اشحالكم بنات عساكم بخير يالغاليات ؟؟
حبايبي انا قبل لا تسكر القرية العالمية بكم يوم سرتها
وخذيت من القرية الاردنية وتحديدا من منتجات البحر الميت اللي عندهم الخلطة مال تبييض الاسنان
وهي عبارة عن شي اسود اعتقد فحم ومخلوط فيه مواد ثانية يعني نفس البودرة تقريبا
مادري كيف اشرحلكم 
بس اتمنى تكونون فهمتوا قصدي
المهم قالي تستمرين عليها من 3 الى 4 ايام وتشوفين النتيجة واتم وياج لين ست شهور
انا عيبني وخذته بس بصراحة ماعرفت كيف استخدمه
هو قالي تبللين الفرشاة بالماي بعدين تغمسينها في البودرة وهي بعدين تلصق بروحها
وتنظفين اسنانج فيها بس بعدين ماعرفت شواسوي اخليه ولا اغسله ولا شو ؟؟
خاطري اعرف الطريقة الصحيحة لاستخدامه وكم مرة استخدمه باليوم ؟
واذا استخدمته ما استخدم معجون اسنان ولا عادي ؟؟
يالت لو وحدة منكم تعرف طريقة الاستخدام تخبرني وتجاوب ع اسئلتي
ولها الف شكر….. مشكوووورين مقدما :salam:
انا هنا ادرس بالاردن وطبعا البحر الميت عندهم
>>تتفلسف
المهم طريقة استخدامه انك تبلي الفرشة بالموية وبعدها تغمسي بالبودرة وتفرشي اسنانك عادي وتتمضمضي فيها وعادي تغسلي بالموية مرة ثانية وكل السواد يطلع .
اظن كل يوم باللليل مرة وحدة ,, انا سمعت مرة عن هالمنتج ووحدة جربته زي الطريقة اللي قلت لك عنها
بس صراحة انا ماجربته ,, اذا تبغي اتأكدلك من المصدر عطيني اسم المنتج او ايش مكتوب عالعلبة ورح اسأل لك ياقلبي
تصدقين عاد اول مرة اعرف ان البحر الميت في الاردن خخخخخخخخخخخخخ
الطريقة اللي ذكرتيها هي نفسها اللي انا كنت اسويها بس مادري حسيت
مافي نتيجة قلت يمكن انا ما استخدمه صح >>>>> شوتبين النتيجة تطلع ف يومين خخخخخخخخخ
بس خلاص دام هذي هي الطريقة الصح خلاص على أمرج
وعن العلبة مب مكتوب عليها شي بس علبة صغيرة ومكتوب فوق ورقة تبييض الاسنان
بس مكتوب اسم المحل عندهم ومنتجاتهم كلها من البحر الميت
تسلمين فديتج ومشكووووووورة وااااايد
والله يوفقج في دراستج ويردج سالمة غانمة لبلدج ياااااااااااااارب
كلك ذووووووووووق ياأهل الذوق كله
واي خدمة انا تحت امرك
….
خلاص لوبغيت اي خدمة بقولج خخخخخخخخ ما انعطى ويه :gum:
اسولف حبيبتي
مشكورة وايد (f)
انا حاليا اتبع الطريقة اللي قلتولي عليها وان شاء الله تجيب نتيجة
والحمدلله للحين ما صارت لي اي اثار جانبية او ألم
مشكووووورة ع الرد والافادة يالغالية