شخبآركم؟ شحآلكم؟
عسآكم بخير جميع ^.^
أول موضوع لي هني.. كملت به 100 مشآركة لول
بالصور ستايل منآكير حلوو ونعووم..
وسهل بعد.. 
كنت مقررة أصور مجموعة المناكير اللي عندي.. بس خطر على بالي هالستآيل قلت بجربه وإن ضبط حطيته لكم بدل المجموعة.. والحمدلله ضبط وطلع وآآيد كيووت (f)
نظرة سريعة ع الستآيل :
عجبكم؟؟ عيل كملوا لتحت 😉
.( 1 ).
الأدوآت:
– لون المنآكير الأساسي اللي تبينه.. أنا استعملت فور لايف توني شآرية هاللون.. بصرآحة غرآم.. فوشي بس بدون مايكون فآقع.. وفيه لمعة خفييفة واللون يطلع بالضبط مثل العلبة بطبقة وحدة.. رقمه 9
– الألوآن اللي تبينهآ للنقط.. أنا اخترت الأبيض والأسود والسلفر بس ماستعملته
– بيفضل يس كوت وتوب كوت.. أنا أستعمل اللي ع اليسآر ياي مع طقم عنآية بس وايد تمآم للبيس والتوب
– ورقة
– أعوآد أسنآن للنقط.. أو إذا عندج منآكير بفرشآة ضعيفة "عندي من دآيسو بس أفضل أستعمل العادي مع أعواد الأسنان لأن مآل دايسو يكون كثيف ومايجف وماعرف أتحكم به عدل"
.( 2 ).
الطريقة
– بعد ماتحطين طبقة بيس كوت.. إنتظري من 5 – 10 دقآيق لين تنشف.
– إصبغي أظآفرج باللون اللي إخترتيه.. شوفو لون فورلآيف من قريب بطبقة وحدة
نصيحة للي يستعملون فورلايف: المناكير قوآمه ثقيل وكريمي نوعآ ما.. ف لما تاخذين الفرشآة امسحيها بأطراف العلبة علشان ينزل الزايد.. لأن لو مامسحتيه بيكون كثيف ع الظفر وبيغربلج لين ينشف.. ولو حسيتي الطبقة خفيفة إنتظريها لين تجف حول 10 دقآيق عقب حطي طبقة ثآنية.. لاااا تحطين طبقة ثانية والأولى مانشفت ><
– إخذي نقطة من المنآكير الأبيض والأسود على الورقة "ماله داعي تكثرين"
– إبتدي ارسمي بالنقط.. أنا ابتديت بظفري الوسط "دآيما أحب أصبغه أول ماعرف ليش؟!" ورسمت وردة بالدوائر بهالطريقة:
اخذي الطرف المسطح مب المدبب من عود الأسنان وغمسيه في نقطة المناكير الأبيض.. حاولي ماتوصلين لسطح الورقة مجربد غمسة خفيفة بحيث يكون المناكير على الطرف مثل القطرة.. عقب قربية على ظفرج في الزاوية اللي تحت بس خلي مسافة بينها وبين نهاية الظفر وحطيه ع الظفر برقة مايحتاج تضغطين بتشوفين النقطة نزلت وصارت دائرة.. عقب سوي دوائر ثانية حولها بدون فراغات.. بتتكون لج دائرة كبيرة على شكل وردة صغيرونة
عقب بالطرف المدبب غمسيه بالأبيض ونقطي حول الدائرة الكبيرة نقطة صغيروونة… سوي أربع نقط صغيرونآت بينهم فرآغات.. وفي هالفرآغات نقطي نقط سودا بالطرف المدبب بيكون شكلهم نقطة صغيرة بيضا وعقبها سودا وعقبها بيضا 4 من كل لون حول الدائرة الكبيرة
داخل الدائرة الكبيرة.. غمسي الطرف المسطح من العود في المنآكير الأسود.. وحطيه وسط الدائرة الكبيرة.. أو تقدرين تحطين فص صغيرون لو عندج
طبقي حركة الوردة هذي في الصبع الوسط من اليدين
<<< إسمحولي ما صورت هني.. بس لأن لنس كيمرتي مب لنس زووم مايطلع واضح ><
وباقي الأظافر نقطيهم بنقط عادية بالأبيض والأسود.. أنا اخترتهم في الزاوية السفلية
تقدرين تحطينهم بنص الظفر اليمين أو اليسار أو فوق أو تحت.. انتي وذوقج
طبعآ اغمسي الطرف المسطح من العود وعقب نزليه ع الظفر
ملآحظة: كل ماضغطي بالعود ع الظفر كل ماصارت الدائرة كبيرة.. كل ماخففتي صارت صغيرة
خلي النقط بشكل عشوائي لا تتقيدين بشكل أو حجم محدد.. ليش؟؟
علشان تقدرين تطبقين الحركة على اليدين.. لأن تعرفون اللي تشتغل باليمين تلاقي صعوبة تشتغل باليسار والعكس صحيح
فلما تكون الدوائر عشوائية بيكون رسمهم سهل ع اليدين.. أهم شي يكونون متركزين بنفس الزآوية
وبس إنتظري لما ينشف.. الدوئر ماتاخذ وقت لو كنت ضابطة الضغط بتجف بسرعة
بس للإحتيآط خليهآ عشر دقآيق
وآخر شي طبقة من التوب كوت.. أي منآكير شفاف يفي بالغرض..
وهني الستآيل النهآئي مع حركآت تصوير :tongue:
<<< ماعليكم أمر مآ شآء الله.. 😮 ترى في اليد اليمين الظفر الصغيرون منكسر واللي قبله منكسر للنص في الجلد ومب قادرة أقصه لازم يطيح بروحه :confused: مافيني يتكسرون الباقي توني معدلتهم
{ الموضوع كله جهد شخصي إبتداءً بالفكرة لين التطبيق والتصوير.. ما أمانع نقله بس اللي تنقله لا تنسبه لنفسها وتذكرني مع المصدر }
وإذا عجبكم.. تقييماتكم مرحب بها :15:
وأكيد أنتظر تطبيقآتكم (f)
روووووووووووووووووووووووووووعه
لاني اموت على الوردي عذابي اشوف شي وردي قدامي
وما اشتريه
الفكرة والتنفيذ والتصوير والموضوع عموما يهبل :21_156:
تسلم الايادي والله :thumbs:
تقبلي مروري :21_209:
وتستاهلي التقييم يا الغلا
رووووووووووووووعه فديتج
وايدج للي محليه اللوك
الالوان رهيبه و المفضله لي
تستاهلين التميز و التقييم
حبيت تصويرج
روعه وحده كيوت
يعطيج العافيه
روووووووووووووووووعه رووعه
يعطيك الف عافية يالغلا
ولك احلى تقييم
تستاهلين التقييم