ماباقي شي وينتهي شهر رمضان وبتخلص الاجازة … انا قبلوني التربية
وحاليا قاعدة اجهز للعيد وللمدرسة لاني مو حابة البس عبايات
بس متحيرة ابي استايلات حلوة ياريت اللي عنده يساعدني يعني البس شنو عللى شنو ويطلع حلوو ؟؟
فكرت بالملابس الفورمال ( الجاكيت والقميص والبنطلون) بس قلت باخذ بدلتين جذي مو اكثر لاني احب التغيير
من يعرف محلات تبيع ثياب فورمال نسائية او اقمصة كويتية الي صايرة مثل الميني دراعة
وبعد عندي سؤال … عادى البس لقنز مع الميني دراعة في المدرسة ؟؟ مو ممنوع؟
اللي عنده افكار لا يبخل عليي لاني حدي متحيرة
وموفقين والله يعطيكم ماتتمنون
وعيدكم مبارك مقدماً
يعني ما في شي ممنوع لج نهائيا !!!!!!
المحل اللي في البحرين اللي يهبون فيه المدرسات لأن اصل المحل كويتي
موجود بالستي سنتر في صفة مايا لاشكولاتري اسمه مونتانيا طبعا غالي ما اقولج يعني مو غالي بس راقي ويبين انج مدرسة وكشخه
وإذا تبين عاديين في محليين في بوكوارة اييبوون اغراض من الكويت واحد داخل بوكوارة في صفة الحواج ايي قبل الحواج اسمه مس كويت
والثاني يصير يم حلويات جناحي سابقا الحين ما ادري شنو فتحوا محلة لكن اسم المحل اللي اقصده ""(شوجي )""
وفي ثياب للعمل حلوين وكيوت
طبعا تلبسي تحته سكيني
وهاي كمان تلبسي تحته سكيني و بلوزة الضاغطة
وهاي ما يبيله إلا بنطلون ما يفصل جسمك بل شوية وسيع وكيووت