أمس انطلق معرض الزفاف المميز في مدينة الشارقة في معرض اكسبو…
شو رايكم كل وحدة زارت المعرض تخبرنا شو اللي عيبها في المعرض وشو الجديد اللي شافته هالسنة؟ عشان كلنا نستفيد خصوصاً العرايس……
الصراحة انا سرت البارحة… شفت أشياء حلوة…. يعني مثلا عيبني البحريني اللي يصمم كوش الأعراس وهو مجابل البوابة أول ماتدخلون واسم المحل (جندل) عارض كوشة حلوة وعنده تصاميم روووووعة في البروشور….
عيبني بعد محل السمو للعطور…. عنده عطورات حلوه ومداخن رهيبة…. جربو عطر صاحب السمو… رهيييييب…
لاحظت هالسنة زيادة في اللي يعرضون الجلابيات الكويتية…..
اللي تبا تشوف ثعبان صدقي؟؟؟؟ تسير عند (بنات الامارات) يعرضون كوش وتجهيزات العرس وحاطين ثعبان على الطاولة وثعبان على كوشة العروس!!!!!
هذا اللي عندي واذا تذكرت شي بخبركم إنشالله 
وعيبني عرض اماتو "عرض الازياء" فساتين السهره
عيبني عند وحده هندية بخصوص البوم العرس يايه من لندن وبيفتحون الشهر الياي في دبي اسمه STORM
بس الاسعار تبدا من 15,000 الين 25,000
بس اختي انا ما شفت
البحريني مال الكوش
ولا السمو للعطور "شفت علياء القمر"
ووين مكانهم بنات الامارات اللي يعرضون الكوي وعندهم ثعابين ؟
حرام ما شفتيه الصراحة رووووعة اسعارهم تبدا من 15 ألف وفوق والكوشة اللي عارضينها على ما اذكر بثمانين الف….
السمو للعطور فيه مواطن يعرض ومسوي عرض وايد حلو تشترين ثلاث عطور والثالث مجاناً… حذالهم وحدة تبيع المكياج… اكيد مريتي عليه … عليا القمر عالزاوية لكن هذا داخل….
وبنات الامارات بتحصلينهم عارضين كوشتين صغار وحده خضرا والثانية ستايلها صيني.. الكرسي على شكل تنين….
وناوية ارووح شووفهم يوم الجمعه
بس بصراحه اسعار محل التصوير مبالغ فيهاااا
الله بيحاسبنا على هالفلوس اللي تنقط على صوووور
وممكن تعطيني رقمه من البروشر اذا ممكن ؟
انا ماعندي فرصه اسير مع ختيه العروس غير يوم السبت و بيكون اخر يوم 
شوه الذهب ؟؟ فيه محلات و شوه الاسعار و الاشكال ؟؟
و بعد مافي فساتين ؟؟
حصلت عندها فساتين حلوة وبسيطة … ما اتذكر اسم المحل؟؟ عندي البطاقة مالها بس في البيت… بقولكم اسم المحل بعدين…
اختي (تاجرة) بخصوص البحريني للأسف ماعنده محل في الامارات… بس في البحرين… واذا تبين تسوين كوشتج عنده لازم تخبرينه قبلها بشهرين….. عندي السي دي ماله.. حاولت اشغله مااشتغل بس بجرب مرة ثانية واذا حصلت صور انشالله بعرضهم….
 |
اقتباس |  |
 |
المشاركة الأساسية كتبها Umm_7amad |  |
 |
| كيف ما شفتي البحريني؟؟؟ هذا أول ما تدخلين القاعة يكون في ويهج؟؟ عارض كوشة كبيرة اسمه جندل يوزع بروشور لونه احمر حرام ما شفتيه الصراحة رووووعة اسعارهم تبدا من 15 ألف وفوق والكوشة اللي عارضينها على ما اذكر بثمانين الف…. السمو للعطور فيه مواطن يعرض ومسوي عرض وايد حلو تشترين ثلاث عطور والثالث مجاناً… حذالهم وحدة تبيع المكياج… اكيد مريتي عليه … عليا القمر عالزاوية لكن هذا داخل…. وبنات الامارات بتحصلينهم عارضين كوشتين صغار وحده خضرا والثانية ستايلها صيني.. الكرسي على شكل تنين…. |
||
 |
 |
لا مووووووووول ما اذكر البحريني
وبخصوص المواطنات اللي مال الكوش تذكرتهم مريت عليهم
يلا يمكن اسير مره ثانيه
Umm_7amad ممكن رقم راعية الفساتين و كم اسعارهاا