السلام عليكم ياحلوات ..
اليوم جايبه لكم من مطبخي حلى ولا اسهل..
طبعا.. هذاك اليوم رحت السوبر ماركت وشريت فراوله .. وفي نفي اليوم امي جت زارتني وجابت لي فراوله.. وصار عندي كثير بالثلاجه.. وخفت يخرب.. قلت خليني اسوي فيه حلى..
وهذي النتيجه اللي طلعت..
المقادير..
فراوله..
ملعقه قرفه .. (دارسين)
ملعقه سكر بني..
ملعقتين او 3 ملاعق ماي
كريمه مخفوقه .. سواء جاهزه او من صنعك ..
انا استخدمت هذي..
ملعقه صغيره قشرة برتقال (انا استخدمت بشر قشر الافندي)
وشوكولاته مبشور.. انا استخدمت دارك..
الطريقه..
نقطع الفراوله الى قطعتين او 3 قطع .. حسب حجم الفراوله..
نجيب قدر ونحط فيه ملعقتين ماي.. ملعقه دارسين وملعقه سكر بني..
ونحركه كل شوي .. ونخليه 8 دقايق ..
طبعا شي طبيعي ان الفراوله بيطلع الماي اللي فيه.. وهذا عادي..
بعد 8 دقايق نطفي عن الفراوله ونضيف له ملعقه قشر البرتقال او الافندي المبشور…
نخليه يفتر بعدها .. ونبدا نحطه في كاسات.. تقريبا ملعقتين لكل كاس..
بعدها نجيب الكريمه ونحطها فوق الفراوله…
ونرش فوقها شويه شوكولاته مبشوره..
وهذي النتيجه…
وصحتين وعافيه عليكم..
طريقة حلوووووووة وسهلة تستحقين عليها تقييم تسلم الايادي
شكلها حلو
بالفعل لذيذه وماهي حاليه كثير..
![01383413541 عروس](http://forums.3roos.com/images/new_smiles/01383413541.png)
وتسلمى على الوصفة الجميلة
عجبني تصويرك والحلى كمان طبعا
الف شكر لج