السلام عليكم جميع..
قبل يومين كنت مــــــيته جوع .. فتحت الثلاجه لقيت عندي بروكولي.. صار له فتره وخفت يخرب.. وشفت غرشه زيتون.. قلت يالله .. هات اخترع! وسويت طبخه مقاديرها من راسي واللي متوفر عندي…. وهذي نتيجتها:
المقادير.. (سوري بعض المقادير نسيت اصورها)
صدور دجاج مقطعه ..
بروكولي مقطع (انا استخدمت ثلاث ارباع كاس..
زيتون مقطع .. انا استخدمت 4 ملاعق..
زنجبيل مقطع شرائح..
زعتر وروز ماري (اكليل الجبل) .. انا استخدمت الطري مش المجفف..
صلصله طماطم .. و كريمه..
نص كاس ماي..
ملعقه نشا مذوبه في ماي..
ملح وفلفل اسود…
زيت زيتون ..
رز ابيض مسلوق..
الطريقه..
نجيب المقلى ونحط فيه ملعقه زيت زيتون .. ولما تحمى نحط عليها الدجاج والزنجبيل ونقلبه شوي لين ينشف مايه..
وبعدها نحط عليه الاعشاب .. اللي هي الزعتر والروزماري..
ونقلبهم لمده خمس دقايق.. لين مايحمر الدجاج .. ونحط عليه الفلفل الاسود ونشيلهم على جنب..
في نفس المقلى ..نحط البروكولي .. ونحط معاه شوية زنجبيل .. والزيتون ونقلبه لمده دقيقتين او ثلاث دقايق.. ومش اكثر..
الحين نرجع الدجاج .. ونحطه فوق البروكولي والزيتون ..
ونحط عليه ملعقه صلصلة طماط و ملعقه كريمه .. وربع كاس ماي.. وملح..
نخلطهم مع بعض ونقصر عليها لما يغلي .. ونخليه مدة 10 دقايق..
نضيف النشا المذوب في ماي .. ونغطيه ونخليه مدة 5 دقايق زياده ..
وقت التقديم..
انا جبت طاسه بلاستيك .. بللت ايدي بماي ومسحت الطاسه من داخل .. حطيت فيها رز ابيض وضغطته بملعقه عشان يتماسك.. وقلبته في الصحن..
وفي الجهه الثانيه حطيت الدجاج ..
بس ماكان لي خلق اقعد ازين وارتب .. لاني كنت انتظر اخلص واكل *كنت ميته جوع*
** الحلى اللي سويته كان سهل .. وراح احطه بموضوع مستقل ..
ولاتنسوني من دعواتكم وتجاربكم وتقييماتكم الحلوه ..
وصحتين وعافيه ..
هاله..
حبيبتي يسعدني اكون اول وحدة ترد عليك
ماشاء الله عليك .. ابداااااااااااااااع شكل وطعم وطريقة سهلة وريحة ايضا هههههههه
في الصورة في طبقين واحد لك وواحد لي اوكي
واحب اقولك
واحلى تقييم لعيونك ….
خلاص يالله نجهز السفره وناكل
يسلم لي مرورك حبيبتي ..
يعطيك الف عافيه
وتسلم الايادى الجميلة
ومشكورة على الوصفة الرائعة