مقشر وكريم الفانيليا وشمع العسل اخر تجاربى الناجحه شرفوا بالشرح والصور 2024.

حبايب قلبى بنات منتدانا الرائع منتدى عروووس
ازيكم واخبار الجمال ايه ؟؟اكيد زايدين حلا :adore:
اوكى ح ابطل رغى وادخل على الموضوع على طول انا طبعا من عشاق الفانيليا سواء للاكل او لو رائحه فى كريم او معطر جسم وعملت حاجتين مقشر الفانيليا – وكريم الفانيليا وشمع العسل والله يابنات تجربه روووعه رائحه وتقشير رائع والكريم ترطيب ونعومه وتفتيح مع الزمن انا لى 10 ايام بس استخدم فى الكريم ومبسوطه جدااا
قبل ما ندخل فى طريقه العمل اكتب ليكم فايدة الفانيليا لانها غير مستخدمه كتير فى الخلطات وانا استخدمت مستخلص الفانيليا فى الكريم (مقتبس من كلام خبيرة التجميل سمر الشيخ ) :-
– الفانيليا رائعه للانتعاش وازاله التوتر والضغوط
والتعب النفسى وتعديل المزاج
-يبيض الجسم ويعطى اشراقه جميله
– ينعم البشرة ويزيل الجلد الخشن وهو مثالى للاقدام الخشنه
احب اقول انه اذا لم يتوفر عندك مستخلص الفانيليا ممكن تستخدمى بدله الزيت العطرى بس كميه بسيطه جدا
نجى للخطوات :-
اولا المقشر

من اليمين ملح الحليب – قشر برتقال مطحون – رز مطحون – علبه فانيليا بدرة للريحه الجميله

هنا بعد الخلط المكونات كلها

هنا جربت المقشر اخدت 3 معالق واضفت معاهم شاور جل من دوف (انتى لو حابه تبدلى بماء او زيت او كريم ليك حريه الاختيار) والطريقه انو بعد ما اخدت حمام عادى فرت المقشر على كل جسمى الرطب والدعك بحركات دائريه من تحت لى فوق واسيبه 10 دقايق وبعديها بليفه الحمام المغربى معروفه طبعا وتدلكى جسمك وبعديها تغسلى بالماء عادى لو عجنتى بشاور جل ما تستخدمى معاه صابون اما اذا عجنتى بماء او كريم الافضل تستخدمى صابون بعد المقشر بس يفضل صابون الغار او زيتون يعنى حاجه طبيعيه ابعدى من الصوابين ذات الروائح القويه لانك حالا عملتى تقشير لجسمك واختمى بماء بارد لقفل المسام
ثانيا كريم الفانيليا للنعومه والجمال :-

من اليمين شمع العسل ويا ريت تشترى من العطار ويكون شمع اصلى وبتعرفيه من الريحه (رائحه عسل ) ونقطعها قطع صغيرة وفائدته ترطيب وتلين وتغذيه البشرة
– جنين القمح غنى عن التعريف تغذيه وتفتيح
– كريم جليسوليد وكريم الجلسرين غنى عن التعريف
– وفوق عبله كريم الجلسرين مستخلص الفانيليا السائله
– اللوز المر تغذيه وتفتيح للبشرة
– زيت الزيتون غنى عن التعريف يرطب وينعم البشرة

– اولا نسخن معلقتين من زيت الزيتون وبعدها نضيف الشمع الى الزيت الحار ونقلب الى ان تسيح الشمع كله واتاكدى من اتمام الخلطه دى حتى لاتتكون كتل فى الكريم

اضافه معلقتين من زيت اللوز وجنين القمح ونخلط كويس

نضيف معلقه من الجلسرين السائل
وكميه من كريم الجليسوليد وكريم الجلسرين (ممكن تضيفى اى كريم بينفع معاك مش شرط كريم الجليسوليد)

نضيف معلقه من الفانيليا السائله ونقلب كويس حتى يتم التمازج لكل المكونات