شحالكم عسولات؟ ان شاء الله الكل بخيرF:
طبعا قبل ما اعرض المنتجات اتمنى انكم تحطون في اعتباركم ان العرض بيكون حسب استخدامي انا وهذا مجرد رايي الشخصي. مب معناته ان املنتج بيعيب الكل ولا معناته انه ممكن يناسب الكل.
اذا البشره حساسه …. الخ
واتمنى من البنات بعد التفاعل لو حابين والمشاركه بالصور والاراء
mac pro longwear foundation spf 10
درجتي انا NC42
الفاونديشن هذا تغطيته متوسطه وفيه نسبه حمايه من الشمس – ثقيله بدون لمعه – مات – يناسب البشره المختلطه والدهنيه تغطيته وايد حلوه و ما يسيح يبقى معاج اكثر عن 12 ساعه ويخفي العيوب بشكل حلو هاي ثاني علبه اشتريها منه وتقييمي انا له 10/8
mac studio fix foundation spf 15
درجتي انا NC42
الفاونديشن هذا تغطيته متوسطه وفيه نسبه حمايه من الشمس – ثقيله بدون لمعه – مات – يناسب البشره المختلطه والدهنيه تغطيته وايد حلوه و ما يسيح يبقى معاج لين 12 ساعه ويخفي العيوب بشكل حلو هاي خامس علبه اشتريها منه وتقييمي انا له 10/10
طريقتي في استخدام الفاونديشن بسيطه: ارش فكس واترياه يجف واوزع البيس واخذ فرشاه الفاونديشن واحط كم قطره من الفونديشن على راحة ايدي واوزع الفاونديشن نقط على مناطق الويه وابدا ادمج بالفرشاه الحين – ارجع ارش فكس مره ثانيه وادمج هالمره باصابع يدي لان مرات الفرشاه تخطط ويهي والحراره لي الاصابع تدمج الفاونديشن – الحين احط بودرتي لي حاطه صورتها تحت واكون خلصت
mac mineralize skin finish natural
بودره من ماك تغطيتها خفيفه الى متوسطه ناعمه جدا على البشره تثبت الفاونديشن بطريقه حلوه و تستخدم جافه او مع ماي على فكره اذا استعملتيها بماي تتحول لتغطيه اقوى وكانها فاونديشن شريتها اربع مرات واعطيها 8/10
روعه كريمي جدا جدا جدا بس بعد ما تحطينه يجف ويثبت ما يسيح ابدا وينفع داخل العين وبرع العين وانا شخصيا افضله برع العين تقييمي له 10/10
make up for ever flash palette
الباليت هذا عباره عن شادوهات كريميه رهيبه ممكن نستعملهم بروحهم او بيس لشادو ميزتهم ان اللون جدا قوي واذا حابين نبرز لون معين عندنا ونثبته فهالباليت يفي بالغرض لي فتره طويله وانا احاول احصل لي واحد وتوفقت وفعلا مثل ما توقعت الباليت يستاهل تقييمي له 10/10
سمعت مدح على كريم الاساس mac pro longwear foundation spf 10
عندي اساس من ميك اب فور ايفر HD نفس الشي ابد ما يسيح وحاليه استخدمه ان شاء الله من يخلص بجرب ها النوع
روجاتج واختيارج حلوه
مجموعتج حلو واصبتي الاختيار
يعطيج العافيه تستاهلين التقيم
أنـآإ سمعت مدح فـآإوديشن مـآإكـ كمـآأن بس مـآإ ستخخدمته ..!
وأستخخدم روجـ ديوووور بمعنى الكلمة رهيييب ^,^
/
يسلمؤووؤ يـآإ عسسل
متابعة معاك
وانشاء الله بس يخلص الفاونديشن اللي عندي من جيرلان أجرب ماك أنا بشرتي عاديه انشاءالله اجربه
و لا مرة جربت فونديشن او بودرة ماك بس وايد ناس يمدحونهم
راح اجربهم ان شاء الله
و البلاشرات رووووعة
و احب ارواااج مااااك ماستغنى عن ارواجهم
ان شاء الله لو حصلت فرصه احط المنتجات اللي احبهم ..,,
فاونديشن ماك الثاني رهييييييييييييب وكل مااحطه الكل يسالني عنه وخصوصا لو كان مع البودره .. ومرطب ديور بعد روووعه ..
وكحل اربن ديكاي مااستغنى عنه ابداا وللاسف مو موجوده هالماركه بعمان .. ان شاء الله لا رجعت كندا اشتريه ,, اما البلشرات والارواج ماك غنية عن التعريف ..,,
مشكووووره يا قمر ..,,
لي بااك أكيد مع الصور وتعقليلي واتمني جد ان البنات يتفاعلون