ابي اعرف عن ادوات اللي يمكيجون بالضبط
شانواع بودراتهم ؟
وكريم اساسهم ؟
وكونسلراتهم؟
واسماؤهم بالتفصيل ومن اي ماركه ؟
انا مشكلتي اروح محلات اللميكب ماعرف شاخذ ووش اقول لهم ؟
اشوف اغراض بس ماعرف هذا ليش وذاك وش له ؟
المهم بس ابي اعرف عن ادوات هذول اذا حد عنده فكره ؟.
وشنو هذا اللي يحدد الخشم اللي يحطونه اخر شي
شسمه ؟
واللي تحت الحاجب ينحط ؟
ادري احس اني ثقيلة دم بهالاسئله بس شسوي مع اني احط مكياج حلو
بس ما استخدم هالاشياء التكميلية !!
اقصد الاساس يعني والبودره
عندج ايستي لودر عندهم كريم اساس ثقيل ينفع للمناسبات
طبعا انتي لين رحتي محل المكياج قولي لهم عن درجه تغطيه الكريم اساس اذا تبينه ثقيل او خفيف للصبح والدوام
والكونسيلر عندج فور ايفر الباليته وايد تمام وعندج كونسيلر ماك الي على شكل تيوب وايد حلو
وتحديد الخشم ممكن بأي شي تحددين فيه
ممكن تستعملين لتحديده كونسيلر اغمج من بشرتج
وممكن اذا ماعندج حتى تستعملين لون شدو اغمج من بشرتح بشوي اهم شي تعرفين تدمجينه عدل عشان مايبين مصطنع انا عن نفسي استعمل شدو من ماك لتحديد الخشم
والي ينحط تحت الحاجب هذا اضاءة
تلاقين في ميكب فور ايفر اسمه دايموند بودر حده فضييع وعندهم ستار بودر لونه ولمعته اقل بس بعد حلو
والبيجمنت من ماك ممكن تستخدمينه كإضاءة وبيجمنت انجلوت بعد
وعندج حتى بيجمنت نيكس رخيص وحلو ويصلح للصبح ويتم ثابت ووممكن تستخدمين شدو بلمعه لتحت الحاجب
اهم شي اذا بتشترين مكياج ماعليج من كلام البايعه اذا حاولت تفرض رايها عليج
لأن اهم اكثر شي يسوقون للشي الي يبونه ولاتخلينها تغير رايج اذا انتي متأكده من الي تبينه
وان شاء الله الي كتبته يفيدج
 |
اقتباس |  |
 |
المشاركة الأساسية كتبها القطه الشقيه  |
 |
 |
| بنات عندي سؤال
ابي اعرف عن ادوات اللي يمكيجون بالضبط شانواع بودراتهم ؟ وكريم اساسهم ؟ وكونسلراتهم؟ واسماؤهم بالتفصيل ومن اي ماركه ؟ انا مشكلتي اروح محلات اللميكب ماعرف شاخذ ووش اقول لهم ؟ اشوف اغراض بس ماعرف هذا ليش وذاك وش له ؟ المهم بس ابي اعرف عن ادوات هذول اذا حد عنده فكره ؟. وشنو هذا اللي يحدد الخشم اللي يحطونه اخر شي شسمه ؟ واللي تحت الحاجب ينحط ؟ بس ما استخدم هالاشياء التكميلية !! |
||
 |
 |
اغلب الماكيرات يستخدمون كريولاين
وبسام فتوح يستخدم هالماركه لانه روعه في التغطيه