اختكم مارلين .. ارجو ان اكون اخت عزيزة عليكم
انا مكروبة و الله العظيم… ابغي احد يساعدني و نا لقيت احد غيركم
ألجأ له
لأن عند الحاجة مافيه الا خواتش يساعدون.. صح و لا غلطانة
مستعدين تساعدوني .. انا راح ابث شكوتي و اتمنى حتى لو لقيت
صوت راضية و قانعة
بسم الله الرحمن الرحيم
انا عمري 21 جالسة في البيت ابغي شعري يرجع مثل ما كان من شهرين
كان طوله لتحت الظهر لكن من غبائي تابعت الموضة و قصيته.. شعري
ناعم و جميل بس متقصف شوي اريده يرجع
مع العلم اني استخدم حمام زيوت مختلطه مع الثوم.. و يش رايكم اكمل
و لا استخدم شئ يومي احسن
ها … اكمل و لا شنو
يقولوا احلى شئ فبنب عيوني لونهم عسلي مائل للفاتح اريدهم
يبرزوا اكثر مع العلم ان الهالات السوداء متعبيني و ما لقيت لهم حل
اريد احط بس الكحلة و تصير عيوني عيون المها
و بعد اريد اكمل و رموشي يطولوا مو تنسوا
بشرتي تعبانة جدا .. جدا
مع اني مداومة على الليمون على وجهي ليليا بس ما فيه فايده
كنت استخدم منتجات بيزلين للعناية بالبشرة بس تركتهم
ارجع ليهم و لا خليني على الطبيعي احسن
و اخلي المنتجات لما يصير عمري 30 اريد حلا
اظافري حالتهم حالة ما فيه فايدة كريمات و احط .. و اقصهم ..
و استخدم ليهم المبرد
بس المتعوس… متعوس يمكن
ادري تعبتكم معاي
من اللي تملك نظام يومي امشي عليه معاها يخليني اصير افضل
و النفسية تصير احسن
بعد اريد نظام رجيم تمشي عليه يوميا
يعني من الصبح من اول ما تقوم من السرير لحد ما ترجع له
من شرب .. اكل .. رياضة .. اهتمام بالبشرة
Every thing
ادري طولتها … و يمكن مللتكم بس و يش اسوي .. عذروني
النفسية متحطمة و متكسرة
على فكرة من يومين ما نمت
دعائي للعزيز القدير ان يحفظكم و يحرسكم بعينه التي لا تنام
ليش كل هذا التحطم الدنيا ماتسوى كل هذه الضيقه ولا تشغلين بالك لهذه الدرجه كل مشكله ولها الف حل انتى مؤمنه الحمد لله فلا تتركى اليأس يمتلكك
المهم
لمشكله الشعر
ممكن تستخدمين الزيت المعروف فى المنتدى عندنا الزيت اللى بالحلبه وذلك بوضع حلبه مطحونه فى زيت الذره وتركه يخمر لمده عشره ايام وبعدها استخدميه ثلاث مرات بالاسبوع
ولمشكله اظافرك
والله انا اظافرى كانوا ولا شى شبه معدومين
استخدمى الاتى
تنقعين يدك بزيت زيتون دافى لمده ربع ساعه وبعدها تفركين يدك بالليمون وخاصه منبت الاظافر وتكررين العمليه مرتين بالاسبوع وبتلاحظين الفرق
هذه الحلول اللى عندى الحين لمشكلتك وهى اكيده ومجربه منى شخصبا
بس لاتنسين تدعيلى
ام الزييييييييين
اوكي حبيبتي؟؟
ياللاااااا اضحكي
اضحكي اقول ما تسمعين الكلام 
2
اييييييييييييييييييييييييوه كذا صرتي أحلى
ههههههههههههههههه
باااااااااااااي
أختك: نجاوي
واهم شي هو الراحة والنوم والغذاء السليم وانك من جواتك تقتنعي انك فعلا احلى واحلى
شو وين المعنويات شوفي هالرابط وانت رح تقتنعي
http://www.3roos.com/forums/showthre…4&goto=newpost
ماعندي شي أقوله… خوفتيني عليج والله أنا قلت شي عظيم حل بج بسم الله عليج…….
تبين الصدق لو كنت الحين عدالي جان صفعتج طراقات لين ماتقولين لي بس ياروضة الدار… كفاية عليه كلام وضرب… ههههههه:pain::pain:
قولي الحمدلله………..
واذا ماقلتي الحمدلله ياويلج
تسيرين اليوم تصلين ركعتين شكر لله على نعمة الصحة والعافية؟؟؟ وتدعي لي بعد
وردي عليي..((( على الخاص إذا ممكن؟؟؟؟)))
باي الغالية لا تزعلين من كلامي … تراني أسولف وياج… وتعرفين ليش أنا قلت هالكلام………………..؟؟؟؟؟؟؟؟؟؟:eek2:
السلام عليكم ورحمة الله وبركاته
حبيبتي ام الزين مشكورة و ان شاء الله اجربهم و يجيب نتيجه
قولي ان شاء الله و بالتوفيق
عسولة مشكورة
صحيح اهم شي النفسية تتعدل
نجاوي عزيزتي ما قصرتي
micky مشكورة بس يقولون اني اشبه فاطمة الحوسني
روضة الدار
تراك عزيزة و غالية و ليش ازعل نت اخت تبي مصلحتي
بس انت مش عايشة معاي و شايفة معاناتي
انا كنت دبدوبة لما كنت صغيرة و الخدود تفاح امريكاني على قولة الوالد
و الله كل يوم اقول الحمد لله و في كل ساعة
بس من سنتين حاشني هالأكتئاب
تصدقون وحدة من زميلاتي شافتني لا سلام لا كلام على طول
قالت صرتي فيل
انا ديك الساعه الله لا يراويك حتى الدمعة طاحت
فشلتني قدام الناس
صديقتي حاولت معاي علشان اهون عن هذا الوسواس
بس حطموني دائما يقولون متنتي
قولوا لي و يش اسوي
انا تراني انسانة قنوعة بس ما احد يخلي احد في حالة
علشان كذه انا قلت لازم اتغير تغير ملحوظ علشان اسكتهم
و اكف بلاهم عني
و دمتم لي اخوات عزيزات على قلبي
و اشكركم لرحابة صدوركم