انا ادور مصممة عبي وشيل …!!
انا وربيعتي نبا نسوي بزنس للعبي والشيل وعندنا خياطين اثنين
بس ناقصتنا المصممة .. ويكون لها نسبة ثابتة عن كل تصميم ناخذة من عندها . وانا ادور اللحين أراسل اكثر من وحدة عشان اشوف تصاميمهن للعبي والشيل ونختار أروع رسووومات …
انا من بوظبي
طبعا مب شرط تكون المصممة من الامارات حتى لو من دول الخليج عاادي
لها نسبة نتفق عليها عن كل تصميم
ياليت المصممات الذويقات يراسلوني بالعام او الخاص ..
واللي مستعدة ترسل تصميمين او 3 لعبي وشيل عالخاص لي (e)
بنات انا مستعجلة عالموضوع قبل العيد.
والسموحة طولت عليكم … الموضوع جدااااااا مربح وراح توصلج فلوسج وانتي بالبيت .. بس عليج تراسلينا بتصاميمج الحلوة (y)
اله يوفقك في مشروعك يارب ….
و القسم مليان مصممات اتمنى انك تتوفقين ان شاء الله
أنا أعرف وحده كانت تشتغل نفس الشي تعطي تصاميم و عليها نسبة ربح بس صاحب المحل قص عليها بحيث كان يقول إنتي تصاميمج ماربح أو ما ربح وايد إتريي لين مانبيعهم بعدين
بس إلي طلع إنه يبيعهم بس ما يعطيها حقها هذا و هي في نفس المدينه
فبغيت أسأل كيف ينحفظ حق المشارك أنا ترا ما أقصدج إنتي بالكلام السابق بس إلي صار إنها ودرت الشغلة و أنا أحاول أقنعها العكس فلازم يكون شي ملموس
و لاتزعلين من كلامي
مشكوورة عزيزتي انا راسلت بنات موجودات بقسم مصممات عروس … وقلت اطرح الموضوع بالعام عشان اكبر شريحة تتعرف عالموضوع ويطلعون مواهبهم الكامنة .
………………………………………
أميرة 123
عزيزتي … راح يكون بينا وبينها اتفاق والامانة اهم شي والثقة موجودة .. ومستحيل ان نبيع تصاميمها من غير علمها وناكل حرام ..
ولا كنت سرقت من تصاميم البنات بالمنتديات والنت وسويتهم وبعتهم … لكني اريد انفرد بتصاميم خاصة …
اذا بتتشجع وترجع للتصميم ربيعتج ياليت تراسليني عالخاص واشوف من تصاميمها .
asmooh
من دبي لكن من فترة طويلة جدا ما دشت المنتدى … ياليت اي حد يعرفها او يعرف كيف اقدر اتواصل وياها يخبرني
هتصل بصديقتى ترسلهم لى لانى ارسلتهم لها قبل عمل الفورمات على الايميل وبعدها ابعتهملك على الخاص
وربنا يوفقك
انتظر عالخاص
والله توني شفت الموضوع وعيبتني السالفة ^^
للأني أبغي أسوي الصراحه وأبغي دعم…وما حصلت…
عادي أرويج رسومات بس؟؟؟ولا لاء