خواتي .. أنا محتارة وايد .. وقلت ما لي الا أسألكم
منو منكم جربت أي طريقة من طرق التخلص من الشعر الزائد .. سواء كان الليزر أو الضوء المكثف .. او أي طريقة أخرى ..
ووين ممكن أسوي في بوظبي ..
أرجو ذكر التفاصيل .. وألف ألف شكر لكم مقدما
جربي الليزر … عند الدكتورة سعاد لطفي … الليزر مالها اوكي بيفيدج وانتظمي في الجلسات عندها
وهي تقريبا كل ثلاثاء اتزور مقر عيادتها في بوظبي …. بس ماعرف في اي بقعة مكانها اكيد انتوا ادرى
ولكن جلسات الليزر اترومين تحجزين اي وقت … امممممممممممممم بس نصيحة
استمري في الليزر وبتشوفين النتايج وايد حلوة لاتستعيلين عالنتايج / ولاتسوين فترة وتقطعين
كملي فترة العلاج 
انا من هل دبي …. بس بنات بوظبي بيفيدنج اكثر عني ….
انزين اختيه ما عندج رقمها ؟؟
انت جربت الليزر ؟؟ ما له مضار جانبية ؟؟
والموحة اذا تعبتج معايه
امم بحاول اني ايبلج رقمها امممم المسا بحطلج اياه الحين عندي امتحاااان ولازم اسير الجامعة دعواتج لي
… وانا جربت الليزر بالعكس بصراحة وايد فادني وايد وايد …
ونتايجة 100%
يعني اول مره سويته بعد كمن يوم ظهر الشعر قلت شو هالمصخرة !!!
بس مع كل استحمام كان الشعر يطيح ويطلع خفيف .. علطول سرت لها على حسب الموعد اللي عطتني
اياه ومع كل مره كنت احس انه الشعر يخف وفي اماكن ماتظهر فيها … وبجذي الحمدلله الحين تقدرين اتقولين
اتخلصت من 80% من الشعر
في انتظارج 😉