موضوع يخص المتزوجات والأمهات بالتحديد . 2024.

السلام عليكم ورحمة الله وبركاته،،،،

اشحالكم اليوم يا عرايس

أتمنى الكل يكون بخير وصحة وسلامة ،،،

ما بطول عليكم .. عندي سؤال أو اسفتسار للمتزوجات والامهات

وين ينامون عيالكم (أقصد إلي أعمارهم من أربع ونازل) .. إذا كنتي بعدج في بيت أهل ريلج

يعني عندج غرفة وحدة بس .. حقج وحق ريلج وحق عيالج ؟؟؟؟ أو كنتي تنيمينهم وياج في غرفتج .. إذا عندج شقة أو بيت ؟؟؟؟؟

أتمنى من الأمهات المشاركة (والله يرزق كل وحده الذرية الصالحة يا رب)

وعليكم السلام
اكييييييييييد ياقلبي اذا كان عندي بس غرفه وحدة راح يكون في حضني انا

مشكورة وما قصرت يا أم الناس،،،

انتي الوحيدة إلي عبرتيني… مع إنه موضوعي مهم ويمكن الأغلبية يعانون منه

إنزين عزيزتي يوم بترقدينه في حضنك .. عيل إبو العيال وين يرقد ؟؟؟؟؟؟

بسم الله..

هلا اختي..

أنا لمن كنت حامل كنت أقول راح اخلي ولدي بروحه في غرفة ..

بس لمن حقت حقايها.. ورحت شقتي..

وشفت شلون التعب والسهر والقعده من النوم المستمره .. قلت خلاص..

مادام كل ساعة وساعتين يقعد من النوم خله في سريره جنبي ومعاي بنفس الغرفة..

وسوري بس جان على ………… نروح الغرفة الثانية..

وبس..

خذي السرير اللي فيه ستاير ناعمه مال الدلع

انا ساكنة في شقة لوحدي وبنتي وولدي صغار يعني خمس سنين وسنتين ينامون في غرفتهم لوحدهم بصراحة في البداية عانيت منهم ويجون وينامون بجنبي بس انا اخلي باب غرفتي مفتوح عشان لو يبغو شئ يجون لاني لو صكيت الباب وصحيوا ولاقوة مقفل يفجرون البيت ببكاهم وشوي شوي يتعودون وتري لازم تعويد الاطفال من بدري والا تري بعدين يعانون ويتعبون نفسيا

مرحبا…….. أنا قلت إني برقد ولدي فحجرة بروحه لما كنت حامل بس الحين يرقد فحضني وماعرف كيف احل هالمشكلة!!

انا عندي غرفه بس وبنتي اتنام بينا انا وريلي لما كان عمرها 8 شهور وللحين صا ر لنا 3 شهور على هالحاله قالوالي كنت اخليها اتنام في سريرها بس يوم صارت تتقلب في السرير نزلتها لانها طاحت مره من سريرها وما حسيت فيها قالوالي خليها اتنام في الارض ما قدرت لانه المكيف بينظرب فيها

تحياتي

هم شجون

ينام معنا بنفس الغرفة… قبل الفطام كان معاي بالسرير، بس الحين بعد الفطام خلاص صار يرقد بسريره وارتحنا.. وعقبال ما اطلعه برا الغرفة ..

انا عندي بيت بروحي واقدر احط ولدي في غرفه بروحه .. بس المشكله انه ابوه ما يرجع الاا اربعا وخميس وجمعه .. عسب شي مخلتنه في سريره عندي فالغرفه واحيانا ارقده بسريري .. مونسني فديته ..