وما أكون مبالغ إذا قلت إنها أكبر شركة عطورات ومستحضرات تجميل وملابس بالعالم
الشركة مملوكة بالأصل للمصممة الأزياء المشهورة كوكو شانيل
تتميز ماركة شانيل بالعراقة أغلب منتجاتهم بيرفكت وقليل نحصل منتج نقول عنّه عادي أو مو كويس
مع العلم إن هالشي تسبب بغلاء منتجاتهم تقريباً هي أغلى ماركة بالعطور والتجميل على حد علمي
وإذا صارت فيه تخفيضات ما نحصل تخفيضات على منتجات شانيل .. لأنها شركة واثقة من منتجها وزباينها ..
طيب .. خلونا نبدا ..
أسماء عطورات شانيل معروفة .. كل عطر من عطوراتهم مميز وله عائلة أصناف ..
نبدا بأول وأشهر عطر .. مو بس لشانيل .. للعالم كله ..
يقولون إنّه أول عطر كـ سبري بالعالم .. وبلا شك للحين هـ العطر مازال رائع .. والكل يشهد بتميزه ..
NO.5
في عام 1921م بدأ العطر بالظهور .. وكان كـ هدايا تقدمها “كوكو” لأصدقاءها ومعارفها ..
وفي عام 1924م بدأ العطر يباع .. وما زال يتصدر قائمة العطورات النسائية .. تقول “كوكو شانيل” [أريد أن أمنح النساء عطراً مصنوعاً] ، وللحق تشكر على هـ العطر .
العطر ناعم وريحته فواحة .. مناسب للسهرات والإستخدام اليومي..
الشركة طلعت منّه إصدارات وأشكال وأحجام وخط للجسم بودي لوشن وشغلات كثيرة اللي يستحق الذكر الـ أويل بتاع العطر شي غير طبيعي أنصح أي أحد يشتري العطر يشتري الزيت معاه.
نجب للعائلة الثانية تقريباً عند شانيل
Allure
أول عطر أشتريته من شانيل كان “ألور” الرجالي الأول .. فخم.. رجالي كلاسيك وجداً رائع بكل المواصفات
يصلح يومي .. ويصلح مناسبات .. ويصلح هدية .. يناسب ذوق عامة الرجال لأنه كلاسيك
ومن عائلة ألور عندنا Allure Sport ..
النسخة الشبابية من العطر .. ممكن نقدر نقول كذا .. بـ ألور سبورت تغيّر بعض خصائص العطر وصار يناسب الطلعات والسهرات أكثر .. صار فريش وحلو وبقى فيه شي من الفخامة .. وتميز شانيل أكيد ..
نجي للعطورات النسائية من ألور ..
أول ما طلع منها ..
كل عطر من شانيل يخليك تقول هذا الأفضل .. ألور النسائي عطر راقي ورائع جداً .. يناسب السهرات أكثر .. ويصلح للإستخدام اليومي ..
وبعده طلعت شانيل الإصدار الثاني .. ألور سينسيل ..
نجي بعد كذا للعائلة الأشهر من العطور النسائية .. Coco ..
لدرجة إن بعض الناس يعتقد إن كوكو شركة خاصة لأن لها أكثر من عطر .. وهذا بالطبع غلط فـ كل عطور كوكو تتبع لشانيل .. والعطر مسمى على اسم صاحبة الشركة “كوكو شانيل” ..
أول عطر منها كان كوكو الأول ..
العطر هذا من أنسب العطور كـ هدية .. يناسب مختلف الأعمار .. حلو ونعوم ..
اللي يذكر إن الوجه الدعائي للعطر كان الممثلة الشهيرة Keira Knightley
العطر للحين ماسك سعره وسوقه ويستاهل ..
Chance
من عطور شانيل المشهورة .. عطر حلو وفريش .. يناسب البنات أكثر .. حبيته ،
الإصدار الثاني من تشانس .. فيه إختلاف عن الأول .. ولكنّهم نفس الجو .. على ما أذكر إن الأول أفضل ..
Platinum
طبعاً هذا الإصدار الأول منّه قديم شوي الكلام عن الإصدار الثاني :
العطر رجالي فريش ورسمي جداً حلو يناسب المواعيد المهمة مثل الانترفيو وغيرها .. ويناسب السهرات عطر حلو جداً ومن أفضل العطورات الرجالية .يصلح هدية شبابية أو رجالية .. يعني للرجال من 20-40 سنة ..
نجي بعده لعطر Egoiste
إذا كنت تشتري هدايا لأهلك .. وكان أبوك أو جدك كبير .. يعني عمره 40 وفوق .. وتورطت ما تدري وش تشتري له هدية .. فما لك إلا هالعطر ..
عطر من العود والفانيليا رسمي جداً وفخم يصلح لكبار السن مرة
تقريباً هذي أغلب عطورات شانيل يبقى كم عطر الصراحة ما أذكرها بالضبط
ودي أنبّه على شغلة ..
بالنسبة للعطورات النسائية فـ كل عطورات شانيل تقريباً طلع منها بارفيوم وتواليت .. الفرق إن البارفيوم أقوى وأكثر تركيز .. ونصحيتي للجميع بكل العطورات إنهم ياخذون البارفيوم .. صح إنه أغلى شوي .. بس أفضل واقوى واكثر ثبات .. وللأسف ما فيه عطورات بارفيوم رجالية .. البارفيوم نسائي بس
واللي يتحمس ويشتري شانيل يحافظ عليه .. يعني لا يخليه بمكان فيه شمس لأن شمسنا تخرب العطور
اللي يشتري العطر وما يستخدمه فترة ممكن يحطه بالثلاجة ! هذي نصيحة من أكثر من واحد يبيعون عطور وعارفين شغلهم .. وفعلاً مجرّبة .. وعموماً لازم تحرص إنو الغرفة اللي تكون فيها العطور تكون باردة وجوها رطب نوعاً ما
ويبقى إنّا نقول إن تميز شانيل ما كان بالعطورات بس .. حتى مستحضرات التجميل عندهم جداً مميزة .. أذكر الأرواج عندهم حلوة ودرجاتها رائعة كريم الأساس أذكر طلعوا واحد من فترة وكان فيه ميزة ترطيب مع إنو كريم أساس
وما ننسى إن اسعارها أغلى من الماركات الثانيه..
ايف سانت لوران ..
صاحب أمبراطوية YSL .. توفي قبل أمس .. بعد عمر يقارب 72 سنة ..
يذكرون أنه كان يشتغل عند كريستسان ديور صاحب الاسم العالمي المشهور .. وبعد وفاة ديور ترك الشركة وأسس شركة له باسمه .. وصارت شركته تنافس الشركة اللي كان يشتغل فيها مصمم أزياء.
كان يسكن بالمغرب الفترة الأخيرة ويروح لفرنسا بالصيف بس طبعاً مقر الشركة بباريس ..
أسّس إمبراطورية من أقوى وأشهر إمبراطوريات الجمال والأناقة واسم عالمي الكل يشهد له بالقوة .. وما أخذت منّه الشغلة إلا فترة بسيطة عشان يرفع اسم مثل YSL
[ الأسطورة Yves Saint Laurent ]
إف سان لوران .. وهل يخفى القمر !
أنتجت أول عطر لها (Y) عام 1964 م .. وإلى هـ السنة وإنتاجهم -بعمومه- رائع ومتميز
عطورهم مميزة ومشهورة عالمياً وكل فترة يطلعون بعطر يكسر السوق مثلهم مثل الشركات الكبيرة ديور وشانيل وقوتشي وغيرهم
بابدا من أول عطر الرائع M7
ام7 عطر رجالي-شرقي .. حلو وكلاسيك..
يصلح هدية رجالية .. لأن الرجال غالباً يمشي معاهم هـ العطر .. شرقي وريحته على عود .. وهذي تقريباً الريحة الكلاسيك بالنسبة للخليج تقريباً ..
أنصح أيضاً تتعطر منه إذا بتحط دهن عود أو تتبخر .. لأنه يمشي معها ويعطيك جو حلو
يصلح للمناسبات والسهرات ممكن يكون عطر دوام ويومي ..
الأسطورة .. عند اف سان لوران ..
CINEMA
صراحة العطر أكبر من إني أوصفه فعلاً أسطورة ..
العطر نسائي .. ناعم شوي وقوي .
ممكن جداً يستخدم رجالي ..من مميزاته انه من العطور اللي تثبت ومع الوقت تحلوّ ريحتها ..
غالب الحريم والبنات يستخدمونه .. مع إني أصنّفه عطر حريم كبار شوي يعني على الثلاثين .. لكن ممكن تستخدمه بنت العشرين إذا عندها مقابلة مثلاً رسمي وحلو
جاز .. من أقدم وأروع عطور اف سان لوران .. رجالي فريش .. هذا الإصدار الأول منه .. وطلعوا كم إصدار من جاز كلها بروائح متقاربة ..
عائلة Opium
أوبيم عائلة عطور من إنتاج اف سان لوران .. الغريب إنها تختلف بين بعض .. فيه منها النسائي الناااعم .. وفيه الرجالي اللي صح ناعم شوي .. بس عطر قوي يعني .. استخدمته وأنصح فيه .. يصلح عطر صباحي
واذا بنتكلم عن الأخير ما نقدر ننسى عطر من أفضل العطور اللي نزلت السنة الماضية .. elle
العطر جداً حلو ، نسائي .. يصلح سهرات بالدرجة الأولى ممكن يستخدم للمقابلات فيه رسمية شوي
الشي اللي استغربته إن العطر نزل مع خط الجسم مرة وحدة (البدي لوشن ، الشامبو) مع إنه بالعادة ينزل العطر وبعد فترة ينزل خط الجسم .. حركة تسويق .. لكن استغربت يوم شفت خط الجسم موجود مع العطر أول ما نزل ..
عموماً أنصح بالعطر هذا هدية .. ريحته حلوة جداً ومميزة .. وأتوقع أي وحدة ممكن تتقبله .
باريس ..
هـ العطر ما تستخدمه لأي مناسبة ..
العطر أولاً نسائي ناااعم جداً .. لطيف .. ما أحسّ إنه يصلح سهرات مثلاً أو طلعات .. أحسّ يناسب البيت .. للمتزوجات يعني .. مب عطر إثارة بقدر كونه عطر ناعم ويعطي ريلاكس عجيب .. من جد يعيشك جو ..
تقريباً هذا اللي أذكر من عطور اف سان لوران .. والا عطورهم أكثر من كذا..
أذكر قبل فترة طلعوا خطّ عناية كان جداً رائع .. من ضمنها كريم مرطب للوجه يقول البياع إنه صنّع عشان يخلي البشرة مثل بشرة البيبي .. طبعاً انا ما وفّرت أخذت لي عينة .. واستخدمتها -عشان أعطيكم إنطباع صحيح – وفعلاً لقيت شي مميز ..
عموماً الشركة جبّارة والاسم له وزنة بأشياء كثير ..
[ Dior ]
DIOR
ماركة مشهورة عالمياً ونقدر نقول إن العطور والتجميل مب التخصص والإهتمام الأول لها
عندهم ملابس وجلديات ونظارات وأشياء كثيرة بجانب العطور والمكياج لكن هـ الشي ما يعني إنهم ما تميزوا فيها
عندهم مجموعة كثيرة من العطور .. لكن عطرهم الأسطوري
العطر رجالي طبعاً .. ولو كان لي تقدير للعطر عطيته 10/10 بدون تردد
التميز اللي يعطي العطر قوة إنه من طلع -قبل 13 سنة تقريباً- إلى اليوم وهو ماسك سعره وله زباين .. يخليك تقدره بدون تردد
طلعوا منه أكثر من نسخة .. مخفف وصيفي وفريش .. وآخر ما طلعوا قبل أقل من سنة
صح العطر مو مثل الأول .. ريحته تختلف تماماً .. ومو قوية مثل الأول
لكن يبقى إنه من نفس السلسلة .. وحلو برضو
وما دامنا على طاري العطور الرجالية .. من أفضل العطور اللي جربتها .. ومن العطور اللي أشتريها كن نرة وأنصح فيها كثير
العطر شرقي جداً .. ريحته على عود وعنبر
العطر يناسب بالدرجة الأولى البخور ودهن العود .. يعني إذا بتتبخر وتتعطر من هـ العطر يطلع شي ثاني
(Homme) العطر مصنّف
يعني يصلح للجنسين ممكن يستخدم نسائي بنطاقات معينة
ايضاً من عطور ديور الرجالية المشهورة
هاير من العطور الحلوة صح قديم شوي .. بس عطر رجالي فخم وحلو
له أكثر من إصدار .. هذا تقريباً أحلالها
نجي للعطور القوية .. النسائية
يتصدرها وبلا منازع
مس ديور (شيري) .
صراحة من أفضل العطور النسائية اللي شفتها .. ولو حطوا توب تن للعطور دخل فيها بدون نقاش
العطر نسااااائي .. بنوتي .. ميزته يناسب الحريم الكبار .. والبنات
على الطاري .. أذكر مرة بمنتدى قالت وحدة إن فيه عطر من (درعة) أحلى من مس ديور .. انا استغربت معقولة ؟
رحت السوق وشميت العطر .. بعدها أيقنت إن الناس أذواق من جد
أيضاًمن العطور الرائعه
ممكن يصنّف : عطر إثارة
العطر ريحته هادية وناعمة جدا
من ميزاته إنه يناسب الإستخدام الرجالي
ثابت وفواح بشكل غير طبيعي .. أذكر يجلس بشماغي من خمس إلى ستة أيام
وإذا تعطرت منه كثير يسألون عنه .. من جد متميز مع إنه قديم نوعاً ما
طلعوا منه برضو كذا نسخة .. لكن يبقى الأصل اللي بالصورة هو الأفضل
جادور
من العطور اللي تفتخر فيها ديور له دعايات كثير .. ممكن أكثر عطر سووا له دعاية
العطر نسائي جداً
poisonn
عائلة عطور .. طلعوا من بيوزون أكثر من عطر
العطر هذا هو الأم تقريباً .. لأنه جايب الريحة الأساسية .. أو الزهرة اللي يستخدمونها بكل اصدارات بيوزون
عطر نسائي حلو وحق سهرات
من أواخر الإصدارات من هـ العائلة
صيفي شوي .. ريحته فريش أكثر لأن العطر بالأصل أكثر نعومة
بعده آخر عطر نزلته ديور تقريبا
أيضاً
االعطر هذا يناسب المتزوجات أكثر .. واسمه راكب عليه .. يفضل يتعطر منه بالليل
عطر إثارة .. حلو جداً وأنصح فيه بقوه
[ رجالي/نسائي + LANCOME ]..
اكثر سؤال أسمعه : يصلح الرجال يتعطر من العطور النسائية !؟ والعكس !؟
أول شي .. العطور لها ثلاث تقسيمات : رجالي ، نسائي ، للجنسين ..
القسم الأخير مافيه مشكلة .. يصلح كذا وكذا
بالعطور النسائية مثلاً .. فيه مستويات للعطور ..
يعني ممكن تحصل عطر نسائي نسائي .. يعني ما أشوف إنه يصلح يتعطر منّه رجال .. لأنه أنثوي بقوة ..
مثل مس ديور وميدنايت وكم عطر .. نسائية جداً ..
وبالعطور الرجالية فيه عطور رجالية .. صعب إن بنت تتعطر منّه .. مثل ديور هوم .. ولاليك الرجالي وغيره ..
مثلاً .. سينما عطر نسائي من اف سان لوران لكن ممكن يتعطر منّه رجال العطر رسمي وحلو .. وتتقبل تشمه على رجال
أيضاً بريت من بربري عطري رجالي ناعم ودافي “شتوي أيضاً ممكن تتعطر منّه بنت
المنتجات المتميزة واللي عندنا بالسعودية ..
MIRACLE- المعجزة
فعلاًالعطر معجزة
فعلاً قوة العطر وثباته وانتشاره مع مراعاة إن ريحته مب حادة مثل غالب العطور الفواحة خلتني أفضّله
بجانب إنه عطر فيه سبايسي شوي رسمي ويصلح للسهرات وحتى ممكن صباحي وللدوام
ممكن تستخدمه لأي مشوار وأي مناسبة ويخليك متميز ومختلف
صح العطر قديم نسبياً لكن جداً حلو وله سوق
فيه كم عطر من نفس العائلة :
العطر النسائي منّه .. ريحة مختلفة تماماً ..
العطر ناعم وحلو.
So Magic – ساحر جداً !
اسم على مسمّى .. بدون مبالغة ما فيه أحد قال لي أبي هدية لبنت من 18 إلى 25 وشاف هـ العطر إلا اشتراه
وآخر العنقود :
MIRACLE Forever – المعجزة الأبدية
العطر هذا عكس اللي قبله تماماً .. عطر رسمي وهادي شوي .. يصلح للحريم من ثلاثين وفوق .. وممكن يستخدم رجالي
العطر بالعموم صباحي يصلح للدوام أو الإجتماعات .. والمناسبات الرسمية ..
Roses – الورود
العطر مصنّف نسائي .. لكن يصلح للجنسين .. رسمي جداً
مأخوذ من زهور نادرة .. ومن العطور اللي ما تلقى بالسوق كثير وممكن ينقطع سنوات ويرجع ..
أذكر أول ما نزل قبل ثلاث سنوات تقريباً راحت كمّيات كبيرة منه ويقول البياع إن هـ العطر ينزل ثم يقطع اكثر من سنة لأن الشركة لها تكتيك معيّن بالتسويق
hypnose
العطر هذا ناعم وفريش بنفس الوقت ..بنوتي وممكن يستخدمونه الكبار
حلو ومميز .. فيه زهرة الفانيليا معطيته جو ره
الرجالي منّه ..
رسمي وريحته على عود .. شرقي تقريباً ..
حلو ومميز
اتمنى الموضوع يحوز على اعجابكم (y)
(w)(f)(f)(f)(f)(f)(w)