛في احد يقدر يساعدني ويفيدني بجهة موثوقة مثلا روضة تستلم العصر او وحدة ثقة واعطيها مبلغ بسيط قريبة الى مناطق المنامة ياريت الي عندة شي ولو بسيط يفيدني
كان ودي افيدش ودشيت الموضوع لاني توني شايفة اعلان على البراده اللي صوب البيت عن وحده تهتم بالاطفال من شهر الى 5 سنوات بس للاسف مو من مناطق المنامة الله يوفقش في وحده زينة
اممم سمعت عن حضانه على شارع البديع كانو كاتبيين عنها بعد في المنتدى 24 ساعه نظام بريطاني وايودون اليهال باي وقت بس مو مذكره اسمها
انا لو قريبه منكم جان يودتها لج وبدون مقابل بعد بس للأسف بعيد إن شاء الله يارب تحصليين احد ثقه تخليين عنده الحلوه بالتوفيق
انا اعرف وحده ساكنة ببلاد القديم .. اذ قريبة من منطقتكم بعطيش رقمهاش
والله حبيبتي لو مو على وشك الولادة جان خليتها عندي تلعب هي وولدي عمره الحين سنتين وانا من المنامة وبدون مقابل ترا هم ملائكة اصغار فالدنيا
عجبتني الردود
ما شاء الله على بنات البحرين شيومين وطيبين جدااااا.. صدق اخلاق رفيعة..
ان شاء الله تلاقين لها خيوو…