مناري،، أشواق وكل اللي جربوا الدبل وير

شخباركم بنوتات

الموضوع اكيد واضح من عنوانه

بس خل اقول لكم سالفتي ،، ماعندي غيركم افضفض له بخصوص المكياج:shy:

الله يسلمكم انا جربت انواع وايد من كريمات الأساس من كثرها وصلت لمرحلة اني صرت اعرف اللي يناسبني للصبح او للطلعات المسائية او للسهرات

و عندي مجموعة استقريت عليها و مريحتني

كنت استخدم للطلعات المسائيه و للسهرات اكثر من نوع من بينها اساس كانيبو السائل

مرتاحه عليه وكل ما يخلص ارد آخذه مع اني احب اغير

بآخر فتره حسيت انه بدا يسبب لي تقشر عند الشفايف ولاحظت هالشي مع اكثر من استخدام

والمشكله ان التقشر يبقى حتى بعد ما ازيل المكياج

المهم اني مليت منه وقلت خلاص مابيه و فرصه اني اغيره:pain:

وعلى حسب مدح البنوتات للدبل وير ولأني اثق فيهم ،، وبعد كنت مجربه من زمان كريم اساس من استي لاودر كان حلو وايد

قلت يالله اجربه

بس المشكله وييييين:think:

<— مطوله الأخت:mad2:

كنت خلاص ناويه آخذه وهو متوفر عندنا بالدوحه بس بيومها اتصل اخوي وكان في البحرين

قال لي انا في مجمع السيف ما تبين شي:think:

قلت له روح دبنهامز و جيب لي كريم اساس دبل وير أفتح درجه " قلت آخذ افتح درجه لأن الأساس السابق اللي جربته من استي لاودر كان غامق شوي ":yes: ما اطوف اي فرصه لووول

وسالفه لين فهم اللي ابيه:no:

وصل الدوحه وعطاني الكريم اللي على اساس انه افتح درجه :
رقمه 01 fresco

طرت من الوناااسه وخليته عندي لأني قعدت اسبوع بدون مكياج بسبب الزكام

اليوم جربته و حسيت ان ملمسه حلو مخملي و تغطيته رهيبه وثااابت
بس لونه غااااااامق وايد

مع ان بشرتي حنطيه عادية ،، و توقعت اللون يطلع فاتح ومايناسبني

لقيته غامق ،، وحتى لما حطيت باودر فاتح فوقه بقى غامق:cry:

مادري انا محتاره

هل هم قصوا على اخوي وما عطوه افتح لون ؟؟ ولا هذا فعلاً افتح لون بس هو على الكل غامق؟؟

ياريت تدلوني لأني منقهره وايد من كثر ما تشجعت للفاونديشن وعجبتني نتجيته وثباته لكن للأسف اللون حطمني:angry:

آسفه طولت عليكم بالهذره و سامحوني:shy: